9 ເງື່ອນໄຂທີ່ຕ້ອງປະຕິບັດ ສຳລັບກຸ່ມນັກທ່ອງທ່ຽວ ທີ່ຈະເຂົ້າມາລາວ(Green Travel Zone):

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


9 ເງື່ອນໄຂທີ່ຕ້ອງປະຕິບັດ ສຳລັບກຸ່ມນັກທ່ອງທ່ຽວ ທີ່ຈະເຂົ້າມາລາວ(Green Travel Zone):

ສະຫຼຸບ ລວມ ເນື້ອໃນສຳຄັນ ທີ່ລັດຖະບານ ອະນຸຍາດ ໃຫ້ເປີດ (Green Travel Zone) ຕ້ອນຮັບນັກທ່ອງທ່ຽວຈາກຕ່າງປະເທດ

ລັດຖະບານ ໄດ້ຕົກລົງໃຫ້ເປີດການຕ້ອນຮັບນັກທ່ອງທ່ຽວ ໂດຍແບ່ງອອກເປັນ 3 ໄລຍະ ຄື:

ໄລຍະທີ 1: ເລີ່ມແຕ່ ວັນທີ 1 ມັງກອນ ຫາວັນທີ 30 ມີນາ 2022,

ໄລຍະທີ 2: ເລີ່ມແຕ່ວັນທີ 1 ເມສາ ຫາ ວັນທີ 30 ມິຖຸນາ 2022

ໄລຍະທີ 3: ເລີ່ມແຕ່ວັນທີ 1 ກໍລະກົດ 2022 ເປັນຕົ້ນໄປ.

ທ່ານນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ຖະແຫລງຂ່າວວ່າ: ມາຮອດປັດຈຸບັນ, ແມ່ນມີຄວາມພ້ອມໃນດ້ານຕ່າງໆ ໃນການເປີດຕ້ອນຮັບນັກທ່ອງທ່ຽວ, ເຊິ່ງໄດ້ກຳນົ1. ບັນດາປະເທດທີ່ເໝາະ ໃນເບື້ອງຕົ້ນ,2. ກິດຈະກຳການບໍລິການ ທີ່ເໝາະ3. ເຂດພື້ນທີ່ເປົ້າໝາຍເຂດທ່ອງທ່ຽວສີຂຽວ,4. ມາດຕະຖານການບໍລິການຕ້ອນຮັບນັກທ່ອງທ່ຽວ ຄຽງຄູ່ກັບການຄວບຄຸມ ການລະບາດຂອງພະຍາດໂຄວິດ-19.

ສຳລັບຂອບເຂດທ່ອງທ່ຽວສີຂຽວ ໄດ້ກຳນົດອອກເປັນ 2 ປະເພດ ຄື:

1. ເຂດທ່ອງທ່ຽວສີຂຽວ (Green Travel Zone)ໄລຍະທີ1: ໄດ້ກຳນົດເອົານະຄອນຫລວງວຽງຈັນ; ນະຄອນຫລວງພະບາງ ແລະ ເມືອງຕ່າງໆຂອງແຂວງຫລວງພະບາງ ແລະ ເມືອງວັງວຽງ ແຂວງວຽງຈັນໄລຍະທີ2: ໄດ້ກຳນົດ ມີ 9 ແຂວງ ຄື: ນະຄອນຫລວງວຽງຈັນ, ແຂວງວຽງຈັນ, ຫລວງພະບາງ, ອຸດົມໄຊ, ໄຊຍະບູລີ, ຊຽງຂວາງ, ຄໍາມ່ວນ, ສະຫວັນນະເຂດ ແລະ ແຂວງຈຳປາສັກ.

2. ເສັ້ນທາງທ່ອງທ່ຽວສີຂຽວ (Green Travel Trail),ໄລຍະທີ1: ກຳນົດເອົາ 5 ແຂວງ ຄື: ແຂວງອຸດົມໄຊ, ໄຊຍະບູລີ, ຊຽງຂວາງ, ຄຳມ່ວນ ແລະ ແຂວງຈຳປາສັກ.ໄລຍະທີ2: ກຳນົດຢູ່ 4 ແຂວງ ດັ່ງນີ້: ເມືອງຫ້ວຍຊາຍ ແຂວງບໍ່ແກ້ວ, ແຂວງຫລວງນຳ້ທາ, ແຂວງເຊກອງ ແລະ ແຂວງສາລະວັນ.

17 ປະເທດ ທີ່ລັດຖະບານ ອະນຸຍາດ ໃຫ້ເຂົ້າປະເທດໄດ້ ໃນເຂດທ່ອງທ່ຽວສີຂຽວ (Green Travel Zone).

ສຳລັບເປົ້າໝາຍ ກຸ່ມນັກທ່ອງທ່ຽວເຂົ້າມາທ່ອງທ່ຽວ ໃນເຂດທ່ອງທ່ຽວສີຂຽວ ໃນໄລຍະທີ 1 ເລີ່ມແຕ່ ວັນທີ 1 ມັງກອນ ຫາວັນທີ 30 ມີນາ 2022 ລວມ ມີ 17 ປະເທດ ຄື:

1. ສປ ຈີນ,2. ສສ ຫວຽດນາມ,3. ກຳປູເຈຍ,4. ໄທ,5. ມາເລເຊຍ,6. ສິງກະໂປ7. ສ ເກົາຫລີ,8. ຍີ່ປຸ່ນ,9. ຝຣັ່ງ,10. ອັງກິດ,11. ເຢຍລະມັນ,12. ໂຮນລັງ,13. ສະເປນ,14. ອີຕາລີ,15. ອາເມລິກາ,16. ການາດາ17. ອົດສະຕຣາລີ.

9 ເງື່ອນໄຂທີ່ຕ້ອງປະຕິບັດ ສຳລັບກຸ່ມນັກທ່ອງທ່ຽວ ທີ່ຈະເຂົ້າມາລາວ(Green Travel Zone):

1. ຕ້ອງແມ່ນນັກທ່ອງທ່ຽວທີ່ມາເປັນໝູ່ຄະນະ,

2. ຜ່ານການບໍລິການຂອງ ບໍລິສັດທ່ອງທ່ຽວ ພ້ອມມີລາຍການທີ່ສັດເຈນ,

3. ຫ້າມບໍ່ໃຫ້ນໍາເຂົ້ານັກທ່ອງທ່ຽວແບບກະແຈກກະຈາຍ ໂດຍບໍ່ຜ່ານບໍລິສັດທ່ອງທ່ຽວ ແລະ ບໍ່ໄດ້ຮັບອະນຸຍາດຈາກຄະນະສະເພາະກິດ,

4. ຕ້ອງໄດ້ຮັບວັກຊິນຄົບໂດສ ຫລາຍກວ່າ 14 ວັນຂຶ້ນໄປ,

5. ນັກທ່ອງທ່ຽວຕ້ອງມີປະກັນໄພຊີວິດ,

6. ມີຢັ້ງຢືນການກວດຫາເຊື້ອດ້ວຍລະບົບ RT-PCR ທີ່ມີຜົນເປັນລົບ(ບໍ່ມີເຊື້ອ) ບໍ່ເກີນ 72 ຊົ່ວໂມງ ກ່ອນວັນເດີນທາງ,

7.​ ຕ້ອງໄດ້ຮັບກວດຫາເຊື້ອຢູ່ຕາມດ່ານສາກົນເຂົ້າ-ອອກ, ຈຳກັດບໍລິເວນ 24 ຊົ່ວໂມງ ເພື່ອລໍຖ້າຜົນກວດ, ເມື່ອຜົນກວດເປັນລົບ ສາມາດເດີນທາງທ່ອງທ່ຽວຕາມລາຍການໄດ້;

8. ກ່ອນເດີນທາງມາເຖິງ ສປປ ລາວ ນັກທ່ອງທ່ຽວຕ້ອງດາວໂຫລດແອບ LaoStay Safe ເພື່ອລົງທະບຽນ ພ້ອມ ແຈ້ງຂໍ້ມູນການສັກວັກຊິນຄົບໂດສ,

9. ນັກທ່ອງທ່ຽວຕ້ອງຊື້ປະກັນໄພສຸຂະ ພາບ ທີ່ມີວົງເງິນຄຳ້ປະກັນຢ່າງຕຳ່ 50.000 USD.

ລັດຖະບານ ໄດ້ ກຳນົດເປີດດ່ານສາກົນ ເຂົ້າ-ອອກ ໃນເຂດທ່ອງທ່ຽວສີຂຽວ (Green Travel Zone):

ໄລຍະທີ 1 ເລີ່ມແຕ່ ວັນທີ 1 ມັງກອນ ຫາວັນທີ 30 ມີນາ 2022, ມີ 2 ດ່ານ ຄື:ສະໜາມບິນສາກົນວັດໄຕ ແລະ ດ່ານສາກົນຂົວມິດ ຕະພາບ 1 (ນະຄອນຫລວງວຽງຈັນ-ໜອງຄາຍ),

ໄລຍະທີ 2 ເລີ່ມແຕ່ວັນທີ 1 ເມສາ ຫາ ວັນທີ 30 ມິຖຸນາ 2022 ມີ 9 ດ່ານ ດັ່ງນີ້:1. ສະໜາມບິນວັດໄຕ,2. ສະໜາມບິນສາກົນຫລວງພະບາງ,3. ດ່ານບໍ່ຫານ-ບໍ່ເຕ່ນ(ລາວ-ຈີນ)4. ຂົວມິດຕະພາບ I (ນະຄອນ ຫລວງວຽງຈັນ-ໜອງຄາຍ),5. ຂົວມິດຕະພາບ (ທ່າແຂກ-ນະຄອນພະນົມ),6. ຂົວມິດຕະພາບ (ສະຫວັນນະເຂດ-ມຸກດາຫານ),7. ດ່ານຊ່ອງເມັກ (ປາກເຊ-ອຸບົນລາດຊະທານີ),8. ດ່ານລາວບາວ (ລາວ-ຫວຽດ ນາມ 9. ດ່ານຫລັກຊາວ ( ລາວ-ຫວຽດນາມ).

ທ່ານ ນາງ ສວນສະຫວັນ ວິຍະເກດ ຍັງໃຫ້ຮູ້ອີກວ່າ: ການຈັດຕັ້ງປະຕິບັດ ແຜນເປີດຕ້ອນ ຮັບນັກທ່ອງທ່ຽວ ຈາກຕ່າງປະເທດໃນເຂດທ່ອງທ່ຽວສີຂຽວ ແມ່ນບໍ່ສາມາດເປີດພ້ອມກັນໄດ້ໃນທົ່ວປະເທດ, ຈະໄດ້ດຳເນີນໄປເປັນເທື່ອລະບາດກ້າວ ດ້ວຍຄວາມລະມັດລະວັງມີຄວາມຮັບຜິດຊອບສູງ ມີການຕິດຕາມ, ກວດກາ ແລະ ປະເມີນຜົນໃນແຕ່ລະໄລຍະຢ່າງຕໍ່ເນື່ອງ, ຮັບປະກັນຄວາມປະທັບໃຈ ແລະ ປອດໄພຂອງນັກທ່ອງທ່ຽວ ແລະ ຜູ້ບໍລິການ ໂດຍປະຕິບັດມາດຕະການຄວບຄຸມການລະບາດຂອງພະຍາດໂຄວິດ-19 ຢ່າງຮັດກຸມ.

ສຳລັບວຽກງານສາທາລະນະສຸກ ທ່ານ ບຸນແຜງ ພູມມະໄລສິດ ລັດຖະມົນຕີ ກະຊວງສາທາ ລະນະສຸກ ໄດ້ໃຫ້ຮູ້ວ່າ: ເພື່ອກຽມພ້ອມໃຫ້ແກ່ການເປີດຮັບນັກທ່ອງທ່ຽວເຂົ້າມາ ສປປ ລາວ ຂະແໜງ ສາທາລະນະສຸກ ໄດ້ມີມາດຕະການທາງການແພດຮອງຮັບຢ່າງເຂັ້ມງວດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໂດຍສຸມໃສ່ສັກວັກຊິນ

ໃຫ້ກຸ່ມເປົ້າໝາຍໃຫ້ໄດ້ 70% ຂຶ້ນໄປ, ສ່ວນເງື່ອນໄຂຜູ້ປະກອບການທີ່ຈະເຂົ້າຮ່ວມ ເປັນຕົ້ນ ພະນັກງານໂຮງແຮມ, ຮ້ານອາ ຫານ, ສະຖານທີ່ທ່ອງທ່ຽວ, ຄົນຂັບລົດນໍາທ່ຽວ ແລະ ພະນັກງານນຳທ່ຽວ ຈະຕ້ອງໄດ້ສັກວັກຊິນ ໃຫ້ໄດ້ 95% ຂຶ້ນໄປ.ພ້ອມດຽວກັນນັ້ນ, ປະຊາຊົນ ຢູ່ໃນແຂວງທີ່ຈະຮັບນັກທ່ອງທ່ຽວໄລຍະທີ 1 ຕ້ອງໄດ້ສັກວັກຊິນ ຄົບໂດສ 70% ຂຶ້ນໄປ.

ຂໍ້ມູນ ຂປລ

Related Posts

Leave a Reply

Your email address will not be published.