ຜູ້ຕິດເຊື້ອໂຄວິດ-19 ເພີ່ມຂຶ້ນແບບກ້າວກະໂດດ ຢູ່ແຂວງຫລວງພະບາງ ແລະ ແຂວງຄໍາມ່ວນ ຍັງໜ້າເປັນຫ່ວງ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ຜູ້ຕິດເຊື້ອໂຄວິດ-19 ເພີ່ມຂຶ້ນແບບກ້າວກະໂດດ ຢູ່ແຂວງຫລວງພະບາງ ແລະ ແຂວງຄໍາມ່ວນ ຍັງໜ້າເປັນຫ່ວງ

ໃນວັນທີ 15 ຕຸລາ 2021 ທ່ານ ດຣ. ນາງ ບົວຜັນ ຄຳພາພົງຜ່ານ ຮອງຫົວໜ້າສູນວິເຄາະ ແລະ ລະບາດວິທະຍາ ໄດ້ໃຫ້ຮູ້ວ່າ: ການຕິດເຊື້ອໂຄວິດ-19 ເພີ່ມຂຶ້ນແບບກ້າວກະໂດດ ຂອງແຂວງຫລວງພະບາງ ແລະ ແຂວງຄໍາມ່ວນ ຍັງໜ້າເປັນຫ່ວງ, ໂດຍສະເພາະໄດ້ພົບການຕິດເຊື້ອເປັນຈຸ້ມໃຫຍ່ໃນສະຖານທີ່ຄຸມຂັງ, ຊຶ່ງຫລີກລ້ຽງໄດ້ຍາກ ເນື່ອງຈາກສະພາບການພັກ, ນອນ, ກິນຢູ່ຮວມກັນຫລາຍຄົນ.

ທ່ານ ດຣ. ນາງ ບົວຜັນ ຄຳພາພົງຜ່ານ ກ່າວວ່າ: ຮູບພາບທີ່ສະທ້ອນໃຫ້ທຸກຄົນຄວນຖອດຖອນບົດຮຽນ ແລະ ເຄັ່ງຄັດ ໃນການປ້ອງກັນຕົນເອງທຸກຄັ້ງ, ເມື່ອທ່ານເດີນທາງໄປສະຖານທີ່ສ່ຽງ ທີ່ມີຄົນເປັນຈຳນວນຫລາຍ ເຊັ່ນ: ຕະຫລາດ, ໂຮງງານ, ສະຖານທີ່ຄຸມຂັງ, ການເຂົ້າຮ່ວມປະຊຸມສໍາມະນາ ຫລື ການໄປຮ່ວມງານເຮືອນດີ, ງານຊາປະນະກິດສົບ, ງານເຮືອນກໍາ ແລະ ແຈກທານ ລວມທັງການລັກ ລອບສັງສັນຕາມສະຖານທີ່ ທີ່ຖືກປິດຕ່າງໆ

ເມື່ອໄປສະຖານທີ່ແບບນີ້ ພຶດຕິກໍາທີ່ມັກພົບທີ່ສຸດ ຄື ທ່ານຢູ່ໃກ້ຊິດ ແລະ ຢູ່ບຽດກັບຄົນອື່ນ, ທ່ານພົບເພື່ອນຝູງໂອ້ລົມກັນ ໂດຍບໍ່ໄດ້ໃສ່ຜ້າປິດປາກ-ດັງ ຫລື ຕ່າງຄົນຕ່າງໃສ່ແຕ່ໃສ່ບໍ່ຖືກວິທີ, ທ່ານເປີດຜ້າປິດປາກອອກເພື່ອກິນອາຫານ ຮ່ວມພາເຂົ້າ ຫລື ດື່ມຮ່ວມກັນ,

ເຊິ່ງເປັນພຶດຕິກໍາທີ່ມີຄວາມສ່ຽງສູງ. ດ້ວຍຄວາມຫ່ວງໃຍຈາກຄະນະສະເພາະກິດທຸກຂັັ້ນ ຈຶ່ງໄດ້ແຈ້ງປະ ກາດທຸກວັນ ວ່າ: ປະຊາຊົນທຸກຄົນ ຄວນດໍາລົງຊີວິດເປັນປົກກະຕິ ແຕ່ໃນຮູບແບບຂອງການປ້ອງກັນຕົນເອງຢ່າງເຂັ້ມງວດ ຈົນເກີດເປັນຄວາມຊິນເຄີຍ ແລະ ບໍ່ປະໝາດ.

ສະນັ້ນ, ຈຶ່ງຂໍຮຽກຮ້ອງມາຍັງທຸກພາກ ສ່ວນໃນສັງຄົມ ສືບຕໍ່ເອົາໃຈໃສ່ປະຕິບັດມາດຕະການທີ່ຄະນະສະເພາະກິດວາງອອກ ແລະ ຍົກສູງສະຕິຄວາມຮັບຜິດຊອບຕໍ່ສັງຄົມ ຈຶ່ງຈະເປັນຜົນປະໂຫຍດສູງສຸດໃຫ້ແກ່ຄອບຄົວຂອງທ່ານ ແລະ ທົ່ວສັງຄົມໄດ້.

ຂ່າວ-ພາບ: ມະນີທອນ

Related Posts

Leave a Reply

Your email address will not be published.