ຊົມເຊີຍ!ບໍລິສັດອຸດສາຫະກຳ ຈົງຈູ່ ຈຳກັດ ມອບເງິນ 50 ລ້ານໃຫ້ ແຂວງຊຽງຂວາງຕ້ານໂຄວິດ

ບໍລິສັດອຸດສາຫະກຳ ຈົງຈູ່ ຈຳກັດ ມອບເງິນ
ປະກອບສ່ວນຕ້ານໂຄວິດ-19 ໃຫ້ແຂວງຊຽງຂວາງ

ຂປລ. ແຫລ່ງຂ່າວຈາກ ແຂວງຊຽງຂວາງ ໃຫ້ຮູ້ວ່າ: ວັນທີ 6 ຕຸລາ 2021 ນີ້, ທ່ານ ຢາງສິງໂຫລງ (Yang Qing Rong) ປະທານບໍລິສັດ ອຸດສາຫະກຳ ຈົງຈູ່ ຈຳກັດ ພ້ອມຄະນະ ໄດ້ມອບເງິນຈຳນວນ 50 ລ້ານກີບ ໃຫ້ແຂວງຊຽງຂວາງ ເພື່ອນຳໃຊ້ເຂົ້າໃນວຽກງານ ສະກັດກັ້ນ ແລະ ຕ້ານພະຍາດໂຄວິດ-19 ກ່າວຮັບໂດຍ ທ່ານ ສີວິໄລ ແສງຈະເລີນ ຮອງເຈົ້າແຂວງຊຽງຂວາງ.

ໂອກາດນີ້, ທ່ານຮອງເຈົ້າແຂວງຊຽງຂວາງ ກໍໄດ້ກ່າວສະແດງຄວາມຊົມເຊີຍຕໍ່ບໍລິສັດ ທີ່ໄດ້ປະກອບສ່ວນ ຊ່ວຍແຂວງຊຽງຂວາງ ໃນການຈັດຕັ້ງປະຕິບັດວຽກງານ ສະກັດກັ້ນ ແລະ ຕ້ານ ພ ະ ຍ າດ ໂ ຄ ວິ ດ, ເຊິ່ງເປັນການປະກອບສ່ວນສຳຄັນເຂົ້າໃນການຈັດຕັ້ງປະຕິບັດວຽກງານດັ່ງກ່າວ ແລະ ຂໍໃຫ້ທຸກຄົນຮັກສາສຸຂະພາບໃຫ້ແຂງແຮງ,ພ້ອມກັນຜ່ານພົ້ນວິກິດຄັ້ງນີ້ໄປດ້ວຍດີ,

ເຊິ່ງເງິນຈຳນວນດັ່ງກ່າວ ຈະນຳໄປໝູນໃຊ້ເຂົ້າໃນວຽກງານ ໂຄສະນາ, ປິ່ນປົວ, ສະກັດກັ້ນ ແລະ ຕ້ານພະຍາດໂຄວິດ-19 ເຮັດໃຫ້ຈຳນວນຜູ້ຕິດເຊື້ອຢູ່ພາຍໃນແຂວງ ຫລຸດໜ້ອຍຖອຍລົງ.

ຂ່າວ: ບຸນມີ ແສງທຸມມີ

Related Posts

Leave a Reply

Your email address will not be published. Required fields are marked *