ເຫດຜົນມະຫາເສດຖີ “ບິວເກດ” ທຸ່ມເງິນກວ່າ 6,000 ລ້ານໂດລາ ເພື່ອພັດທະນາ “ຊັກໂຄກ ບໍ່ຕ້ອງໃຊ້ນ້ຳ”

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


ເຫດຜົນມະຫາເສດຖີ “ບິວເກດ” ທຸ່ມເງິນກວ່າ 6,000 ລ້ານໂດລາ ເພື່ອພັດທະນາ “ຊັກໂຄກ ບໍ່ຕ້ອງໃຊ້ນ້ຳ”

ເມື່ອປີ 2011 ມູນນິທິ Bill & Melinda Gates Foundation ໄດ້ເປີດໂຄງການ Reivent the Toilet Challenge ເພື່ອເຊີຍຊວນນັກວິໄຈຈາກມະຫາວິທະຍາໄລທົ່ວໂລກໃນການຄິດຄົ້ນ “ໂຖ (ຂີ້) ທີ່ບໍ່ຕ້ອງໃຊ້ນ້ຳ”.

ໂດຍໃຫ້ທຶນສະໜັບສະໜູນສູງເຖິງ 6,000 ລ້ານບາດ ຄວາມໜ້າສົນໃຈຂອງໂຄງການນີ້ບໍ່ໄດ້ຢູ່ທີ່ເງິນທຶນອັດສີດ ແຕ່ຢູ່ທີ່ປະໂຫຍດຂອງມັນ ຖ້າຫາກສຳເລັດຈະຊ່ວຍຊີວິດຜູ້ຄົນໄດ້ກວ່າເຄິ່ງໂລກ.

ອົງການອະນາໄມໂລກ (WHO) ປະເມີນວ່າ ມີພຽງ 39% ຂອງຄົນທົ່ວໂລກທີ່ມີຫ້ອງນ້ຳໃຊ້ຢ່າງສະອາດແລະປອດໄພໝາຍຄວາມວ່າມີຜູ້ຄົນອີກກວ່າ 61% ທີ່ຍັງບໍ່ສາມາດເຂົ້າເຖິງຫ້ອງນ້ຳທີ່ສະອາດໄດ້ ນັ້ນເປັນເພາະມີຫຼາຍພື້ນທີ່ທົ່ວໂລກທີ່ນ້ຳເຂົ້າບໍ່ເຖິງ ຫລືບໍ່ມີການຈັດການທີ່ດີພໍ.

ເຊິ່ງບິວເກດ ເຫັນວ່າບັນຫານີ້ແລະ ລາວຢາກຈະແກ້ໄຂມັນເພື່ອຊ່ວຍໃຫ້ໂລກດີຂຶ້ນ!

ບິວເກດ ກ່າວວ່າ “ການທີ່ມີຫ້ອງສຸຂາທີ່ບໍ່ໄດ້ມາດຕະຖານເຮັດໃຫ້ມີເດັກອາຍຸຕ່ຳກວ່າ 5 ປີ ຕ້ອງເສຍຊີວິດກວ່າເຄິ່ງລ້ານຄົນຕໍ່ປີ ແລະຕ້ອງເສຍຄ່າຮັກສາ ຄິດເປັນເງິນຫຼາຍຕື້ກີບຕໍ່ປີ ເຊິ່ງມັນເຮັດໃຫ້ຜູ້ຄົນຕ້ອງສູຍເສຍລາຍໄດ້ໄປມະຫາສານພຽງເພາະມີຫ້ອງສຸຂາທີ່ບໍ່ດີ”

ໃນຫຼາຍປະເທດຜູ້ຄົນສ່ວນໃຫຍ່ບໍ່ມີຫ້ອງນ້ຳສ່ວນໂຕໃນເຮືອນ ຕ້ອງໃຊ້ຫ້ອງນ້ຳສາທາລະນະຮ່ວມກັນ ເຮັດໃຫ້ມີໂອກາດທີ່ມີເຊື້ອພະຍາດປະປົນເຊັ່ນ E. coli, Streptococcus ,ໄວຣັດຕັບອັກເສບ ທີ່ອາດນຳໄປສູ່ບັນຫາສຸຂະພາບຊຳເຮື້ອ ເຊັ່ນ ພະຍາດປອດບວມ, ທ້ອງຂີ້ຮາກ, ອະຫິວາ ແລະອື່ນໆ.

ອີກຢ່າງ ການໃຊ້ຫ້ອງນ້ຳສາທາລະນະກໍເປັນອັນຕະລາຍຕໍ່ຜູ້ຍິງແລະເດັກທີ່ຫາກຕ້ອງການປົດທຸກໃນເວລາກາງຄືນ ສ່ຽງທີ່ຈະຖືກຂົ່ມຂືນຫລືຖືກປຸ້ນ.

ກັບມາທີ່ເລື່ອງວິດຖ່າຍ – ເປັນເວລາເກືອບ 10 ປີ ທີ່ຫຼາຍມະຫາວິທະຍາໄລທົ່ວໂລກເຂົ້າຮ່ວມອອກແບບແລະພັດທະນາຊັກໂຄກທີ່ບໍ່ຕ້ອງໃຊ້ນ້ຳ.

ໂດຍໃນປີ 2019 ບິວເກດ ໄດ້ຄັດເລືອກແລະນຳສະເໜີຜະລິດຕະພັນກວ່າ 20 ລາຍການ ໃນງານ Reinvented Toilet Expo ທີ່ຈັດຂຶ້ນທີ່ກຸງປັກກິ່ງ ບິວເກດກ່າວວ່າ “ນີ້ເປັນງານທີ່ຮວບຮວມຄວາມກ້າວໜ້າດ້ານສຸຂາທີ່ລ້ຳສະໄໝທີ່ສຸດເທົ່າທີ່ເຄີຍມີມາ”.

ໜຶ່ງໃນການອອກແບບທີ່ໜ້າສົນໃຈ ຄື The Nano Membrane Toilet ຈາກຜົນງານຂອງ Cranfield University ມີກົນໄກຫຼັກໆ ຄືການແຍກຂອງແຂງອອກຈາກຂອງແຫລວ ຂອງແຂງຈະນຳໄປເຜົາ ໃຫ້ໄດ້ອອກມາເປັນປຸ໋ຍໄປໃຊ້ຕໍ່ ແລະຂອງແຫລວຜ່ານເຂົ້າເຄື່ອງກອງ ນຳໄປໃຊ້ຫົດນ້ຳຫລືຊຳລະລ້າງໄດ້ ທີ່ສຳຄັນບໍ່ມີກິ່ນພ້ອມ ເນື່ອງຈາກມີຟິນເຕີດັກກິ່ນບໍ່ໃຫ້ໂຊຍອອກມາ.

ແນວໃດກໍຕາມ ຊັກໂຄກທີ່ອອກແບບມາທັງເປັນພຽງງານຕົ້ນແບບເທົ່ານັ້ນ ຍັງມີລາຄາແພງແລະບໍ່ສາມາດນຳໄປໃຊ້ງານໄດ້ແທ້ ແຕ່ໃນອະນາຄົດມັນຕ້ອງຖືກພັດທະນາໃຫ້ມີລາຄາຖືກແລະໃຊ້ຢ່າງແຜ່ຫຼາຍແນ່ນອນ.

ໂດຍລາວຄາດວ່າມູນຄ່າຕະຫຼາດຊັກໂຄກຈະສູງເຖິງ 6 ພັນລ້ານໂດລາ ພາຍໃນປີອີກ 10 ປີຂ້າງໜ້າ

Fact – ບິວເກດ ສ້າງໂຮງບຳບັດນ້ຳເສຍ “Omni Processor” ທີ່ສາມາດອຸດຈາລະຍ່ຽວໃຫ້ກາຍເປັນນ້ຳສະອາດສາມາດດື່ມໄດ້ ຕັ້ງຢູ່ທີ່ ເມືອງດາກາຣ໌ ປະເທດເຊເນກັນ ໂດຍໂຮງງານແຫ່ງນີ້ໃຫ້ບໍລິການຜູ້ຄົນໃນເມືອງກວ່າ 1 ແສນຄົນ (ລາວທົດສອບດື່ມນ້ຳຈາກເຄື່ອງກອງອຸດຈາລະນີ້ດ້ວຍໂຕເອງແລ້ວ ແລະຢືນຢັນວ່າມັນດື່ມໄດ້ແທ້ໆ)

Fact 2 – “ນາທານ ມາໂວລຕ໌” ຄົນທີ່ບິວເກດ ຍົກຍ້ອງວ່າເປັນຄົົນທີ່ສະຫລາດທີ່ສຸດທີ່ລາວເຄີຍຮູ້ຈັກ ໂດຍມາໂວລຕ໌ເຄີຍເປັນທັງໂປຣແກຣມເມີແລະເປັນໜຶ່ງໃນນັກວິໄຈ ທີ່ເຮັດໃຫ້ໄມໂຄຣຊ໋ອບເຕີບໂຕຢ່າງກ້າວກະໂດດ.

ພ້ອມນີ້, ຫຼັງຈາກອອກໄມໂຄຣຊ໋ອບ ລາວຍັງໄປລຸຍສະສົມກະດູກຟອດຊິວໄດໂນເສົາ, ບົ່ມວາຍ, ສ້າງເຄື່ອງປະຕິກອນນິວເຄຼຍ, ເຮັດອາຫານ ຮຽກໄດ້ວ່າລາວເຮັດແລະປະສົບຄວາມສຳເລັດກັບທຸກສິ່ງ.

ເຊິ່ງຖ້າໃຜຢາກອ່ານເລື່ອງລາວຂອງລາວແບບເຕັມໆ ສາມາດຕາມອ່ານຕໍ່ໄດ້ໃນຫນັງສື Flagfrog Damn!

ແຫຼ່ງຂໍ້ມູນ:

  • https://www.bbc.com/thai/international-46463833

ນັກທຸລະກິດມືໃໝ່ NewCEOLAOS

Related Posts

Leave a Reply

Your email address will not be published.