Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ທ່ານ ບຸນໂຈມ ອຸບົນປະເສີດ ໄດ້ຊີ້ແຈງ ຕໍ່ຄຳຊັກຖາມຂອງສະມາຊິກສະພາແຫ່ງຊາດ ສສຊ ກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດ 10 ເດືອນ,

ຄາດຄະເນ ໝົດປີ 2021 ແລະ ທິດທາງແຜນງົບປະມານປີ 2022 ໃນກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດຊຸດທີ IX ວັນທີ 3 ພະຈິກ 2021 ນີ້ຜ່ານລະບົບທາງໄກ ນີ້ວ່າ: ກະຊວງການເງິນ ໄດ້ມີຈຸດສຸມ ໂດຍສະເພາະການຕ້ານການຮົ່ວໄຫລ ການນຳເຂົ້າຂອງນ້ຳມັນເຊື້ອໄຟ ທີ່ເຮັດໃຫ້ສູນເສຍຫລາຍທີ່ສຸດ ຕາມສະຖິຕິທີ່ໄດ້ສົມທົບກັບພາກທຸລະກິດ

ລະຫວ່າງຂໍ້ມູນຂອງປະເທດເພື່ອນບ້ານທີ່ສົ່ງ ອອກມາຫາເຮົາ ຄືນຳເຂົ້າຈາກປະເທດໄທ ແລະ ຫວຽດນາມ ເຊິ່ງການແຈ້ງເສຍພາສີຕົວຈິງກັບການສົ່ງອອກແມ່ນຜິດດ່ຽງກັນປະມານ 200 ລ້ານລິດ ປະມານ 200 ລ້ານໂດລາສະຫະລັດ, ເຮົາສູນເສຍປະມານ 1 ພັນ ຫາ 2 ພັນຕື້.

ພ້ອມກັນນີ້, ບັນຫາການນຳເຂົ້າ ເປັນຕົ້ນການແຈ້ງຈຳນວນບໍ່ຖືກ, ແຈ້ງຊະນິດນ້ຳມັນບໍ່ຖືກ (ແຈ້ງແອັດຊັງເປັນກາຊວນ) ເຊິ່ງເຈົ້າຫນ້າທີ່ກໍໄດ້ດຳເນີນການລົງໂທດ ມາແລ້ວຫລາຍຮ້ອຍກໍລະນີ.

ຂົງເຂດການນຳເຂົ້າເຄື່ອງອຸປະໂພກ- ບໍລິໂພກ, ວັດສະດຸກໍ່ສ້າງ, ເຄື່ອງໃຊ້ໄຟຟ້າ, ພາຫະນະ, ອາ ໄຫລ່ ຜ່ານມາເຮົາສູນເສຍຫລາຍທີ່ສຸດເຊັ່ນກັນ ເຊິ່ງບໍລິສັດທີ່ມີການເຄື່ອນໄຫວຖືກຕ້ອງມີພຽງ 3-4 ບໍລິສັດເທົ່ານັ້ນ ສ່ວນຫລາຍການຄ້າຂາຍບໍ່ຖືກຕ້ອງ, ຄ້າຂາຍເຖື່ອນຫລົບ ຫລີກພາສີ ເຊິ່ງບັນຫານີ້ ພວກເຮົາກໍາລັງດຳເນີນການປັບປຸງ ໂດຍໃຫ້ບໍລິສັດທີ່ມີມາດຖານ ແລະ ເງື່ອນໄຂໄດ້ຮັບນະໂຍບາຍ ນັບແຕ່ຂອດນໍາເຂົ້າ, ຂອດຈຳໜ່າຍ, ການເສຍພັນທະຕ່າງໆ ຕ້ອງມີການເຊື່ອມໂຍງກັນ.

ນອກຈາກນີ້, ການສູນເສຍລາຍຮັບອີກບັນຫາໜຶ່ງກໍແມ່ນ ຂອດການແຈ້ງເສຍພາສີຢູ່ດ່ານຊາຍແດນ ພວກເຮົາກຳລັງດັດສົມການແຈ້ງເສຍພາສີຫັນໄປສູ່ນິຕິບຸກຄົນ ເພາະວ່ານິຕິບຸກຄົນຈະແຈ້ງເສຍພາສີຕ້ອງມີເງິນຄ້ຳປະກັນ.

ສ່ວນບັນຫາການຫລົບຫລີກພາສີ ເຊິ່ງບໍລິສັດທີ່ປຶກສາບັນຊີກວດສອບ ແມ່ນຍັງບໍ່ໄດ້ມາດຕະຖານ ເຮັດໃຫ້ພົບບັນຫາຂອງການຫລົບຫລີກເສຍພາສີອາກອນຫລາຍທີ່ສຸດ.

ບັນຫານີ້ ພວກເຮົາກຳລັງມີການດັດສົມ, ປັບປຸງ ແລະ ກຳນົດມາດຕະຖານສຳລັບເຈົ້າໜ້າທີ່ສ່ວຍສາອາກອນ ທີ່ເຮັດໜ້າທີ່ກວດກາໃຫ້ເຂັ້ມງວດ ແລະ ຊັດເຈນຂຶ້ນ

Related Posts

Leave a Reply

Your email address will not be published.