ສາທາເຕີຶອນ! ສາທາເຕືອນ! ການໃຊ້ເຫຼົ້າຂ້າເຊື້ອ ຫຼື ສະເປສີດພົ່ນໃສ່ ອາຫານກ່ອນຮັບປະທານແມ່ນບໍ່ຖືກຕ້ອງຕາມຫຼັກການ ອາດເກີດອັນຕະລາຍໄດ້.

ສາທາເຕືອນ! ການໃຊ້ເຫຼົ້າຂ້າເຊື້ອ ຫຼື ສະເປສີດພົ່ນໃສ່ ອາຫານກ່ອນຮັບປະທານແມ່ນບໍ່ຖືກຕ້ອງຕາມຫຼັກການ ອາດເກີດອັນຕະລາຍໄດ້.

ເນື່ອງຈາກການແຜ່ລະບາດຂອງເຊື້ອພະຍາດໂຄວິດ-19 ທີ່ກະຈາຍໄປທົ່ວ, ຫຼາຍຄົນກໍກັງວົນວ່າເຊື້ອພະຍາດອາດເຕັມໄປທົ່ວ ແລະ ກໍອາດມີບາງຄົນທີ່ເຂົ້າໃຈຜິດວ່າການຊີດຢາຂ້າເຊື້ອໃສ່ອາຫານກ່ອນຮັບປະທານນັ້ນຈະເຮັດໃຫ້ຕົນປອດໄພອີກວິທີໜຶ່ງ.

ທ່ານ ນາງ ດຣ ບົວຜັນ ຄຳພາພົງຜ່ານ ຮອງຫົວໜ້າສູນວິເຄາະ ແລະ ລະບາດວິທະຍາ, ກະຊວງສາທາລະນະສຸກ ແຈ້ງໃຫ້ຊາບວ່າ: ປັດຈຸບັນ ສັງເກດເຫັນວ່າມີປະຊາຊົນຈຳນວນໜຶ່ງ ມີຄວາມກັງວົນກ່ຽວກັບ ເຊື້ອພະຍາດໂຄວິດ-19 ທີ່ອາດຈະຕິດມາກັບອາຫານທີ່ຊື່ມາ, ເຮັດໃຫ້ບາງທ່ານໃຊ້ເຫຼົ້າຂ້າເຊື້ອຮູບແບບສະເປສີດພົ່ນໃສ່ອາຫານ ກ່ອນຮັບປະທານ, ຄວາມຈິງແລ້ວການປະຕິບັດດັ່ງກ່າວ ເປັນການເຂົ້າໃຈທີ່ບໍ່ຖືກຕ້ອງຕາມຫຼັກການ ເພາະເຫຼົ້າຂ້າເຊື້ອທີ່ເປັນຮູບແບບສະເປຜົ່ນບໍ່ຄວນສີດລົງໃສ່ອາຫານໂດຍກົງ ເພາະອາດເປັນອັນຕະລາຍເຖິງຊີວິດໄດ້.

ສະນັ້ນ, ວິທີການຂ້າເຊື້ອພະຍາດ ແລະ ຫຼຸດຜ່ອນຄວາມສ່ຽງໃນການຕິດເຊື້ອ ກໍຄືການປຸງແຕ່ງອາຫານໃຫ້ສຸກດີ ແລະ ຮັບປະທານອາຫານສົດໃໝ່ທຸກຄັ້ງ, ພ້ອມດຽວກັນນີ້, ຫຼາຍທ່ານໄດ້ເຮັດຄວາມສະອາດພາຍໃນບ້ານ ໂດຍການພົ່ນນ້ໍາຢາຂ້າເຊື້ອ ເຊິ່ງອາດໃຊ້ບໍລິການຂອງໜ່ວຍງານໃດໜຶ່ງ ຫຼື ຊື້ມາພົ່ນເອງ.

ດັ່ງນັ້ນ, ຂໍໃຫ້ບັນດາທ່ານກວດສອບ ນ້ຳຢາຂ້າເຊື້ອຊະນິດດັ່ງກ່າວວ່າມີຄວາມເໝາະສົມຕໍ່ການນຳມາໃຊ້ ພາຍໃນບ້ານຂອງທ່ານຢ່າງປອດໄພ ແລະ ປາສະຈາກ ສານທີ່ເປັນອັນຕະລາຍ ຫຼື ບໍ ? ເຊິ່ງຕ້ອງໄດ້ຜ່ານການຮັບຮອງຄຸນນະພາບຈາກກະຊວງສາທາລະນະສຸກ.

Related Posts

Leave a Reply

Your email address will not be published. Required fields are marked *