ບໍລິສັດ ເບັສ ໂທລະຄົມ ມອບພັນທະ ຈຳນວນ 12 ຕື້ກີບ ໃຫ້ກະຊວງປ້ອງກັນປະເທດ

ບໍລິສັດ ເບັສ ໂທລະຄົມ ມອບພັນທະ ຈຳນວນ 12 ຕື້ກີບ ໃຫ້ກະຊວງປ້ອງກັນປະເທດ

ຄະນະບໍລິຫານຂອງບໍລິສັດ ເບັສ ໂທລະຄົມ ໄດ້ນຳເອົາເງິນ ຈຳນວນ 12 ຕື້ກີບ ມາມອບໃຫ້ ແກ່ຄະນະນຳກະຊວງປ້ອງກັນ ປະເທດ, ພິທີມອບ-ຮັບໄດ້ຈັດຂຶ້ນ ໃນວັນທີ 29 ທັນວາ 2021 ນີ້, ຢູ່ທີ່ກະຊວງປ້ອງກັນປະເທດ,

ໂດຍການກ່າວມອບຂອງ ທ່ານ ປອ ລິດທິກອນ ພູມມະສັກ ປະ ທານສະພາຜູ້ບໍລິຫານ ບໍລິສັດ ເບັສ ໂທລະຄົມ ແລະ ກ່າວຮັບຂອງ ສະຫາຍ ພົນເອກ ຈັນສະ ໝອນ ຈັນຍາລາດ ຮອງນາຍົກ ລັດຖະມົນຕີ, ລັດຖະມົນຕີກະຊວງ ປ້ອງກັນປະເທດ, ໂດຍມີພາກ ສ່ວນທີ່ກ່ຽວຂ້ອງທັງສອງຝ່າຍ ເຂົ້າຮ່ວມເປັນສັກຂີພະຍານ.

ທ່ານ ປະທານສະພາບໍລິ ຫານບໍລິສັດ ເບັສ ໂທລະຄົມ ກ່າວ ວ່າ: ການມອບເງິນໃຫ້ແກ່ກະ ຊວງປ້ອງກັນປະເທດໃນຄັ້ງນີ້ ເປັນການປະກອບສ່ວນພັນທະ ປັນຜົນ ເພາະວ່າກະຊວງປ້ອງ ກັນປະເທດເປັນຜູ້ຖືຫຸ້ນສຳຄັນໃນ ການດຳເນີິນທຸລະກິດຂອງບໍລິ ສັດ, ທັງເປັນການປະກອບສ່ວນ ຊຸກຍູ້ໃຫ້ກະຊວງປ້ອງກັນປະ ເທດໄດ້ນຳໃຊ້ເຂົ້າໃນການພັດທະ ນາ ແລະ ປັບປຸງກົມກອງທະຫານ ໃຫ້ແໜ້ນໜາຖາວອນ.

ບໍລິສັດ ເບສ ເປັນຜູ້ໃຫ້ບໍລິ ການດ້ານໂທລະຄົມການສື່ສານ ມືຖື ທັງພາຍໃນ ແລະ ຕ່າງປະ ເທດ, ເປັນຄູ່ຮ່ວມທຸລະກິດກັບກະ ຊວງປ້ອງກັນປະເທດ ໃຫ້ບໍລິການ ເບີມືຖື ຫຼັກ 8, ບໍລິການສາຍເຊົ່າ ເຊື່ອມຕໍ່ພາຍໃນ ແລະ ຕ່າງປະ ເທດ ຄື: ສປ ຈີນ, ສສ ຫວຽດ ນາມ, ໄທ ແລະ ບໍລິການອິນເຕີ ເນັດຄວາມໄວສູງ ແລະ ບໍລິການ ເສີມດາຕ້າເຊັນເຕີ ແລະ Cloud, Tick-tock, App ແລະ ຊຳລະ ຄ່າບໍລິການຕ່າງໆ ຜ່ານລະບົບ ທະນາຄານ.

ໂອກາດນີ້, ສະຫາຍ ພົນເອກ ຈັນສະໝອນ ຈັນຍາລາດ ໄດ້ ກ່າວສະແດງຄວາມຍ້ອງຍໍທີ່ທາງ ບໍລິສັດ ໄດ້ມີຄວາມຫ້າວຫັນປະ ກອບສ່ວນປະຕິບັດຕາມພັນທະ ຂອງຕົນ ແລະ ອວຍພອນ ໃຫ້ບໍ ລິສັດ ປະສົບຜົນສຳເລັດໃນການ ດຳເນີນທຸລະກິດ. ຕາງໜ້າກະຊວງປ້ອງກັນປະ ເທດ ຂຶ້ນຮັບເງິນດັ່ງກ່າວໂດຍ ສະ ຫາຍ ພົນຕີ ວົງຄຳ ພົມມະກອນ ຮອງລັດຖະມົນຕີ ກະຊວງປ້ອງ ກັນປະເທດ.

ຂ່າວຈາກ :

https://www.facebook.com/1498712070203720/posts/6657491630992379/

Related Posts

Leave a Reply

Your email address will not be published. Required fields are marked *