ຊ່ວຍແຊຣເດີ້

ດ່ວນທີ່ສຸດ ຄົນລະແຊ

ຄຳແນະນຳ! ສຳລັບຜູ້ສຳພັດໃກ້ຊິດກັບຜູ້ຕິດເຊື້ອ ແລະ ຕ້ອງຈຳກັດບໍລິເວນຢູ່ເຮືອນ

ດຣ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ໄດ້ຖະແຫຼງຂ່າວ ໃນວັນທີ 4 ຕຸລາ 2021 ວ່າ: ປະຈຸບັນນີ້ສະພາບຂອງການລະບາດຢູໃນປະເທດຂອງພວກເຮົາ ແມ່ນພົບຢູ່ໃນຊຸມຊົນ, ເຊິ່ງເຮັດໃຫ້ມີຈໍານວນຜູ້ຕິດເຊື້ອຈໍານວນຫຼວງຫຼາຍທີ່ຈະຕ້ອງໄດ້ເຂົ້າໄປນອນຮັກສາປິ່ນປົວໃນໂຮງໝໍຕ່າງໆໃນນະຄອນຫຼວງວຽງຈັນກໍ່ຄື ຫຼາຍແຂວງທີ່ກໍາລັງປະເຊີນໜ້າຕໍ່ການລະບາດ ຕໍ່ສະພາບການດັ່ງກ່າວ ທາງກະຊວງສາທາລະນະສຸກ ກໍ່ຄື ພະແນກສາທາລະນະສຸກໃນແຕ່ລະແຂວງໄດ້ຄົ້ນຄວ້າ ແລະ ຈັດສັນໂຮງໝໍພາກສະໜາມຂື້ນຢູ່ຫຼາຍແຫ່ງ ແຕ່ກໍ່ຍັງບໍ່ສາມາດ ຕອບສະໜອງໄດ້ຕໍ່ ຄວາມຮຽກຮ້ອງຕ້ອງການຂອງສັງຄົມ ຄື ການມາຮັບຄົນເຈັບໄວ ການຈັດຫາຕຽງນອນໃຫ້ແກ່ຄົນເຈັບ ໃນໄລຍະຮີບດ່ວນ.

ດັ່ງນັ້ນ, ໃນມື້ນີ້ ຂ້າພະເຈົ້າຈະຂໍໃຫ້ຂໍ້ມູນເບື້ອງຕົນກ່ຽວກັບ ການຈໍາກັດບໍລິເວນຢູ່ເຮືອນ ແລະ ການປິ່ນປົວຢູ່ກັບເຮືອນສໍາລັບຜູ້ບໍ່ມີອາການໃນກໍລະນີທີ່ໂຮງໝໍລົ້ນຄົນເຈັບ, ເຊິ່ງມາດຕະການດັ່ງກ່າວນີ້ ຍັງບໍ່ທັນໄດ້ຖືກຈັດຕັ້ງເທື່ອເນື່ອງຈາກ ສູນຈໍາກັດບໍລິເວນ ແລະ ສະຖານທີບໍລິການປິ່ນປົວໃນປະຈຸບັນກໍ່ຍັງຮອງຮັບໄດ້ຢູ່.

ການຈໍາກັດບໍລິເວນຢູ່ເຮືອນ ແມ່ນ ສໍາລັບຜູ້ທີ່ເປັນຜູ້ສໍາຜັດໃກ້ຊິດກັບຜູ້ຕິດເຊື້ອ ແລະ ມີຫ້ອງສໍາລັບຈໍາກັດບໍລິເວນ ລວມທັງຫ້ອງນໍ້າ ທີ່ ແຍກອອກເປັນຂອງຕົນເອງ: ສິ່ງທີ່ທ່ານຄວນປະຕິບັດແມ່ນ:ຢູ່ເຮືອນ 14 ວັນ ນັບຫຼັງຈາກມື້ທີ່ເລີມສໍາຜັດ ເຝົ້າລະວັງອາການຕົນເອງ ວ່າມີອາການໄຂ້ 37,5 ຂື້ນເມື່ອ, ມີອາການໄອ, ຫາຍໃຈຍາກ, ດັງບໍ່ໄດ້ກິ່ນ, ລີ້ນບໍ່ຮູ້ລົດຊາດ…

ໃຫ້ທ່ານຢູ່ຫ່າງຈາກຄົນໃນຄອບຄົວທີ່ອາໃສຢູ່ນໍາກັນ ໂດຍສະເພາະຜູ້ທີ່ມີປັດໃຈສ່ຽງສູງທີ່ຈະຕິດເຊື້ອ ໂຄວິດ-19 ຫຼັງຈາກ ການຈໍາກັດບໍລິເວນແລ້ວ: ແມ່ນໃຫ້ທ່ານເຝົ້າລະວັງອາການທ່ານຕື່ມອີກ 14 ວັນ, ຖ້າທ່ານມີອາການ ໃຫ້ທ່ານແຍກປ່ຽວຕົນເອງທັນທີ ແລະ ຕິດຕໍ່ຫາ ສາຍດ່ວນ 165/166 ຫຼື ເຂົ້າໄປປືກສາແພດໝໍທີ່ຢູ່ໃກ້ບ້ານທ່ານ.

ການປິ່ນປົວຕົນເອງຢູ່ເຮືອນ ແມ່ນ ອະນຸຍາດສະເພາະຄົນເຈັບທີ່ຕິດເຊື້ອ ໂຄວິດ-19 ບໍ່ມີອາການຫຍັງ ຫຼື ເບົາບາງ, ແຕ່ຕ້ອງມີຫ້ອງນອນ ແລະ ຫ້ອງນໍ້າໃຊ້ສະເພາະຕົນເອງ, ສິ່ງທີ່ທ່ານຄວນປະຕິບັດແມ່ນ: ຕິດຕາມອາການຕົນເອງ, ຖ້າທ່ານມີອາການຮຸນແຮງ ເຊັນ ຫາຍໃຈຍາກ ແມ່ນໃຫ້ໂທຫາແພດຫຼືໄປໂຮງໝໍທັນທີ ແຍກຫ້ອງຢູ່ ຈາກສະມາຊິກພາຍໃນເຮືອນ, ໃຊ້ຫ້ອງນໍ້າແຍກກັນ, ບໍ່ໃຫ້ໃຊ້ສິ່ງຂອງຮ່ວມກັນ, ຕ້ອງໃສ່ຜ້າປິດປາກ-ດັງ

ການອະນຸຍາດໃຫ້ຄົນເຈັບທີ່ບໍ່ມີອາການ ສາມາດປິ່ນປົວຕົນເອງໄດ້ຢູເຮືອນກໍ່ແມ່ນເພື່ອຫຼຸດຜ່ອນຄົນເຈັບທີ່ຕິດເຊື້ອແຕ່ມີອາການເບົາບາງ ແລະ ສຸມໃສ່ການດູແລ ປິ່ນປົວກໍລະນີໜັກ, ຄົນເຈັບທີ່ມີພະຍາດປະຈໍາຕົວ. ຄົນເຈັບທີ່ສູງອາຍຸ ເພື່ອບໍ່ຫຼຸດຜ່ອນການເສຍຊິວິດ ໃຫ້ໜ້ອຍທີ່ສຸດ

Related Posts

Leave a Reply

Your email address will not be published. Required fields are marked *