Sponsor by sokxay plus
ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%
ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ
ສປປ ລາວ ວາງ 4 ມາດຕະການ ເຝົ້າລະວັງໂຄວິດສາຍພັນໃໝ່ Omicron
ຄະນະສະເພາະກິດລາຍງານໃນວັນທີ 28 ພະຈິກ 2021 ນີ້ວ່າ: ຈາກອົງການອະນາໄມໂລກ ລາຍງານພົບເຊື້ອໂຄວິດກາຍພັນຊະນິດໃໝ່ໃນປະເທດອາຟຣິກກາໃຕ້ ທີ່ມີຊື່ວິທະຍາສາດ B1.1.529 ຫຼື ມີຊື່ເອີ້ນທົ່ວໄປວ່າ Omicron (ໂອມີຄຣອນ) ເຊິ່ງກະຈາຍເຊື້ອໄດ້ໄວກວ່າສາຍພັນອື່ນ ເຖິງ 500%.
ຕໍ່ກັບໄພຂົ່ມຂູ່ຂອງໄວຣັດໂຄວິດກາຍພັນຊະນິດໃໝ່ນີ້ ສປປ ລາວເຮົາ ໄດ້ກະກຽມຮັບມືຄື:
1. ເຂັ້ມງວດເຝົ້າລະວັງຕິດຕາມຄົນເຈັບຕິດເຊື້ອ ພ້ອມທັງກວດສາຍພັນທີ່ຄົນເຈັບຕິດເຊື້ອວ່າແມ່ນເຊື້ອໃດ.
2. ແຈ້ງໃຫ້ປະຊາຊົນທຸກຄົນຊາບ ເພື່ອກຽມຮັບມື ເນື່ອງຈາກເຮົາບໍ່ສາມາດຊາບໄດ້ວ່າມັນຈະມາປະກົດຕົວໃນປະເທດເຮົາເມື່ອໃດ.
3. ຂຸ້ນຂ້ຽວສັກວັກຊິນໃຫ້ກວມກວ້າງທີ່ສຸດ ແລະ ຕະລຸມບອນໃຫ້ໄວຂຶ້ນ ຢ່າງໜ້ອຍໃຫ້ຮ່າງກາຍໄດ້ສ້າງພູມຄຸ້ມກັນຕໍ່ເຊື້ອໄວຣັດທີ່ກຳລັງລະບາດໃນປະເທດເຮົາ.
4. ລັດຖະບານ ກຳລັງຄົ້ນຄວ້າ ດ້ານມາດຕະການທາງສັງຄົມ ຊຶ່ງຈະແຈ້ງໃຫ້ທ່ານຊາບພາຍຫຼັງ.
