ທ່ານນາຍົກຢືນຢັນ! ກຽມຄວາມພ້ອມດ້ານຕ່າງໆ ເພື່ອເປີດປະເທດໃນຕໍ່ໜ້າ, ລວມທັງເປີດເສັ້ນທາງລົດໄຟລາວ-ຈີນ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ

ທ່ານນາຍົກຢືນຢັນ! ກຽມຄວາມພ້ອມດ້ານຕ່າງໆ ເພື່ອເປີດປະເທດໃນຕໍ່ໜ້າ, ລວມທັງເປີດເສັ້ນທາງລົດໄຟລາວ-ຈີນ

ທ່ານ ພັນຄຳ ວິພາວັນ ນາຍົກລັດຖະມົນຕີ ໄດ້ກ່າວໃນກອງປະຊຸມກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດ ຊຸດທີ IX ໃນຕອນເຊົ້າຂອງ ວັນທີ 1 ພະຈິກ 2021 ວ່າ: ໂຄວິດ-19 ຍັງຈະສືບຕໍ່ລະບາດຢູ່ໃນໂລກ,ທັງ ມີຫຼາຍສາຍພັນເພີ່ມຂື້ນແລະຄາດຄະເນໄດ້ຍາກ. ສະນັ້ນ,ການມີວັກຊິນ ແລະ ສັກວັກຊິນໃຫ້ປະຊາຊົນ ໃຫ້ຫຼາຍເທົ່າທີ່ຈະຫຼາຍໄດ້ເພື່ອຊວ່ຍສະກັດກັ້ນການຕິດເຊື້ອ

ທ່ານກ່າວຕື່ມວ່າ: ຈາກບົດຮຽນແລະ ຄວາມສາມາດຕົວຈິງໃນການປ້ອງກັນ,ຄວບຄຸມ ແລະ ສະກັດກັ້ນການລະບາດຂອງພະຍາດນີ້ຢູ່ປະເທດເຮົາ,ພວກເຮົາກໍໄດ້ຄົ້ນຄ້ວາ ແລະ ກຳນົດແຜນຍຸດທະສາດຮັບມືຕ້ານໂຄວິດ, ໂດຍສະເພາະແມ່ນກຽມຄວາມພ້ອມດ້ານຕ່າງໆເພື່ອເປີດປະເທດໃນຕໍ່ໜ້າ,

ລວມທັງເປີດເສັ້ນທາງລົດໄຟລາວ-ຈີນ ໄປຄຽງຄູ່ກັບການຮັກສາສຸຂະພາບ ແລະ ປົກປັກຮັກສາ ຊີວິດຂອງປະຊາຊົນດ້ວຍການສັກວັກຊິນໃຫ້ປະຊາຊົນໃຫ້ໄດ້ຕາມຄາດໝາຍທີ່ວາງໄວ້,ແນໃສ່ເຮັດໃຫ້ປະຊາຊົນໄດ້ດຳລົງຊີວິດປົກກະຕິແບບໃໝ່,

ໂດຍຖືເອົາການແກ້ໄຂບັນຫາເສດຖະກິດເປັນບັນຫາໃຈກາງແລະເອົາການແກ້ໄຂບັນຫາໂຄວິດເປັນບັນຫາສຳຄັນ,ເຊິ່ງມາດຕະການຂອງພວກເຮົາໃນຕໍ່ໜ້າຕ້ອງໃຫ້ສອດຄ່ອງກັບມາດຕະການທີ່ສາກົນໄດ້ວາງອອກ.