!ລາຍລະອຽດ “ເຫດຄາດ ຕະ ກໍາຄາສວນມັນຕົ້ນ ທີ່ສາລະວັນ

!ລາຍລະອຽດ “ເຫດຄາດ ຕະ ກໍາຄາສວນມັນຕົ້ນ ທີ່ສາລະວັນ

ສາເຫດຍ້ອນຫຼອນຢາ.

ໃນວັນທີ 22 ທັນວາ 2021, ນາງ ຈິກ ອາຍຸ 22 ປີ ແລະ ນາງ ອຶ່ງ ອາຍຸ 25 ປີ ທັງສອງ ຢູ່ບ້ານລະວາງ ເມືອງ ແລະ ແຂວງສາລະວັນ ພາກັນອອກໄປສວນມັນຕົ້ນ, ຕົກມາຮອດຕອນແລງຍັງກັບມາເຮືອນ. ຈາກນັ້ນ, ທາງຄອບຄົວ ແລະ ປະຊາຊົນພາຍໃນບ້ານຈຶ່ງພາກັນອອກຕາມຫາ ແຕ່ບໍ່ເຫັນໃນມື້ນັ້ນ, ມື້ຕໍ່ມາ ວັນທີ 23 ທັນວາ 2021 ໄດ້ສືບຕໍ່ຄົ້ນຫາ ຈຶ່ງພົບ ນາງ ຈິກ ເສຍ ຊີ ວິດ; ສ່ວນນາງ ອຶ່ງ ໄດ້ຮັບບາດເຈັບສາຫັດ.

ເມື່ອມີເຫດການເກີດຂຶ້ນ ອໍານາດການປົກຄອງບ້ານລະວາງ ຈຶ່ງໄດ້ໂທຫາເຈົ້າໜ້າທີ່, ຈາກນັ້ນ ປກສ ແຂວງໄດ້ແຕ່ງຕັ້ງພະແນກສືບສວນ-ສອບສວນລົງສະຖານທີ່ເກີດເຫດ ແລະ ຊັນນະສູດ ຜູ້ເສຍຊີວິດ ມີຮ່ອງ ຮອຍ ຖືກ ວັດຖຸ
ທີ່ມີຄົມ ຢູ່ບໍລິເວນ ແກ້ມ ເບື້ອງຂວາ, ບໍລິເວນຄໍ ແລະ ກະທົບຫົວ ຕໍ່ມາຈຶ່ງສືບຮູ້ນໍາໄປສູ່ການຈັບຈົວຜູ້ກໍ່ເຫດຊື່ ທ້າວ ບຸນຕັງ ອາຍຸ 21 ປີ ຄົນບ້ານດຽວກັນ.

ທ້າວ ບຸນຕັງ ສາລະພາບວ່າ: ມື້ເກີດເຫດໃນວັນທີ 22 ທັນວາ 2021 ເວລາ 10:00 ໂມງ ໄດ້ອອກ ໄປໄຮ່ ທ້າວ ຮຽງ ( ພໍ່ຂອງ ນາງ ຈິກ ) ຫ່າງຈາກບ້ານ ປະມານ 2 ກິໂລແມັດ, ເອົາຢາ ບ້າ 5 ເມັດມາເສບຈົນໝົດ ແລ້ວຍ່າງໄປຫາສວນມັນຕົ້ນ ໄດ້ພົບເຫັນ ນາງ ຈິກ ແລະ ນາງ ອຶ່ງ ນັ່ງກິນ ເຂົ້າ, ທັງສອງໄດ້ຮ້ອງກິນເຂົ້າ ຕົນເອງ ກໍໄດ້ກິນເຂົ້າຮ່ວມກັນ, ເມື່ອກິນເຂົ້າແລ້ວ ກໍໄດ້ພາຍປືນຍ່າງເຂົ້າໄປໃນປ່າ ຈຸດຫ້ວຍແລ້ງ.

ຕົກມາຮອດເວລາ 16:00 ໂມງ ຍັງພົບເຫັນທັງສອງຄົນຢູ່ສວນມັນຕົ້ນ, ຈຶ່ງໄດ້ໃຊ້ອຸບາຍ ແລະ ເລ່ລ້ຽມຊວນທັງສອງຄົນໄປຖ່າຍຮູບໃຫ້ຢູ່ຫ້ວຍໂທນ ອ້າງຈະໃຫ້ເງິນຄ່າຈ້າງຮູບລະ 200.000 ກີບ, ພາຍຫຼັງຖ່າຍຮູບແລ້ວ ໄດ້ພາກັນ ຍ່າງກັບ ພໍຮອດສວນມັນຕົ້ນ,

ຈຶ່ງໄດ້ບອກທັງສອງຄົນ ສົ່ງຮູບທີ່ຖ່າຍ ໄປໃຫ້ໝູ່ຢູ່ປະເທດໄທ ຜ່ານທາງເຟສບຸກ ແຕ່ສົ່ງບໍ່ໄດ້, ຈຶ່ງມີອາການປະສາດຫຼອນ ຈາກການເສບຢາ ໄດ້ເອົາມືບີບຄໍ ຈັບພ້າໃນກະພາ ( ເປ້ ) ຂອງນາງ ຈິກ ແລ້ວຟັນໃສ່ ບໍ ລິ ເວນ ຫົວ; ນາງ ອຶ່ງ ຢູ່ໃນເຫດການກໍໄດ້ເຂົ້າຫ້າມ, ຈຶ່ງຖືກຟ້າຟັນໃສ່ ບໍລິເວນຫົວ ແລະ ລໍາຕົວ ຈໍານວນຫຼາຍບາດ ເຮັດໃຫ້ໄດ້ຮັບບາດເຈັບ.

ຈາກນັ້ນ, ໄດ້ສືບຕໍ່ໃຊ້ ໄມ້ ຄ້ອນ ຕີ ໃສ່ ຫົວ ນາງ ຈິກ 3-4 ບາດ ເມື່ອກໍ່ເຫດແລ້ວກໍໄດ້ເອົາໄມ້ຄ້ອນ ແລະ ພ້າ ຖີ້ມຢູ່ຈຸດເກີດເຫດ ແລ້ວເອົາຕົວຫຼົບໜີ

ທ້າວ ບຸນຕັງ ສາລະພາບຕໍ່ວ່າ: ພາຍຫຼັງກໍ່ເຫດ ກໍໄດ້ກັບເມືອເຮືອນ ໄດ້ແກ້ໂສ້ງ, ເສື້ອ ໄວ້ຢູ່ຈຸດ ກັອກນໍ້າ, ຕໍ່ມາ ທາງຄອບຄົວ ແລະ ອົງການປົກຄອງບ້ານໄດ້ແຈ້ງໃຫ້ປະຊາຊົນພາຍໃນບ້ານອອກໄປ

ຊອກຫາຕົວທັງສອງຄົນ, ສ່ວນ ຕົນເອງ ( ທ້າວ ບຸນຕັງ ) ກໍໄດ້ອອກໄປຊອກຫາຮ່ວມກັນກັບປະຊາຊົນ ພາຍໃນບ້ານ ແລະ ໄດ້ຮູ້ວ່າ ເສຍຊີວິດ 1 ຄົນ ແລະ ບາດເຈັບສາຫັດ 1 ຄົນ.

ເຈົ້າໜ້າທີ່ເປີດເຜີຍວ່າ: ການກໍ່ເຫດຂອງທ້າວ ບຸນຕັງ ຄັ້ງນີ້ ແມ່ນບໍ່ໄດ້ມີບັນຫາກັບຜູ້ໄດ້ຮັບບາດເຈັບ ແລະ ເສຍຊີວິດມາກ່ອນ ເກີດຈາກເສບ ຢາ ແລ້ວປະສາດຫຼອນ.

ມາເຖິງປັດຈຸບັນ ຜູ້ໄດ້ຮັບບາດເຈັບ ແມ່ນມີອາການດີຂຶ້ນ.

Related Posts

Leave a Reply

Your email address will not be published.