ບຸນກິນຈຽງ ບ້ານຊາຍຈະເລີນ ແຂວງບໍ່ແກ້ວ ປີນີ້ບໍ່ຄຶກຄື້ນ ເນື່ອງຈາກໂຄວິດລະບາດ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


ບຸນກິນຈຽງ ບ້ານຊາຍຈະເລີນ ແຂວງບໍ່ແກ້ວ ປີນີ້ບໍ່ຄຶກຄື້ນ ເນື່ອງຈາກໂຄວິດລະບາດ

ງານບຸນກິນຈ້ຽງ ຫຼື ໜໍ່ເປເຈົ່າ ເປັນຮີດຄອງປະເພນີຂອງຊົນເຜົ້າມົ້ງທີ່ເຄີຍຈັດຕັ້ງມາແຕ່ດຶກດໍາບັນ ໃນນັ້ນ ຄະນະພັກອຳນາດການປົກຄອງບ້ານ ພ້ອມດ້ວຍປະຊາຊົນ ບ້ານຊາຍຈະເລີນ ເມືອງຫ້ວຍຊາຍ ແຂວງບໍ່ແກ້ວ ກໍ່ບໍ່ໄດ້ລະຮີດໃຫ້ມອງລະຄອງໃຫ້ເສົ້າ ແລະ ໄດ້ຈັດງານບຸນກິນຈຽງ ໜໍ່ເປ້ເຈົ່າ ປະຈຳປີ 2022.

ທ້າວ ນໍ່ຈື ກາໄຈລີ ນາຍບ້ານ ບ້ານຊາຍຈະເລີນ ໄດ້ສຳພາດຕໍ່ຜູ້ສື່ຂ່າວວ່າ: ເຜົ່າມົ້ງມີເອກະລັກທາງດ້ານຮີດຄອງປະເພນີ ເຊື່ອຖືຜີເຮືອນ, ສືບສາຍຕະກຸນທາງພໍ່ ຫຼື ຝ່າຍຊາຍເປັນຫຼັກ, ໜໍເປ້ເຈົ່າ ແມ່ນການສະຫຼອງຜົນງານການເກັບກ່ຽວ ທີ່ຍາດມາໄດ້ໃນຕະຫຼອດໄລຍະໜຶ່ງປີ,

ເປັນການສົມມາຄາລະວະຕໍ່ພໍ່ແມ່, ຜູ້ອາວຸໂສ ແລະ ຜູ້ນຳພາ, ເປັນການສ້າງໂອກາດເຕົ້າໂຮມບັນດາພໍ່ແມ່ຍາດຕິພີ່ນ້ອງ, ແຂກຄົນທັງຢູ່ໃກ້ ແລະ ຢູ່ໄກໄດ້ມາພົບພໍ້ຢ້ຽມຢາມ ເພື່ອສະແດງຄວາມ ສາມັກຄີ, ຄວາມຂອບອົກຂອບໃຈ, ຄວາມຮູ້ບຸນຄຸນເຊິ່ງກັນ ແລະ ກັນ.

ເປັນການສ້າງໂອກາດໃຫ້ຜູ້ເປັນພໍ່ແມ່ໄດ້ເລືອກໄພ້, ເລືອກເຂີຍ, ຊາຍໜຸ່ມຍິງສາວໄດ້ເລືອກຄູ່ຊີວິດຂອງຕົນເອງ, ການເອ້ຢ້ອງ, ອວດອ້າງຄວາມຮັ່ງມີຂອງໃຜລາວ ທັງເປັນການຟື້ນຟູ, ເຜີຍແຜ່ຮີດຄອງປະເພນີອັນດີງາມ ແລະ ວັດທະນະທໍາຂອງຕົນນຳອີກ.

[“]

ທ່ານໄດ້ກ້າວຕື່ມວ່າ: ການຈັດງານໃນຄັ້ງນີ້ ມີຄວາມແຕກຕ່າງໃນໄລຍະຜ່ານມາເນື່ອງຈາກມີການລະບາດຂອງເຊື້ອພະຍາດໂຄວິດ-19 ຈິ່ງໄດ້ຈັດຕາມຮີດຕາມຄອງກິດຈະກຳບາງຢ່າງບໍ່ສາມາດນໍາມາສະແດງ, ມາໃຫ້ຊົມມີພຽງແຕ່ກິດຈະກຳໂຍນໝາກຄອນ, ການວາງຂາຍສິນຄ້າເທົ່ານັ້ນຈິ່ງເຮັດໃຫ້ບັນຍາດກາດບໍ່ຄຶກ ຄັກແຕ່ການປະຕິບັດມາດຕະການ ແມ່ນໄດ້ພ້ອມກັນປະຕິບັດຢ່າງເຂັ້ມງວດມີການວັດແທກອຸ່ນຫະພຸມ.

ບັນຍາກາດການຫຼິ້ນບຸນກິນຈຽງປີນີ້ ເຫັນວ່າບໍ່ຄຶ້ກຄື້ນປານໃດ ເພາະວ່າມີການແຜ່ລະບາດຂອງພະຍາດໂຄວິດ-19 ມີແຕ່ຫຼິ້ນຕາມຮີດຄອງພາຍໃນບ້ານເທົ່ານັ້ນ, ຕ່າງບ້ານບໍ່ໄດ້ເຂົ້າຮ່ວມ ທັງນີ້ ກໍ່ເພື່ອການປ້ອງກັນການແຜ່ລະບາດຂອງພະຍາດໂຄວິດ-19 ໄປໃນວົງກວ້າງ.

Related Posts

Leave a Reply

Your email address will not be published.