🇯🇵🇱🇦ວັກຊີນ COVID-19 ຈາກປະເທດຍີ່ປຸ່ນກໍາລັງເດີນທາງໃກ້ຈະມາຮອດປະເທດລາວແລ້ວ!🇯🇵🇱🇦

🇯🇵🇱🇦ວັກຊີນ COVID-19 ຈາກປະເທດຍີ່ປຸ່ນກໍາລັງເດີນທາງໃກ້ຈະມາຮອດປະເທດລາວແລ້ວ!🇯🇵🇱🇦

ວັກຊີນ AstraZeneca ທີ່ຜະລິດທີ່ປະເທດຍີ່ປຸ່ນຈໍານວນປະມານ 320,000 ໂດສ ກໍາລັງເດີນທາງມາຮອດນະຄອນຫຼວງວຽງຈັນໃນມໍ່ໆນີ້! ການມອບວັກຊີນໃນຄັ້ງນີ້ແມ່ນໄດ້ຖືກປະກາດໂດຍພະນະທ່ານ ຮາຢາຊິ ໂຢຊິມາຊາ, ລັດຖະມົນຕີກະຊວງການຕ່າງປະເທດຍີ່ປຸ່ນໃນເດືອນພະຈິກທີ່ຜ່ານມາ.

ການສະໜອງວັກຊີນໃນຄັ້ງນີ້ໄດ້ເຮັດໃຫ້ຈໍານວນວັກຊີນ AstraZeneca ທີ່ປະເທດຍີ່ປຸ່ນໄດ້ມອບໃຫ້ເປັນເທດລາວແມ່ນບັນລຸເຖິງເກືອບ 950,000 ໂດສ, ເຊິ່ງໃນນີ້ສ່ວນໜຶ່ງກໍ່ໄດ້ຖືກມອບໄປແລ້ວໃນເດືອນສິງຫາຈໍານວນ 616,820 ໂດສ.

ມາຮອດປະຈຸບັນ, ຍີ່ປຸ່ນໄດ້ສະໜັບສະໜຸນຢ່າງຫຼາກຫຼາຍຮູບແບບເພື່ອຊຸກຍູ້ປະເທດລາວໃຫ້ສາມາດຜ່ານພົ້ນວີກິດການແຜ່ລະບາດຂອງເຊື້ອພະຍາດ COVID-19 ໃຫ້ໄດ້ ໂດຍນອກຈາກຈະມອບວັກຊີນແລ້ວກໍ່ຍັງໄດ້ມອບອຸປະກອນການແພດ, ຊຸດ PPEs ແລະ ອື່ນໆນໍາອີກ.

ນອກຈາກນີ້, ຍີ່ປຸ່ນຍັງໄດ້ມອບຕູ້ແຊ່ ແລະ ຕູ້ເຢັນເພື່ອຍົກລະດັບການຂົນສົ່ງເຢັນພາຍໃນປະເທດລາວທີ່ຢູ່ພາຍໃຕ້ແນວທາງຄວາມຄິດທີ່ວ່າ “ການສະໜອງວັກຊີນຢ່າງທົ່ວເຖິງ”.

ເປົ້າໝາຍຫຼັກຂອງການຊ່ວຍເຫຼືອທີ່ກ່າວມານັ້ນກໍ່ແມ່ນເພື່ອສະໜັບສະໜຸນຊຸກຍູ້ໃຫ້ລັດຖະບານລາວສາມາດເລັ່ງການສັກວັກຊີນໃຫ້ປະຊາຊົນໃນທົ່ວປະເທດໃຫ້ໄດ້ຫຼາຍ, ທົ່ວເຖິງ ແລະ ໄວທີ່ສຸດ.

ຍີ່ປຸ່ນໃນນາມຄູ່ຮ່ວມຍຸດທະສາດຂອງປະເທດລາວແມ່ນມີຄວາມຕັ້ງໃຈທີ່ຈະສືບຕໍ່ຊຸກຍູ້ສະໜັບສະໜຸນປະເທດລາວຢ່າງຄຽງບ່າຄຽງໄລ່ເພື່ອໃຫ້ສາມາດຜ່ານພົ້ນວີກິດນີ້ໄປພ້ອມໆກັນ

ທີ່ມາ

https://m.facebook.com/story.php?story_fbid=219387713701956&id=100068921871162

Related Posts

Leave a Reply

Your email address will not be published.