🙏🏻ຂໍອະນຸຍາດແຊປະສົບການໂດຍສ່ວນຕົວທີ່ເປັນໂຄວິດໃຫ້ຟັງເນີ້

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


🙏🏻ຂໍອະນຸຍາດແຊປະສົບການໂດຍສ່ວນຕົວທີ່ເປັນໂຄວິດໃຫ້ຟັງເນີ້

👍🏻ຫຼາຍຄົນຖາມວ່າ ຖ້າກວດເອງພົບວ່າເປັນບວກ ແລ້ວປິ່ນປົວເອງໄດ້ບໍ່. ບອກເລີຍວ່າໄດ້ເນາະ ຖ້າເຮົາບໍ່ມີຄວາມຈຳເປັນຕ້ອງແຈ້ງຕໍ່ການຈັດຕັ້ງເພື່ອສະວັດດີການຕ່າງໆ (ຖ້າແມ່ນຄົນທີ່ເຮັດວຽກປະຈຳ)

🔹ບ້ານນີ້ເລີ່ມຈາກທີ່ຄົນໃນບ້ານພົບເປັນບວກ (ພໍ່ຕິດມາຈາກບ່ອນເຮັດວຽກ) ກວດພົບເຊື້ອໃນວັນທີ 7/12/2021 ອາການຂອງພໍ່ແມ່ນມີແຕ່ເຈັບຄໍເຄືອງຄໍ ແລະ ໄອເລັກນ້ອຍ ບໍ່ໄຂ້ບໍ່ເມື່ອຍ (ພໍ່ສັກໄຟເຊີ້ຄົບ2ເຂັມໃນເດືອນ 7/2021) ກວດດ້ວຍໂຕເອງຂຶ້ນ 2ຂີດ ຈຶ່ງໄປກວດຢູ່ໂຮງໝໍລັດແລະໄດ້ໃບຢັ້ງຢືນອອກມາວ່າເປັນໂຄວິດ ແລະ ຕັດສິນໃຈປົວຢູ່ເຮືອນ (ຕອນນັ້ນຂ້ອຍ ຜົວ ແລະ ແມ່ຍັງບໍ່ມີອາການຫຍັງ,

ສ່ວນລູກແມ່ນພໍແຕ່ຮູ້ກະຫອບແຍກລູກໄປຝາກເຮືອນຍ່າເລີຍ ລູກເລີຍປອດໄພ) ພໍແຕ່ຮູ້ວ່າພໍ່ຕິດ ຂ້ອຍກະຟ້າວໄປຊື້ຢາແລະອຸປະກອນຕ່າງໆມາໄວ້ໃຫ້ເພິ່ນຫຼັກໆຈະຕ້ອງມີ: ເຄື່ອງວັດອົກຊີໃນເລືອດ, ບາຫຼອດ, ເຄື່ອງແທກຕັ້ງຊົ້ງ (ມີຢູ່ເຮືອນແລ້ວ), ຖົງມືການແພດ, ສະເປແອວກໍຮໍຕຸກ 5ລິດ, ວິຕາມິນຊີ, ຢາປາລ້າ, ຢາດີຫວັດ, ຢາໂບຣມເຮັກຊິນ (ແກ້ໄອ, ລະລາຍເສມຫະ, ກັນເຊື້ອລົງປອດ ໂຕນີ້ຕ້ອງກິນເລີຍ), ຢາຈີນ 莲花 ແບບຜົງ (ດີກວ່າແບບເປັນເມັດເດີ້ຂໍບອກ)ແລະ ອີກຢ່າງຄືຢາ favipiravir ສຳລັບປົວໂຄວິດສະເພາະ ສຳລັບພໍ່ຂ້ອຍກິນສຳ່ນີ້

▪️ໃນມື້ຕໍ່ມາທີ 8/12/2021 ຄະນະສະເພາະກິດຈຶ່ງໂທຫາພໍ່ ແລະລົງມາຫາຢູ່ເຮືອນ (ເພາະພໍ່ເປັນຜູ້ສູງອາຍຸ 60ປີ+ ແລະມີພະຍາດຫົວໃຈ) ເຊິ່ງເພິ່ນຈະມາກວດວ່າ ຄົນທີ່ຕິດ ກິນແນວໃດ ຢູ່ແນວໃດ ສະພາບແວດລ້ອມເຮືອນເຮົາເອື້ອອຳນວຍແກ່ການແຍກປ່ຽວບໍ່ ມີຫ້ອງນອນແຍກບໍ່ ມີຫ້ອງນຳ້ແຍກບໍ່ ຮັກສາມາດຕະການໄດ້ບໍ່ ແລະ ແນະນຳເພີ່ມເຕີມອື່ນໆ.

ຖ້າສະຖານທີ່ບໍ່ເໝາະສົມເພິ່ນຈະແນະນຳໃຫ້ເຂົ້າສູນ ຫຼື ໂຮງແຮມແທນ ຢ້ານແຜ່ເຊື້ອໃສ່ຄົນອື່ນໃນເຮືອນງ່າຍ

🔸ຈາກນັ້ນ 3-4ມື້ ຂ້ອຍເລີ່ມເປັນຫວັດ ມີນຳ້ມູກ ແລະ ເຈັບຄໍ ມີສະເຫຼດ (ສ່ວນຕົວສັກຊີໂນຟາມ 3ເຂັມຄົບຕອນເດືອນ 10/2021) ສ່ວນຜົວແລະແມ່ ບໍ່ມີອາການຫຍັງເທື່ອ ຈຶ່ງຕັດສິນໃຈໄປກວດນຳກັນໝົດຢູ່ສູນ ຮຮ ເຈົ້າອານຸວົງ, ໃນວັນທີ 12/12/2021

🔺ມື້ຕໍ່ມາ 13/12/2021 ໄດ້ຮັບໂທແຈ້ງຈາກຄະນະສະເພາະກິດວ່າມີແຕ່ຂ້ອຍກັບຜົວຕິດ (ສ່ວນແມ່ບໍ່ຕິດ ງຶດ) ຈາກນັ້ນຂ້ອຍກັບຜົວກະນອນແຍກກັນຄົນລະຫ້ອງ, ທັງຂ້ອຍ ພໍ່ ຜົວ ເຖິງຕິດແລ້ວກະຍັງແຍກກັນຄົນລະຫ້ອງນອນ ໂຊກດີທີ່ພໍດີມີ4ຫ້ອງນອນ ແລະ ມີຫ້ອງນຳ້ຕິດທຸກຫ້ອງບໍ່ຊັ້ນຄືສິໄດ້ໄປຢູ່ໂຮງແຮມ ຫຼື ຢູ່ສູນແທນ, ແລະ ຖ້ວຍບ່ວງ ແລະເຄື່ອງໃຊ້ທຸກຢ່າງທີ່ແຕ່ລະຄົນໃຊ້ແມ່ນຕ້ອງລ້າງເອງ ມ້ຽນເອງ ບໍ່ໃຫ້ແມ່ງົມ.

ແມ່ມີແຕ່ເອົາຂອງກິນໃສ່ຖົງມາໃຫ້ແກະໃສ່ຈານກິນເອງກັບເອົາຖົງຂີ້ເຫຍື້ອໄປຖິ້ມໃຫ້ (ສີດສະເປກ່ອນຖິ້ມ).ຢາທີ່ຂ້ອຍກັບຜົວກິນແມ່ນຄືກັບພໍ່ທຸກຢ່າງ ແຕ່ຕ່າງບ່ອນບໍ່ໄດ້ໃຊ້ຢາ favipiravir ເພາະອາຍຸຍັງນ້ອຍແດ່ ແລະບໍ່ມີໂລກປະຈຳຕົວ

🔻ສຳລັບພໍ່ຂ້ອຍເປັນຜູ້ສູງອາຍຸ ຈຶ່ງໃຫ້ລາວໃຊ້ຢາ favipiravir ຄວບຄູ່ກັບກິນຢາປິ່ນປົວຕາມອາການ, ບໍ່ຮູ້ວ່າຍ້ອນລາວໄດ້ກິນຢານີ້ບໍ່ ອາການລາວເບົາບາງຈົນເກືອບວ່າບໍ່ເປັນຫຍັງເລີຍ ເສີຍໆຢູ່, (ໃຜຢາກຮູ້ວ່າແມ່ນຢາຫຍັງຊອກໃນກູໂກ້ໄດ້ ຫຼື ອິນບັອກມາຖາມໄດ້) ຕັດພາບກັບມາທິ່ຂ້ອຍແລະຜົວ ທັງຫວັດ ທັງນຳ້ມູກ ທັງເຈັບຄໍ ທັງມີສະເຫຼດ ດັງບໍ່ໄດ້ກິ່ນ ລີ້ນບໍ່ໄດ້ລົດ ທັງອີ່ຫຍັງບຸ ເປັນເຮັ່ງກວ່າພໍ່ອີກ, ແຕ່ບໍ່ມີໄຂ້ ບໍ່ປວດຕົນໂຕ , ຂ້ອຍກັບຜົວຈຶ່ງລ້າງດັງ ແລະ ບ້ວນຄໍດ້ວຍນຳ້ເກືອທຸກມື້ເຊົ້າແລງ ແລະຮົມຢາມື້ລະໜ້ອຍ

🔘ມາຮອດວັນທີ 14/12ນີ້ພໍ່ຂ້ອຍອາການຫາຍເປັນປົກກະຕິທຸກຢ່າງ ດັງແລະລີ້ນກະໄດ້ກິ່ນໄດ້ລົດຄືເກົ່າແລະ ເຊົາກິນຢາຕ່າງໆແລ້ວ , ແລະຂ້ອຍກັບຜົວແມ່ນຮອດມື້ອື່ນກະຄົບທິດໜື່ງທີ່ເປັນ, ຕອນນີ້ດີຂື້ນເກືອບວ່າເປັນປົກກະຕິທຸກຢ່າງ ມີແຕ່ດັງຍັງບໍ່ໄດ້ກິ່ນ ລີ້ນຍັງບໍ່ໄດ້ລົດຄືເກົ່າ (ໄດ້ແຕ່ປະມານ 50%) ແລະຢາທີ່ຍັງສືບຕໍ່ກິນຕອນນີ້ແມ່ນຍັງມີແຕ່ຢາໂບຣມເຮັກຊິນ ກັບ ຢາລະລາຍເສມຫະແບບຜົງຊົງນຳ້ກິນ ເຊົ້າ ສວຍ ແລງ ແລະຄິດວ່າມື້ອື່ນຈະຢຸດກິນແລ້ວເພາະກິ້ນຄົບໂດສແລ້ວ

‼️ບາງຄົນກະວ່າວ່າເປັນຫຍັງຄືບໍ່ກວດເອງຮູ້ວ່າເປັນລະກະປົວລະກະແລ້ວ ໄປກວດຢູ່ໂຮງໝໍເຮັດຫຍັງແຮງຢ້ານຕື່ມ 😂

😊 ຄື… ຖ້າຄົນອື່ນບໍ່ມີບັນຫາເລື່ອງງົບ ຫຼື ເລື່ອງສະວັດດີການກະດີໄປ. ແຕ່ສຳລັບອົງກອນທີ່ຂ້ອຍເຮັດວຽກຢູ່ແມ່ນຖ້າກວດເອງຂຶ້ນ2ຂີດ ລະຄອບພັກປິ່ນປົວແມ່ນເພິ່ນບໍ່ຮັບຮູ້ (ຍ້ອນຜ່ານມາມີຄົນສ່ວຍໃຊ້ຮູບແບບນີ້ຫຼາຍເພື່ອລາພັກສ່ວນຕົວ). ຖ້າຈະຄອບພັກ ແລະ ໄດ້ສະວັດດີການຄືນແມ່ນຕ້ອງມີໃບຢັ້ງຢືນຈາກໂຮງໝໍ ຫຼື ຄະນະສະເພາະກິດວ່າເປັນໂຄວິດ ແລະ ຖືກຮັບຮອງວ່າປິ່ນປົວຫາຍດີຈຶ່ງສາມາດກັບໄປເຮັດວຽກໄດ້.

ແລະບໍ່ຖືກຕັດເງິນເດືອນ, ຈະໄດ້ຮັບຄ່າຊົດເຊີຍເປັນອັດຕາກິນທຸກແຕ່ລະມື້, ຄ່າຢາ , ຄ່າໂຮງແຮມ (ຖ້າປິ່ນປົວຢູ່ໂຮງແຮມ) ແລະຄ່າອື່ນໆຄືນ (ແຕ່ຕ້ອງມີໃບບິນຄັດຕິດເພື່ອສະເໜີຮຽກເກັບນຳຫ້ອງການຄົບຖ້ວນ)

‼️ແລະຄະນະສະເພາະກິດໄດ້ແນະນຳໃນເບື້ອງຕົ້ນວ່າ ຖ້າເຮົາກັກໂຕປິ່ນປົວຢູ່ເຮືອນເອງ ສ່ວນໃຫຍ່ຖ້າອາການເບົາບາງຈະຫາຍດີໄປເອງພາຍໃນ 5-10ມື້ . ພາຍຫຼັງປິ່ນປົວຫາຍດີແລະກັກໂຕຄົບ 14ມື້ ໃຫ້ໄປພົວພັນເອົາໃບຢັ້ງຢືນເປັນໂຄວິດແລະປິ່ນປົວເອງ ຢູ່ຫ້ອງການບ້ານທີ່ຕົນຂຶ້ນກັບ,(ຖ້າກວດເອງປົວເອງແມ່ນບໍ່ຕ້ອງໄດ້ໄປເອົາ)

ແລ້ວເອົາເອກະສານນັ້ນ ໄປແລ່ນເອົາຕື່ມຢູ່ຫ້ອງການສາທາລະນະສຸກເມືອງທີ່ຕົນຂຶ້ນກັບເພື່ອເອົາໃບຢັ້ງຢືນປິ່ນປົວ ຈາກເມືອງ ຈຶ່ງເອົາໄປແຈ້ງຕໍ່ຫ້ອງການໄດ້. (ຂຶ້ນນຳເງື່ອນໄຂຂອງແຕ່ລະອົງກອນນຳເດີ້ວ່າສິໄດ້ໃຊ້ບໍ້ , ວ່າສິໄດ້ຄືນ ຫຼືບໍ່ໄດ້ ຫຼື ໄດ້ໜ້ອຍຫຼາຍສຳ່ໃດ)

💢ບໍ່ແນ່ໃຈວ່າແມ່ບ້ານອື່ນຈະໄດ້ໃຊ້ເອກະສານໃນລັກສະນະດຽວກັນນີ້ບໍ່ ເລິຍລົງໄວ້ ເພື່ອມີຜູ້ຢາກຮູ້, ບາງຄົນວ່າບໍ່ມີໃຜແນະນຳເລີຍບໍ່ແນ່ໃຈວ່າຈະໄປພົວພັນເອົາຢູ່ໃສ😊 ເພາະເຫັນຄົນຮູ້ຈັກຫຼາຍຄົນມັກຖາມວ່າ ຮູ້ວ່າເປັນລະບໍ່ໄປກວດຢູ່ໂຮງໝໍໄດ້ບໍ່, ພັກແນວນີ້ຖືກຕັດເງິນບໍ່,ເຮັດແນວໃດສິເຄມຄືນນຳຫ້ອງການໄດ້,ບໍ່ມີໃບໂຮງໝໍເຄມໄດ້ບໍ່. ເລີຍລົງໄວ້ໃຫ້ເພື່ອມີຜູ້ຜ່ານມາເຫັນຈ້ະ.

🙏🏻ຂອບໃຈທີ່ອ່ານຈົນຈົບ ,ບ້ານອື່ນເດເປັນແນວໃດເລົ່າສູ່ຟັງແດ່

✌🏻ຂໍໃຫ້ທຸກຄົນແຂງແຮງປອດໄພໝົດຄອບຄົວເດີ້

ທີ່ມາ

Related Posts

Leave a Reply

Your email address will not be published.