ນາຍົກລັດຖະມົນຕີ ຊີ້ນຳ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ນະໂຍບາຍ ແລະ ນິຕິກໍາຕ່າງໆ ທີ່ປະກາດ ໃຊ້ແລ້ວອັນໃດບໍ່ສອດຄ່ອງ ຕ້ອງຮີບຮ້ອນປັບປຸງ

ຂປລ. ໃນກອງປະຊຸມລັດຖະບານເປີດກວ້າງ ປີ 2021 ເຊິ່ງຈັດຂຶ້ນໃນລະຫວ່າງວັນທີ 23-24 ທັນວາ 2021, ທ່ານ ພັນຄຳ ວິພາວັນ ນາຍົກລັດຖະມົນຕີ ໄດ້ຊີ້ນຳໃຫ້ແຕ່ລະຂະແໜງການ-ອົງການ ສືບຕໍ່ກວດກາບັນດານະໂຍບາຍ ກໍຄື ນິຕິກໍາຕ່າງໆ ທີ່ໄດ້ປະກາດໃຊ້ແລ້ວ,

ຖ້າເຫັນວ່າອັນໃດບໍ່ສອດ ຄ່ອງກັບຄວາມຮຽກຮ້ອງ ຕ້ອງການຂອງວຽກງານ ໃນເງື່ອນໄຂໃໝ່ ຕ້ອງໄດ້ຮີບຮ້ອນປັບປຸງແກ້ໄຂ ໃຫ້ທັນການ ຫລື ນິຕິກຳໃດທີ່ຍັງບໍ່ທັນມີ ກໍໃຫ້ຮີບຮ້ອນສ້າງຂຶ້ນໃໝ່ ໂດຍຕ້ອງມີຄວາມສະດຸ້ງໄວ ຕາມທິດຫັນປ່ຽນຢ່າງແຂງແຮງ ເລິກເຊິ່ງຮອບດ້ານ ທັງຮັບປະກັນຄວາມໂປ່ງໃສ, ສະດວກ, ວ່ອງໄວ

ສິ່ງທີ່ມີຄວາມສຳຄັນແມ່ນ ຂໍ້ມູນສະຖິຕິດ້ານຕ່າງໆ ທີ່ພົວພັນກັບໜ້າທີ່ການເມືອງຂອງຕົນ ຕ້ອງຮັບປະກັນໃຫ້ຖືກຕ້ອງ, ຊັດເຈນ ເພື່ອເປັນຖານຂໍ້ມູນໃນການວາງແຜນໃນແຕ່ລະໄລຍະ ແລະ ເປັນບ່ອນອີງທີ່ສໍາຄັນໃນການສົ່ງເສີມການລົງທຶນ ແລະ ການບໍລິການປະຕູດຽວ ໃຫ້ວ່ອງໄວຂຶ້ນ.

ພ້ອມນີ້, ໄດ້ຊີ້ນຳໃຫ້ສະມາຊິກລັດຖະບານ, ບັນດາຫົວໜ້າອົງການຈັດຕັ້ງພັກ, ອົງການທຽບເທົ່າຂັ້ນສູນກາງ, ເຈົ້າແຂວງ, ເຈົ້າຄອງນະຄອນຫລວງວຽງຈັນ, ຈົ່ງໄດ້ສືບຕໍ່ກຳແໜ້ນທັດສະນະພື້ນ ຖານ ທີ່ມະຕິກອງປະຊຸມໃຫຍ່ຄັ້ງທີ XI ຂອງພັກກໍານົດໄວ້, ໃນນັ້ນແມ່ນຕ້ອງສ້າງການຫັນປ່ຽນໃໝ່ຢ່າງແຂງແຮງ, ເລິກເຊິ່ງ ແລະ ຮອບດ້ານ, ບົນພື້ນຖານນັ້ນ ທຸກການຈັດຕັ້ງ ແລະ ພະນັກງານຄຸ້ມຄອງທຸກລະດັບ ຕ້ອງຫັນປ່ຽນຈິນຕະນາການຢ່າງແທ້ຈິງ

ສິ່ງສຳຄັນແມ່ນຕ້ອງຍົກສູງຄວາມເປັນເຈົ້າການ, ຄວາມຮັບຜິດຊອບ ແລະ ຈັນຍາບັນໃນການເຮັດວຽກຂອງການຈັດຕັ້ງ ກໍຄື ບຸກຄົນທີ່ສັງກັດຢູ່ໃນຂອບເຂດຄວາມຮັບຜິດຊອບ ຕາມພາລະບົດບາດໜ້າທີ່ຂອງຕົນ, ຫັນປ່ຽນຈາກ “ຜູ້ຄຸ້ມຄອງ” ມາເປັນ “ຜູ້ໃຫ້ບໍລິການທີ່ດີ, ວ່ອງໄວ ແລະ ຖືກຕ້ອງຕາມກົດໝາຍ”.

ນອກຈາກນັ້ນ, ກໍໃຫ້ຮັບຮູ້ ແລະ ເຂົ້າໃຈວ່າ ພາກລັດ ແລະ ພາກທຸລະກິດ ແມ່ນຮຸ້ນສ່ວນທີ່ສຳຄັນຮ່ວມກັນ ແລະ ຕັດແຍກອອກຈາກກັນບໍ່ໄດ້ ເພື່ອແກ້ໄຂບັນຫາລວມຂອງຊາດ ແລະ ພັດທະນາປະເທດໃຫ້ຈະເລີນກ້າວໜ້າ.

ທ່ານນາຍົກລັດຖະມົນຕີ ຍັງໄດ້ເນັ້ນໜັກໃຫ້ບັນດາກະຊວງ, ຂະແໜງການທີ່ກ່ຽວຂ້ອງ ຂັ້ນສູນກາງ, ອົງການປົກຄອງທ້ອງຖິ່ນ ນຳເອົາເນື້ອໃນຈິດໃຈຂອງກອງປະຊຸມຄັ້ງນີ້, ໂດຍສະເພາະແມ່ນທິດທາງແຜນການ ປີ 2022 ຂອງລັດຖະບານ ໄປຜັນຂະຫຍາຍ ແລະ ຈັດຕັ້ງປະຕິບັດ ຢູ່ໃນພາກສ່ວນຕົນ ດ້ວຍການຫັນເປັນແຜນປະຕິບັດຕົວຈິງຢ່າງລະອຽດ,

ພ້ອມທັງສືບຕໍ່ຍົກສູງຄວາມຮັບຜິດຊອບໃນການຈັດຕັ້ງປະຕິບັດ ເພື່ອເຮັດໃຫ້ການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ກໍຄືການແກ້ໄຂບັນຫາຢາເສບຕິດ ໃນປີ 2022 ໃຫ້ໄດ້ຮັບຜົນເປັນຢ່າງດີ.

ຂ່າວ: ມະນີທອນ

ພາບ: ກົມປະຊາສຳພັນ ສຫນຍ

Related Posts

Leave a Reply

Your email address will not be published.