ມອບຕົວຜູ້ຮ້າຍຂ້າມແດນ

ມອບຕົວຜູ້ຮ້າຍຂ້າມແດນ

ໃນວັນທີ 12 ພະຈິກ 2021ທາງພະແນກຕຳຫລວດສືບສວນ-ສອບສວນຫ່ອງຕຳຫຼວດ ກອງບັນຊາການ ປກສ ແຂວງບໍ່ແກ້ວໃດ້ມີການມອບຮັບຕົວຜູ້ຮ້າຍຂ້າມແດນ ຊື່ ທ້າວ ເມີງຊີງຫົວ ອາຍຸ 20 ປີ ເຊີ່ງໄດ້ເຂົ້າຮ່ວມຂະບວນການ 11 ຄົນເຄື່ອນໄຫວຂົ່ມຂູ່ ທຳຮ້າຍຮ່າງກາຍຜູ້ອື່ນດ້ວຍຮູບການໃຊ້ຄວາມຮຸນແຮງອາລະວາດຜູ້ອື່ນຊ້ຳແລ້ວຊ້ຳອີກຢູ່ເຂດເມືອງຊີນຫົວແຂວງຫົວໜານ ສປ ຈີນແຕ່ປີ 2016

ຕົກມາຮອດວັນທີ 21ເມສາ 2019 ຜູ້ກ່ຽວໄດ້ໃຊ້ໜັງສືຜ່ານແດນ EF8830414 ໂດຍຜ່ານດ່ານສາກົນບໍ່ຫານ-ບໍ່ເຕັ່ນແຂວງຫຼວງນ້ຳທາ ມາລີ້ຊ້ອນຢູ່ເຂດເສດຖະກິດພິເສດສາມລ່ຽມຄຳ ເມືອງຕົ້ນເຜີ້ງ ແຂວງບໍ່ແກ້ວ.

ອີງຕາມ ໃບກິດສຳພັນຂອງຕຳຫຼວດສືບຂ່າວອາຍາກະຊວງປ້ອງກັນຄວາມສະຫງົບສະບັບ ເລກທີ 318/ກສຂ ລົງວັນທີ 28/10/2021ເຈົ້າໜ້າທີ່ຕຳຫຼວດສືບສວນ-ສອບສວນຄະດີອາຍາ ປກສ ແຂວງບໍ່ແກ້ວຈຶ່ງໄດ້ກັກຕົວຜູ້ກ່ຽວຢູ່ທີ່ເຂດເສດຖະກິດພິເສດສາມລຽມຄຳ.

ຕາມທິດຊີ້ນຳຂອງຄະນະພັກ-ຄະນະບັນຊາ ປກສ ແຂວງບໍ່ແກ້ວ ຈຶ່ງໄດ້ມອບໃຫ້ຫ້ອງຕຳຫຼວດ ປກສ ແຂວງມອບຜູ້ຕ້ອງຫາຄົນດັ່ງກ່າວຄືນໃຫ້ກັບ ສປ ຈີນ ທີ່ດ່ານສາກົນບໍ່ເຕ່ນ-ບໍ່ຫານ

ຕາງໜ້າມອບໂດຍ ພັທ ສົມລີ ວິໄລສານ ຮອງຫົວໜ້າຫ້ອງຕຳຫຼວດ ປກສ ແຂວງບໍ່ແກ້ວ ສປປ ລາວ ພ້ອມດ້ວຍຄະນະ ຕາງໜ້າຮັບໂດຍ ພັຕ ຈາງລີງ ຈູນ ຕຳຫຼວດ ປກສ ເມືອງ ຫຼາ ກີງ ແຂວງ ສີບສອງພັນນາ ສປ ຈີນ ພ້ອມດ້ວຍຄະນະ.

Related Posts

Leave a Reply

Your email address will not be published. Required fields are marked *