ແຈ້ງການດ່ວນທີ່ສຸດ ຈາກຫ້ອງວ່າການສໍານັກງານນາຍົກລັດຖະມົນຕີ

ແຈ້ງການດ່ວນທີ່ສຸດ ຈາກຫ້ອງວ່າການສໍານັກງານນາຍົກລັດຖະມົນຕີ

ເລກທີ 1745 /ຫສນຍ ນະຄອນຫຼວງວຽງຈັນ, ວັນທີ 31. ທັນວາ. 2021

ເລື່ອງ : ທິດຊີ້ນໍາຕໍ່ກັບປະກົດການຫຍໍ້ທໍ້ໃນການຊື້-ຂາຍປີ້ໂດຍສານລົດໄຟລາວ-ຈີນ.

ຫ້ອງວ່າການສໍານັກງານນາຍົກລັດຖະມົນຕີ ຂໍຖືເປັນກຽດແຈ້ງທິດຊີ້ນໍາ ທ່ານ ຮອງນາຍົກລັດຖະມົນຕີ, ຜູ້ ຊີ້ນໍາຂົງເຂດວຽກງານເສດຖະກິດ ມາຍັງທ່ານ ຊາບ ແລະ ຈັດຕັ້ງປະຕິບັດ ດັ່ງນີ້: ມອບໃຫ້ກະຊວງໂຍທາທິການ ແລະ ຂົນສົ່ງ ຮີບຮ້ອນສົມທົບກັບພາກສ່ວນກ່ຽວຂ້ອງ ສຸມໃສ່ແກ້ໄຂບາງບັນຫາຄື:

1) ສົມທົບບໍລິສັດທາງລົດໄຟ ລາວ-ຈີນ ລົງເລິກກວດກາສະພາບການຊື້-ຂາຍປີ້ໂດຍສານລົດໄຟລາວ-ຈີນ ວ່າມີ ປະກົດການສວຍໂອກາດ ໃນການກັກຕຸນີ້ໂດຍສານ ຫຼື ມີນາຍຫນ້າຈອງໄວ້ ເພື່ອເກງກໍາໄລ ຄືດັ່ງຫາງສຽງສັງຄົມໄດ້ສ່ອງ ແສງນັ້ນແທ້ ຫຼື ບໍ່, ຖ້າມີແທ້ ແມ່ນໃຫ້ດໍາເນີນມາດຕະການຕ່າງໆ ທີ່ກົດຫມາຍກໍ່ຄືລະບຽບການກ່ຽວຂ້ອງໄດ້ກໍານົດໄວ້ຢ່າງ ເຂັ້ມງວດ.

ພ້ອມກັນນັ້ນ ກໍ່ໃຫ້ບໍລິສັດ ທາງລົດໄຟລາວ-ຈີນ ປັບປຸງວິທີການໃນການຈໍາຫນ່າຍປີ້ໂດຍສານລົດໄຟຄືນໃຫມ່ ໃຫ້ສອດຄ່ອງກວ່າເກົ່າ ເພື່ອສ້າງຄວາມສະດວກໃຫ້ແກ່ຜູ້ໃຊ້ບໍລິການ, ທັງຮັບປະກັນການປ້ອງກັນ ແລະ ຄວບຄຸມການ ລະບາດຂອງພະຍາດ COVID 19 ຢ່າງເຂັ້ມງວດ;

2) ໃຫ້ສົມທົບກັບອົງການປົກຄອງທ້ອງຖິ່ນກ່ຽວຂ້ອງ ເພີ່ມທະວີການປົກປັກຮັກສາຄວາມສະຫງົບ, ຄວາມເປັນ ລະບຽບຮຽບຮ້ອຍຕາມເສັ້ນທາງລົດໄຟລາວ-ຈີນ ໃຫ້ເຂັ້ມງວດກວ່າເກົ່າ ໂດຍໃຫ້ອົງການປົກຄອງບ້ານ ແລະ ປະຊາຊົນມີ ສ່ວນຮ່ວມໃນວຽກງານດັ່ງກ່າວ ຢ່າງເປັນປະຈໍາ ແລະ ປົກກະຕິ.

ດັ່ງນັ້ນ, ຈຶ່ງແຈ້ງມາຍັງທ່ານ ເພື່ອຊາບ ແລະ ຈັດຕັ້ງປະຕິບັດຕາມເນື້ອໃນແຈ້ງການສະບັບນີ້ດ້ວຍ.
ລັດຖະມົນຕີ, ຫົວຫນ້າຫ້ອງວ່າການສໍານັກງານນາຍົກລັດຖະມົນຕີ

ທ່ານ ຄໍາເຈນ ວົງໂພສີ

Related Posts

Leave a Reply

Your email address will not be published. Required fields are marked *