ພົອ ວິໄລ ຫຼ້າຄໍາຟອງ ຊີ້ນໍາການແກ້ໄຂບັນຫາຢາເສບຕິດ ຕ້ອງປະຕິບັດຕາມຂັ້ນຕອນກົດໝາຍ ເດັດຂາດ ໂປ່ງໃສ ເຂັ້ມງວດ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ພົອ ວິໄລ ຫຼ້າຄໍາຟອງ ຊີ້ນໍາການແກ້ໄຂບັນຫາຢາເສບຕິດ ຕ້ອງປະຕິບັດຕາມຂັ້ນຕອນກົດໝາຍ ເດັດຂາດ ໂປ່ງໃສ ເຂັ້ມງວດ

ວັນທີ 30 ພະຈິກ ນີ້, ພົອ ວິໄລ ຫຼ້າຄໍາຟອງ ລັດ ຖະມົນຕີກະຊວງປ້ອງກັນຄວາມສະຫງົບ ໄດ້ຊີ້ນໍາ ຄະນະພັກ-ຄະນະບັນຊາແຕ່ລະຂັ້ນ ກ່ຽວກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ ໄຂບັນຫາຢາເສບຕິດ ຕ້ອງກໍາແໜ້ນເນື້ອໃນສໍາຄັນທີ່ເປັນພື້ນຖານຮັບປະກັນການດໍາເນີນໄປຢ່າງເປັນລະບົບ, ຕໍ່ເນື່ອງ, ປະຕິບັດຕາມຂັ້ນຕອນຂອງກົດ ໝາຍ,ເດັດຂາດ, ໂປ່ງໃສ, ເຂັ້ມງວດ,ເປັນມືອາຊີບ ແລະ ທັນເວລາ.

ໃນໂອກາດນີ້, ພົອ ວິໄລ ຫຼ້າຄໍາຟອງ ໄດ້ເນັ້ນໃຫ້ບັນດາຄະນະຮັບຜິດຊອບ ຕ້ອງຍົກສູງຄວາມຮັບ ຮູ້, ເຂົ້າໃຈ, ຄວາມເປັນເອກະພາບທາງດ້ານທັດ ສະນະ ແລະ ຄວາມຮັບຜິດຊອບໃນການນໍາພາ-ຊີ້ນໍາຂອງຄະນະພັກ-ຄະນະບັນຊາແຕ່ລະຂັ້ນຂອງກໍາລັງປ້ອງກັນຄວາມສະຫງົບ ໃນການປະຕິບັດວຽກງານຕົວຈິງ ເພື່ອກໍາແໜ້ນເນື້ອໃນສໍາຄັນທີ່ເປັນພື້ນຖານ ຮັບປະກັນໃຫ້ແກ່ການແກ້ໄຂບັນຫາຢາເສບຕິດ ດໍາເນີນໄປຢ່າງເປັນລະບົບ,ຕໍ່ເນື່ອງ,

ປະ ຕິບັດຕາມຂັ້ນຕອນຂອງກົດໝາຍ, ເດັດຂາດ, ໂປ່ງໃສ, ເຂັ້ມງວດ, ເປັນມືອາຊີບ ແລະ ທັນເວລາ ເພື່ອແກ້ໄຂສາເຫດ ແລະ ເງື່ອນໄຂທີ່ພາໃຫ້ເກີດບັນຫາຢາເສບຕິດ ໃຫ້ຖືກກັບຈຸດພິເສດຂອງແຕ່ລະທ້ອງ ຖິ່ນ,ເສີມຂະຫຍາຍຜົນງານ, ຜົນສໍາເລັດທີ່ຍາດມາໄດ້; ພ້ອມກັນນັ້ນ ກໍ່ປັບປຸງແກ້ໄຂດ້ານອ່ອນ, ຂໍ້ຄົງຄ້າງໃນໄລຍະຜ່ານມາໃຫ້ດີຂື້ນ ເພື່ອພ້ອມກັນເຮັດສຳເລັດໜ້າທີ່ການເມືອງ ທີ່ພັກ-ລັດມອບໝາໃຫ້.

ພ້ອມກັນນີ້, ຕ້ອງກໍາແໜ້ນບັນດາມະຕິ, ຄໍາສັ່ງຂອງຂັ້ນເທິງ ເພື່ອນໍາໄປຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ໃຫ້ມີປະສິດທິພາບ,ມີປະສິດທິຜົນ ໂດຍສະເພາະແມ່ນບັນດາວຽກຈຸດສຸມ ທີ່ຢູ່ໃນຄວາມຮັບຜິດ ຊອບຂອງຕົນ,ໃຫ້ມີຜົນສໍາເລັດຕາມຄາດໝາຍທີ່ວາງໄວ້.

ນອກນີ້, ພົອ ວິໄລ ຫຼ້າຄໍາຟອງ ຍັງໄດ້ເນັ້ນຄະນະຮັບຜິດຊອບໃນການປ້ອງກັນເວນຍາມວັນສໍາຄັນຕ່າງໆຂອງພັກ,ຂອງຊາດ ເປັນຕົ້ນ: ວັນສະຖາ ປະນາ ສາທາລະນະລັດ ປະຊາທິປະໄຕ ປະຊາຊົນລາວ ຫຼື ວັນຊາດທີ 2 ທັນວາ ຄົບຮອບ 46 ປີ ແລະ

ພິທີເປີດນໍາໃຊ້ເສັ້ນທາງລົດໄຟ ລາວ-ຈີນ ຢ່າງເປັນທາງການໃນວັນທີ 3 ທັນວານີ້ ໃຫ້ຮັບປະກັນຄວາມສະຫງົບ ແລະ ຄວາມປອດໄພຮ້ອຍສວນຮ້ອຍ.

Related Posts

Leave a Reply

Your email address will not be published.