Sponsor by sokxay plus
ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%
ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ
ຈີນ ອະນຸມັດນຳໃຊ້ຢາຄ໊ອກເທລ ປິ່ນປົວໂຄວິດ-19
ສຳນັກຂ່າວຕ່າງປະເທດລາຍງານໃນວັນທີ 10 ທັນວາ 2021 ວ່າ: ສຳນັກງານບໍລິຫານເວດສະພັນແຫ່ງຊາດຈີນ (NMPA) ອອກຖະແຫຼງການລະບຸວ່າ: ໄດ້ອະນຸມັດນຳໃຊ້ສຸກເສີນ ຢາແອນຕີບໍດີແບບປະສົມ 2 ຊະນິດ (ຄ໊ອກເທລ) ຂອງບໍລິສັດ Brii Biosciences ເພື່ອປິ່ນປົວຜູ້ຕິດເຊື້ອໂຄວິດ-19.
ຢາດັ່ງກ່າວນີ້ ມີຊື່ວ່າ BRII ເຊິ່ງພັດທະນາຮ່ວມກັບມະຫາວິທະຍາໄລຊິງຫົວ ແລະ ໂຮງໝໍປະຊາຊົນເລກ 3 ເມືອງເຊິນເຈິ້ນ, ເປັນການປະສົມປະສານລະຫວ່າງຢາ BRII-196-BRII-198 ໂດຍຜົນການທົດລອງທາງຄລີນິກໄລຍະທີ 3 ພົບວ່າ ສາມາດຫຼຸດອັດຕາການເຂົ້າປິ່ນປົວຢູ່ໂຮງໝໍ ແລະ ຫຼຸດອັດຕາການເສຍຊີວິດຂອງຜູ້ຕິດເຊື້ອໄດ້ສູງເຖິງ 80%.
ທັງນີ້ ຢາຄ໊ອກເທລ ສູດປະສົມດັ່ງກ່າວ ເປັນການສະກັດຈາກແອນຕີບໍດີຂອງຜູ້ທີ່ປິ່ນປົວຫາຍດີຈາກພະຍາດໂຄວິດ-19 ໂດຍຈະນຳໃຊ້ປິ່ນປົວຜູ້ຕິດເຊື້ອແຕ່ອາຍຸ 12-17 ປີ ລວມທັງຜູ້ໃຫຍ່ທີ່ມີອາການປ່ວຍເລັກນ້ອຍ ຈົນຮອດປານກາງ.
ລາຍງານຈາກ BRII ຍັງລະບຸວ່າ ຂະນະນີ້ກຳລັງທົດລອງສູດຢາດັ່ງກ່າວນີ້ກັບເຊື້ອໄວຣັສກາຍພັນໂອໄມຄຣອນ ແລະ ຄາດວ່າ ສາມາດເປີດເຜີຍຜົນການທົດລອງໃນອີກ 2 ອາທິດຂ້າງໜ້າ.[“]
