9 ເດືອນຜ່ານມາການສົ່ງອອກຢາພາລາ ສ້າງມູນຄ່າ 7.600.000.000 ກີບ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


9 ເດືອນຜ່ານມາການສົ່ງອອກຢາພາລາ ສ້າງມູນຄ່າ 7.600.000.000 ກີບ

ທ່ານ ສີເມືອງ ອິນທະວົງ ຫົວໜ້າຫ້ອງການ ອຸດສາຫະກຳ ແລະການຄ້າເມືອງຊຽງຮ່ອນ ແຂວງໄຊຍະບູລີ ໃຫ້ຮູ້ວ່າ: ການສົ່ງອອກຢາງພາລາຂອງຢູ່ເມືອງຊຽງຮ່ອນ ໂດຍຜ່ານການກວດກາຈາກໝ່ວຍງານຜ່ານປະຕູດຽວຂອງເມືອງໃນໄລຍະ 9 ເດືອນ 2021

ຜ່ານມາ ສາມາດສົ່ງອອກຢາງພາລາໄດ້ຈໍານວນ 1.170 ໂຕນ ສາມາດສ້າງມູນຄ່າໄດ້ທັງໝົດ 7.600.000.000 ກວ່າກີບ ປີ 2020 ຜ່ານມາ ສາມາດສົ່ງອອກຢາງພາລາໄດ້ 770 ໂຕນ ສ້າງມູນຄ່າໄດ້ 1.910.000.000 ກີບ ທຽບໃສ່ປີຜ່ານມາເພີ່ມຂື້ນ 400 ໂຕນ.

ນອກຈາກການສົ່ງອອກ 9 ເດືອນຜ່ານມາ ຍັງກຳນົດແຜນ 3 ເດືອນຕໍ່ໜ້າ ການສົ່ງອອກຢາງພາລາ ຄາດວ່າຈະບັນລຸໃຫ້ໄດ້ອີກ 390 ໂຕນ ມູນຄ່າ 253.000.000 ກີບ. ທົ່ວເມືອງມີເນື້ອທີ່ປູກຢາງພາລາທັງໝົດ 5.036 ເຮັກຕາ ໃນນັ້ນເນື້ອທີ່ທີ່ໄດ້ປາດແລ້ວ 3.830 ເຮັກຕາ ໂດຍມີການລົງທຶນປູກຂອງບໍລິສັດ ລີລ້ຽງຢູນານ ຈໍາກັດ

ໃນເນື້ອທີ່ 642 ເຮັກຕາ, ບໍລິສັດ ຊຽງຕາລີ ຈຳຈັດ 2.885 ເຮັກຕາ, ບໍລິສັດ ບໍ່ແກ້ວ ຈຳກັດ ໃນເນື້ອທີ່ 187 ເຮັກຕາ ແລະ ປະຊາຊົນປູກເອງ ຈໍານວນ ເນື້ອທີ່ 1.320 ເຮັກຕາ ແລະ ໃນປີ 2021 ນີ້ ຫ້ອງການ ກະສິກຳແລະ ປ່າໄມ້ຍັງໄດ້ຊຸກຍູ້ສົ່ງເສີມໃຫ້ຊາວກະສິກອນຂື້ນແຜນປູກຕື່ມຈຳນວນ 200 ກວ່າເຮັກຕາ

ທັງໝົດນີ້ກໍ່ເພື່ອປະຕິບັດຕາມຕາມແຜນພັດທະນາເສດຖະກິດ-ສັງຄົມ ຂອງເມືອງ ຕິດພັນກັບການຊຸກຍູ້ສົ່ງເສີມຊາວກະສິກອນຢູ່ພາຍໃນເມືອງປູກພືດເປັນສິນຄ້າ ສ້າງລາຍຮັບເຂົ້າຄອບຄົວ ເຮັດໃຫ້ຊີວິດການເປັນຢູ່ຂອງປະຊາຊົນນັບມື້ນັບດີຂຶ້ນ ແລະ ເຮັດໃຫ້ເມືອງຫຼຸດພົ້ນອອກຈາກເມືອງທຸກຍາກໃນໄວໆນີ້.

Cr: ດອນ ຂຽວພະນາ

Related Posts

Leave a Reply

Your email address will not be published.