ໜັກທີ່ສຸດ…. ທະລຸ 15 ລ້ານຄົນ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ທົ່ວໂລກ ມີຜູ້ຕິດເຊື້ອ ໂຄວິດ-19 ສາຍພັນ ໂອໄມຄຣອນ ເພີ່ມຂຶ້ນ 15 ລ້ານຄົນ

ຂປລ.ຕາມ​ຂ່າວ​ຈາກ​ ເມືອງ​ເຈ​ນີວາ ປະ​ເທດ ສະ​ວິດ, ວັນ​ທີ 13 ​ມັງກອນ 2022, ທ່ານ ​ເທ​ດໍຣສ ​ແອດ​ຮານ​ອມ ​ເກ​ເບ​ເຢຊຸ​ສ(Tedros Adhanom Ghebreyesus) ຜູ້ອຳນວຍການ ​ອົງການ​ ອະນາ​ໄມ​ໂລກ ​ຖະ​ແຫລງວ່າ:​

ໂຄ​ວິດ-19 ສາຍ​ພັນ ​ໂອ​ໄມຄຣອນ ​ເຮັດ​ໃຫ້ ທົ່ວ​ໂລກ ມີ​ຜູ້​ຕິດ​ເຊື້ອ​ ໂຄ​ວິດ-19​ ເພີ່ມ​ຂຶ້ນ​ປະມານ 15 ລ້ານ​ຄົນ​ ພາຍ​ໃນ ​ໄລຍະ​ເວລາ 7 ​ວັນ, ຫ​ລ້າ​ສຸດ ​ເພີ່ມ​ຂຶ້ນ​ ປະມານ 55% ​ເມື່ອ​ທຽບ​ໃສ່​ ອາທິດ​ກ່ອນ ​ແລະ ​ເສຍ​ຊີວິດ ​ເພີ່ມ​ຂຶ້ນ​ອີກ 43.000ຄົນ.

ຂະນະ​ທີ່ ທະວີບ ອາ​ຟຣິກາ ມີ​ຕົວເລກ ສະຖິຕິ​ຜູ້​ຕິດ​ເຊື້ອ​ ຫລຸດ​ລົງ 11%, ອາຊີ​ໃຕ້ ​ແລະ ອາຊີ​ ຕາ​ເວັນ​ອອກ​ ສ່ຽງ​ໃຕ້ ມີຜູ້​ເສຍ​ຊີວິດ ​ຫລຸດ​ລົງ 6% ​ແຕ່​ ມີ​ຜູ້​ຕິດ​ເຊື້ອ ​ເພີ່ມ​ຂຶ້ນ​ ຫລາຍ​ກວ່າ 400% ​ໂດ​ຍ ອົງກາ​ນ ອະນາ​ໄມ​ໂລກ ພວມ​ຕິດຕາມ ​ສະຖານະ​ການ ​ໃນ​ອິນ​ເດຍ, ຕີ​ມໍ​​ແລັດ​ ສະ​ເຕ, ​ໄທ ​ແລະ ບັງ​ກລາ​ເທດ.

ສ່ວນ​ສະຖານະ​ການ ​ໃນ​ເອີຣົບນັ້ນ ຕົວເລກ ສະຖິຕິ​ ຜູ້​ຕິດ​ເຊື້ອ ​ເພີ່ມ​ຂຶ້ນ 31%, ແຕ່ຜູ້​​ເສຍ​ຊີວິດ ຫລຸດ​ລົງ 10%. ຂະນະ​ທີ່ ສ.ອາ​ເມ​ລິ​ກາ ມີ​ຜູ້​ຕິດ​ເຊື້ອ​ ຫລາຍ​ກວ່າ ​ວັນ​ລະ 1 ລ້ານ​ຄົນ ​ເປັນ​ປັ​ດ​ໄຈ​ ສໍາຄັນ ສົ່ງ​ຜົນ​ໃຫ້​ ຕົວເລກ ຜູ້​ຕິດ​ເຊື້ອລວມທົ່ວ​ໂລກ ​ເພີ່ມ​ຂຶ້ນ ​ແບບ​ກ້າວ​ກະ​ໂດດ.

ປັດຈຸບັນ ​ເຊື້ອ​ພະຍາດ​ ໂຄ​ວິດ-19 ສາຍ​ພັນ​ໂອ​ໄມ​ຄຣອນ ພວມ​ກ້າວ​ຂຶ້ນ​ມາ ​ແທນ​ທີ່ ສາຍ​ພັນ​ເດລຕາ ​ເກືອບທຸກ​ປະ​ເທດ ​ທົ່ວ​ໂລກ​ແລ້ວ ​ເຖິງແມ່ນ​ວ່າ ​ຜົນ​ການ​ສຶກສາ​ອອກ​ມາ​ຫລາຍ​ຂຶ້ນ​ວ່າ ​ເຊື້ອ​ໂອ​ໄມ​ຄຣອນ ສົ່ງ​ຜົນ​ໃຫ້​ເກີດ ​ອາການ​ເຈັບ​ ຮຸນ​ແຮງ​ ໜ້ອຍ​ລົງ​ກວ່າ​ ເຊື້ອສາຍ​ພັນ​ອື່ນ ​ແຕ່​ເຊື້ອ​ໂຕ​ນີ້ ຍັງ​ຄົງ​ເປັນ​ ອັດ​ຕະລາຍ ທາງ​ລະບາດ​ ວິທະຍາ ​ໂດຍ​ສະ​ເພາະ​ ຜູ້ທີ່​ຍັງ​ບໍ່​ໄດ້​ສັກ​ວັກ​ຊິນ ​ເຊິ່ງປັດຈຸບັນ​ ມີ​ຫລາຍ​ກວ່າ 90 ປະ​ເທດ ຍັງ​ສັກ​ວັກ​ຊິນ ​ໃຫ້​ປະຊາກອນ ​ບໍ່​ເຖິງ 40%./.

ຮຽບຮຽງ​ຂ່າວ​ໂດຍ ສະ​ໄຫວ ລາດ​ປາກ​ດີ

Related Posts

Leave a Reply

Your email address will not be published.