“ແຂວງຄຳມ່ວນ ປະກາດອະໄພຍະໂທດໃຫ້ນັກໂທດ 119 ຄົນ”

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


“ແຂວງຄຳມ່ວນ ປະກາດອະໄພຍະໂທດໃຫ້ນັກໂທດ 119 ຄົນ”

ໃນວັນທີ 14 ທັນວາ 2021 ອົງການໄອຍະການປະຊາຊົນແຂວງຄຳມ່ວນ ຮ່ວມກັບ ຄ້າຍຄຸມຂັງ-ດັດສ້າງ ປກສ ແຂວງຈັດພິທີປະກາດອະໄພຍະໂທດ ຫລຸດດຜ່ອນໂທດແກ່ນັກໂທດທີ່ມີຄວາມກ້າວໜ້າ ເນື່ອງໃນໂອກາດວັນຊາດທີ 2 ທັນວາ 2021 ຄົບຮອບ 46 ປີ.

ເປັນກຽດເຂົ້າຮ່ວມຂອງ ທ່ານ ປອ. ແກ້ວອຸດອນ ບຸດສິງຂອນ ຮອງເຈົ້າແຂວງຄຳມ່ວນ, ມີທ່ານ ຄຳແດງ ສີບຸນເຮືອງ ຫົວໜ້າອົງການໄອຍະການປະຊາຊົນແຂວງ, ມີບັນດາຄະນະກຳມະການອະໄພຍະໂທດຂັ້ນແຂວງ, ກອງເລຂາ ແລະ ແຂກຖຶກເຊີນທີ່ກ່ຽວຂ້ອງເຂົ້າຮ່ວມ.

ໂດຍປະຕິບັດຕາມດຳລັດຂອງທ່ານປະທານປະເທດ ສາທາລະນະລັດ ປະຊາທິປະໄຕ ປະຊາຊົນລາວ ສະບັບເລກທີ 219/ປປທ, ລັງວັນທີ 19 ພະຈິກ 2021 ວ່າດ້ວຍການອະໄພຍະໂທດໃຫ້ແກ່ນັກໂທດ ຜູ້ທີ່ມີຄວາມກ້າວໜ້າໃນຂອບເຂດທົ່ວປະເທດ ເນື່ອງໃນໂອກາດວັນຊາດທີ 2 ທັນວາ 2021 ຄົບຮອບ 46 ປີ. ຊຶ່ງໄດ້ຕົກລົງອະໄພຍະໂທດໃຫ້ແກ່ນັກໂທດຈຳນວນ 1.992 ຄົນ, ຍິງ 280 ຄົນ, ຕ່າງປະເທດ 25 ຄົນ, ຍິງ 5 ຄົນ.

ນັກໂທດໄດ້ຮັບອະໄພຍະໂທດຫລຸດຜ່ອນໂທດຈຳນວນ 1. 980 ຄົນ, ຍິງ 277 ຄົນ, ຕ່າງປະເທດ 25 ຄົນ, ຍິງ 5 ຄົນ, ໃນນີ້ລວມມີການຫລຸດຜ່ອນໂທດໃຫ້ແກ່ນັກໂທດຕະຫລອດຊີວິດມາເປັນໂທດມີກຳນົດ 20 ປີມີ 49 ຄົນ, ຍິງ 9 ຄົນ. ສ່ວນນັກໂທດທີ່ໄດ້ຮັບອະໄພຍະໂທດປ່ອຍຕົວມີ 12 ຄົນ, ຍິງ 3 ຄົນ.

ສະເພາະແຂວງຄຳມ່ວນ ປີ 2021 ໄດ້ຮັບການອະໄພຍະໂທດຫລຸດຜ່ອນໂທດ ແລະ ປ່ອຍຕົວມີທັງໝົດ 119 ຄົນ, ຍິງ 20 ຄົນ. ໃນນີ້ມີອະໄພຍະໂທດ ຫລຸດຜ່ອນໂທດຈຳນວນ 118 ຄົນ, ຍິງ 19 ຄົນ ແລະ ໄດ້ຮັບອະໄພຍະໂທດ ປ່ອຍຕົວ 1 ຄົນ/ຍິງ.

ໂອກາດດຽວກັນ ທ່ານ ປອ. ແກ້ວອຸດອນ ບຸດສິງຂອນ ກໍ່ໄດ້ມອບໃບຢັ້ງຢືນໃຫ້ແກ່ນັກໂທດທີ່ໄດ້ຮັບອະໄພຍະໂທດໃນຄັ້ງນີ້ ພ້ອມທັງໂອ້ລົມຕໍ່ຄະນະຮັບຜິດຊອບຄ້າຍຄຸມຂັງ – ດັດສ້າງຈົ່ງເອົາໃຈໃສ່ເພີ່ມທະວີສຶກສາອົບຮົມທາງດ້ານການເມືອງ-ແນວຄິດ ໃຫ້ກັບສະມາຊິກພັກ – ພະນັກງານ ກໍ່ຄືກຳລັງເຈົ້າໜ້າທີ່ຮັບຜິດຊອບ ໃຫ້ມີຄວາມປອດໃສທ່ຽງທຳກັບທຸກຝ່າຍ,

ເອົາໃຈໃສ່ປະຕິບັດໜ້າທີ່ດ້ວຍຄວາມຮັບຜິດຊອບສູງ, ການປ້ອງກັນເວນຍາມ, ປ້ອງກັນນັກໂທດບໍ່ໃຫ້ມີການລັກໂຕນໜີ ແລະ ຕັ້ງໜ້າສຶກສາອົບຮົມນັກໂທດໃນຄ້າຍຄຸມຂັງ ເພື່ອໃຫ້ເຂົາເຈົ້າຮູ້ເຖິງແນວທາງນະໂຍບາຍຂອງພັກ, ລະບຽບກົດໝາຍຂອງລັດຢ່າງເລິກເຊິ່ງກວ້າງຂວາງ ເພື່ອປະຕິບັດຕົນໃຫ້ເປັນພົນລະເມືອງດີຂອງສັງຄົມໃນຂັ້ນຕໍ່ໄປ.

ຂໍ້ມູນ khammouanenews

Related Posts

Leave a Reply

Your email address will not be published.