ສະຫຼະເວລາອ່ານ…!!!ອຈ ມະນີຄອນ ຜູ້ສາຍຕາສັ້ນ ຜູ້ສອນໄດ້ຫລາຍວິຊາ ຄົນທໍາອິດຂອງປະເທດລາວ ຈາກຄົນສາຍຕາສັ້ນສູ່ນັກຮຽນເກັ່ງລະດັບຊາດ.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


ສະຫຼະເວລາອ່ານ…!!!ອຈ ມະນີຄອນ ຜູ້ສາຍຕາສັ້ນ ຜູ້ສອນໄດ້ຫລາຍວິຊາ ຄົນທໍາອິດຂອງປະເທດລາວ ຈາກຄົນສາຍຕາສັ້ນສູ່ນັກຮຽນເກັ່ງລະດັບຊາດ.

ມື້ນີ້ແອັດມີບົດຄວາມດີໆທີ່ຢາກໃຫ້ເຈົ້າໄດ້ອ່ານ ອຈ ມະນີຄອນ ຜູ້ສາຍຕາສັ້ນ ຜູ້ສອນໄດ້ຫລາຍວິຊາ ຄົນທໍາອິດຂອງປະເທດລາວ ຈາກຄົນສາຍຕາສັ້ນສູ່ນັກຮຽນເກັ່ງລະດັບຊາດ.

ກ່ອນອື່ນຂໍສະແດງຄວາມນັບຖືມາຍັງຜູ້ອ່ານທຸກຄົນ ຂ້ອຍເອງເປັນໜຶ່ງໃນຫລາຍຄົນທີ່ເຄີຍເປັນນັກຮຽນ ອຈ ມະນີຄອນ ຫລື ວ່າ ອຈ ຄອນ ຜູ້ທີ່ສາມາດສອນໄດ້ຫລາຍວິຊາ ມື້ນີ້ເຮົາຈະພາມາຮູ້ຈັກປະຫວັດ ແລະ ແຮງບັນດາຈານທີ່ ອຈ ເພິ່ນກ້າວມາສູ່ວົງການການສອນ ວ່າເປັນແນວໃດ ເປັນຫຍັງ ອຈ ຈຶງສອນໄດ້ຫລາຍວິຊາ ເປັນຫຍັງຄົນທີ່ຮຽນນໍາ ອຈ ຈັງຮັກເພິ່ນຫລາຍປານນີ້ ມາຮູ້ຈັກກັນເລີຍ

“ຄົນເຮົາເລືອກເກີດບໍ່ໄດ້ ແຕ່ເລືອກທີ່ຈະເປັນໄດ້” ນີ້ແມ່ນຄໍາຂວັນທີ່ເຮັດໃຫ້ຫລາຍຄົນປະສົບຜົນສໍາເລັດມາແລ້ວ ອຈ ຄອນ ອາຍຸ 28ປີ ກໍເປັນອີກຜູ້ໜຶ່ງທີ່ເກີດມາບໍ່ສົມບູນຄືກັບຄົນອື່ນ ເພາະວ່າ ເພິ່ນພິການທາງດ້ານສາຍຕາມາແຕ່ກໍາເນີດ ເຊິ່ງບໍ່ສາມາດແນມເຫັນແຈ້ງຄືຄົນປົກກະຕິ ແຕ່ຜົນການຮຽນຂອງ ອຈ

ໃນຊ່ວງການຮຽນຊັ້ນມັດທະຍົມແມ່ນສູງໄດ້ທີ 1ນັກຮຽນເກັ່ງ ແລະ ສຶກສາໃນລະດັບປະລິນຍາຕີ ສາມາດຍາດໄດ້ໃບປະກາດແດງ ດ້ວຍຄະແນນ 3.90 ໂດຍກຽດນິຍົມອັນດັບໜຶ່ງ ຈາກສາຂາຄູຟີຊິກສາດ ຄົນທໍາອິດຂອງສາຂາ ທີ່ຄະນະສຶກສາສາດ ມະຫາວິທະຍາໄລສະຫວັນນະເຂດ.

ເພິ່ນເກີດ ແລະ ອາໄສຢູ່ບ້ານສຸນັນທາ ນະຄອນໄກສອນ ແຂວງສະຫວັນນະເຂດ ເປັນລູກຊາຍຫລ້າຂອງທ່ານ ບຸນມີ ຊັບສິນນະລາດ ແລະ ນາງຄໍາແສນ ຊັບສິນນະລາດ ທັງສອງເປັນອະດີດພະນັກງານຄູບໍານານ ເພິ່ນມີອ້າຍ2ຄົນ.

ຜ່ານມາ ອຈ ເພິ່ນເຄີຍໄດ້ຮັບການຜ່າຕັດປິນປົວສາຍຕາມາແລ້ວ 2 ຄັ້ງ ເຊິ່ງເຮັດໃຫ້ສາຍຕາດີກວ່າເກົ່າ ແຕ່ກໍຍັງເຫັນແບບມົວໆ ໃນລະດັບ 2 ແມັດ.

ເມື່ອອາຍຸ 4ປີ ເພິ່ນໄດ້ເຂົ້າຮຽນທີ່ໂຮງຮຽນອະນຸບານມິດຕະພາບສະຫວັນນະເຂດ-ກວາງບິງ ເນື່ອງຈາກມີຂໍ້ຈໍາກັດດ້ານສາຍຕາ ເພິ່ນຈຶງເຂົ້າຮຽນໃນລະດັບປະຖົມຊ້າກວ່າເດັກຄົນອື່ນ ເມື່ອອາຍຸ 8ປີ ເພິ່ນໄດ້ເຂົ້າຮຽນທີ່ປະຖົມສາມັກຄີ ຈົນ ອາຍຸ 13ປີ ຈຶ່ງໄດ້ຍ້າຍໄປຮຽນທີ່ໂຮງຮຽນມັດທະຍົມສົມບູນສະຫວັນ ແລະ

ຈົບການສຶກສາໃນອາຍຸ 20ປີ ພາຍຫລັງໄດ້ສຶກສາໃນລະດັບປະລິນຍາຕີ 2ຄັ້ງ ເປັນເວລາ 8ປີ ໃນສາຂາການທ່ອງທ່ຽວ 4ປີ ແລະ ຄູຟີຊິກສາດ 4ປີ ປັດຈຸບັນ ອຈ ຄອນ ກໍາລັງຈະຈົບປະລິນຍາຕີໃນສາຂາຄູຟີຊິກສາດ ໃນທ້າຍເດືອນ11ທີ່ຈະມາຮອດນີ້.

ຖ້າເວົ້າເຖິງຜົນງານການສຶກສາຂອງ ອຈ ແລ້ວ ຖືວ່າ ອຈ ເພິ່ນເປັນຄົນຕັ້ງໃຈ ແລະ ບຸກບືນ ຈາກການຮຽນລໍາດັບທີທ້າຍໆຂອງຫ໊ອງກໍໄດ້ບຸກບືນຈົນໄດ້ເປັນນັກຮຽນເກັ່ງຂອງຫ້ອງ ຈາກນັ້ນກໍໄດ້ທີ 1 ຕະຫລອດ ພ້ອມໄດ້ຮັບໃບຍ້ອງຍໍຈາກ ໂຮງຮຽນ ແລະ ພະແນກສຶກສາແຂວງສະຫວັນນະເຂດ ຜົນງານທັງຫລາຍສ່ວນໜຶ່ງເກີດຈາກພໍ່ແມ່ຂອງ ອຈ ແລະ ຄວາມຕັ້ງໃຈ ຂອງ ອຈ ເອງ.

ທີ່ໂດດເດັ່ນຄື ອຈ ໄດ້ມີໂອກາດໄດ້ສອບເສັງນັກຮຽນເກັ່ງລະດັບຊາດ 2ຄັ້ງ ທັງ ມ.4(2009-2010)ແລະ ມ.7(2012-2013)ໃນຊ່ວງທີ່ ອຈ ສຶກສາທີ່ມະຫາວິທະຍາໄລສະຫວັນນະເຂດ ເພິ່ນໄດ້ສອນຄວຍຄູ່ກັບຮຽນເພື່ອຫາລາຍໄດ້ມາຊ່ວຍໃນການດໍາລົງຊີວິດ

ຜົນງານສາມາດຍາດໄດ້ຄື ສາມາດ ສ້າງທີ 1,2 ແລະ 3 ຂອງນັກຮຽນເກັ່ງລະດັບແຂວງໄດ້ທຸກປີ ໂດຍສະເພາະແມ່ນປີ 2020-2021 ນັກຮຽນສົ່ງເຂົ້າສອບເສັງ3ຄົນສາມາດຍາດໄດ້ທີ ມາໝົດ3ຄົນ ໃນສາຍຟີຊິກສາດ ມ.7 ຂັ້ນແຂວງສະຫວັນນະເຂດ.

ນອກຈາກນີ້ແລ້ວ ອຈ ເພິ່ນຍັງສອນ Online ນໍາອີກ ເຊິ່ງຜູ້ທີ່ຮຽນນໍາສາມາດຄວ້າໄດ້ໃບປະກາດແດງ ມ.7 ຈໍານວນ 3ໃບ ພິເສດໃນປີນີ້ ອຈ ສາມາດສ້າງໃຫ້ນັກຮຽນຕົນເອງຍາດຄະແນນເສັງຈົບຊັ້ນຢູ່ລະຫວ່າງ 42-47 ຄະແນນ ເຊິ່ງມີຈໍານວນເກີນ 30ກວ່ານ້ອງ.

ອຈ ນອກຈາກປະສອນເກັ່ງແລ້ວ ເພິ່ນຍັງມີຄວາມຮູ້ຫລາຍຢ່າງໃນວິຊາທີ່ສອນໃນທຸກວິຊາ ເພິ່ນສາມາດສອນໄດ້ມີຄື: ຄະນິດສາດ, ພາສາລາວ-ວັນນະຄະດີ, ເຄມີສາດ, ຟີຊິກສາດ, ຊີວະວິທະຍາ, ພູມສາດ ແລະ ປະຫວັດສາດ ອາດເວົ້າໄດ້ວ່າ ອຈ ມີຄວາມຮູ້ຮອບດ້ານ.

ໃນຄວາມຮູ້ສຶກຂອງນ້ອງເອງ ໄດ້ມີໂອກາດມາເປັນລູກສິດ ອຈ ນ້ອງຮູ້ສຶກວ່າ ອຈ ມີຄວາມຮູ້ຫລາກຫລາຍ ມີສະຕິປັນຍາລໍ້າເລີດ ສິ່ງທີ່ເຮັດໃຫ້ ອຈ ເປັນທີ່ຮັກສໍາລັບນ້ອງ ແລະ ໝູ່ເພື່ອຄື ອຈ ເປັນຄົນມັກຮ້າຍ ອາລົມແປປວນ ແຕ່ມັນເກີດຈາກຄວາມຮັກທີ່ ອຈ ມີໃຫ້ຈຸນ້ອງ ນ້ອງຮູ້ສຶກວ່າແຕ່ຮຽນມາຫາ ອຈ ຄົນໃດທີ່ຮັກນັກຮຽນແບບ ອຈ ນີ້ຄືອາດຈະບໍ່ມີ ແລະ ສອນໄດ້ທຸກອັນແບບ ອຈ ຍິ່ງຍາກ

ສຸດທ້າຍຂໍອວຍພອນໃຫ້ ອຈ ແລະ ຜູ້ອ່ານທຸກຄົນ ມີສຸຂະພາບແຂງແຮງ ແລະ ມີໂອກາດກະມາຮຽນນໍາ ອຈ ຄອນໄດ້ເດີ.ເບີໂທ ອາຈານ 02028371122

ຊົມຄຼິບ

ບົດເພລງມ່ວນໆທີ່ລູກສິດນັກຮຽນເກັ່ງແຕ່ງໃຫ້ຟັງມ່ວນຫຼາຍ…

ຫວັງວ່າ ຖ້າຫາກທຸກທ່ານໄດ້ອ່ານ,ໄດ້ເບິ່ງແລະໄດ້ຟັງແລ້ວ ອາດເປັນປະໂຫຍດໃຫ້ກັບຫຼາຍໆທ່ານ…ທີ່ກຳລັງທໍ້ແທ້ບໍ່ມີໂອກາດໄດ້ສູ້ ຂໍໃຫ້ບຸກຄົນດັ່ງກ່າວໄດ້ສູ້ຕໍ່ໄດ້ ເພາະວ່າເຮົາເລືອກເກີດບໍ່ໄດ້ ແຕ່ເຮົາເລືອກທີ່ຈະເປັນໄດ້ ຖ້າບົດຄວາມນີ້ມີປະໂຫຍດ ຂໍໃຫ້ກົດໄລ໌ກົດແຊຣໃຫ້ແດ່ເດີ້ ຂໍຂອບໃຈ.

Related Posts

Leave a Reply

Your email address will not be published.