ເຄື່ອນໄຫວແລ້ວ ຄູຝຶກທີມຊາດລາວ ຈະປັບປຸງຮູບແບບການຫລິ້ນ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


ເຄື່ອນໄຫວແລ້ວ ຄູຝຶກທີມຊາດລາວ ຈະປັບປຸງຮູບແບບການຫລິ້ນ

ໃນນັດທີ່ພົບກັບ ທີມຊາດມາເລເຊຍຕອນແລງມື້ນີ້

ການແຂ່ງຂັນເຕະບານ ຊິງແຊັມ ອາຊີ ຊູຊຸກິຄັບ 2020 ຫລື AFF SUZUKI CUP 2020 ທີ່ເລື່ອນການແຂ່ງຂັນມາຈັດໃນທ້າຍປີ 2021, ຮອບຄັດເລືອກແບ່ງກຸ່ມ B ທີມຊາດລາວຢູ່ຮ່ວມກຸ່ມກັບທີມແຂງຫລາຍທີມ, ນັດທຳອິດ ເສຍໃຫ້ທີມຊາດຫວຽດນາມ 0-2 ປະຕູ, ຊຶ່ງຄູຝຶກໄດ້ມີການປັບປ່ຽນວິທີການຫລິ້ນ ໂດຍເນັ້ນການບຸກຫລາຍກວ່າເກົ່າ.

ຕາມການໃຫ້ສຳພາດແບບອອນລາຍຂອງ ທ່ານ v.selvaraj ຫົວໜ້າຄູຝຶກທີມຊາດລາວກ່ອນເກມການແຂ່ງຂັນນັດທີສອງພົບກັບທີມຊາດມາເລເຊຍ ໃຫ້ຮູ້ວ່າ:ພວກເຮົາມີການປັບປຸງການຫລິ້ນໃຫ້ດີຂຶ້ນ, ອາດຈະມີເກມບຸກທີ່ຫລາຍຂຶ້ນ ແລະ ຂໍໄປພິສູດໃນເກມຕອນແລງວັນທີ 9 ທັນວາ.

ສຳລັບ ຂໍ້ສົງໃສທີ່ແຟນບານລາວ ຢາກຮູ້ທີ່ສຸດແມ່ນ: ໃນນັດຜ່ານມາ ທີມຊາດລາວ ມີນັກກິລາເກັ່ງໆຫລາຍຄົນ ພ້ອມຍັງດຶງຕົວນັກກິລາເກັ່ງທີ່ຫລິ້ນຢູ່ຕ່າງປະເທດມາເສີມທັບ ແຕ່ເປັນຫຍັງ ຈິ່ງບໍ່ໃຊ້ຈຸດແຂງນີ້ໃຫ້ຫລາຍທີ່ສຸດ ແລະ ແຟນບານລາວສ່ວນໃຫຍ່ ເວົ້າໄດ້ວ່າ ຍອມຮັບບໍ່ໄດ້ກັບການຫລິ້ນບານທີ່ເນັ້ນແຕ່ຕັ້ງຮັບ.

ຄູຝຶກ v. selvaraj ຕອບວ່າ: ຂ້ອຍຮູ້ດີວ່າທ່າແຮງຂອງນັກກິລາຂອງຂ້ອຍເປັນແນວໃດ, ຂ້ອຍໄດ້ກິນ ໄດ້ນອນ ແລະ ຮ່ວມຝຶກຊ້ອມນຳເຂົາ ຂ້ອຍຮູ້ວ່າ ຈະຕ້ອງວາງເກມແນວໃດ ພວກທ່ານຈະຮັບໄດ້ຫລື ບໍ່ກະບໍ່ເປັນຫຍັງ.

ຕິດຕາມຜົນນຳກັນໃນຕອນແລງມື້ນີ້ 16:30 ຕາມເວລາບ້ານເຮົາ ທີ່ສະໜາມກິລາປະເທດສິງກະໂປ, ການປັບປ່ຽນຮູບແບບການຫລິ້ນໃໝ່ ຈະສົ່ງຜົນແນວໃດຕໍ່ທີມ ຈະຊະນະໃຈແຟນບານໄດ້ຫລືບໍ່ !?ລາວ ສູ້ໆ !

ຂໍ້ມູນ: Lao sport news

ຈາກ: ຂປລ

Related Posts

Leave a Reply

Your email address will not be published.