Sponsor by sokxay plus
ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%
ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ
ຫຼາຍປະເທດມີຜູ້ຕິດເຊື້ອເພີ່ມຂຶ້ນຢ່າງໄວວາ ໃນອາທິດນີ້ ສູງເຖິງ 15 ລ້ານຄົນ
ຕາມການຖະແຫຼງຂ່າວປະຈຳວັນຈາກຄະນະສະເພາະກິດ ເຊິ່ງລາຍງານໃນວັນທີ 16 ມັງກອນ 2022 ໂດຍ ທ່ານ ດຣ ລັດຕະນະໄຊ ເພັດສຸວັນ ໄດ້ລາຍງານໃຫ້ຮູ້ວ່າ:
ສະພາບການລະບາດຂອງພະຍາດໂຄວິດ-19 ຢູ່ເອີຣົບ ຍັງຄົງໜ້າເປັນຫ່ວງ ຜູ້ອຳນວຍການໃຫຍ່ອົງການອະນາໄມໂລກ ກ່າວວ່າ ການລະບາດຂອງສາຍພັນໂອໄມຄຣອນ ຢ່າງໄວວາ ໃນຫຼາຍປະເທດທົ່ວໂລກນັ້ນ
ເຮັດໃຫ້ຕົວເລກຜູ້ຕິດເຊື້ອ ໃນອາທິດນີ້ ສູງເຖິງ 15 ລ້ານຄົນ ເຊິ່ງເປັນຕົວເລກທີ່ສູງທີ່ສຸດ ນັບແຕ່ມີການລະບາດຂອງພະຍາດໂຄວິດ-19 ເປັນຕົ້ນມາ. ເຖິງວ່າ ສາຍພັນໂອໄມຄຣອນ ຈະມີອາການສະແດງອອກໜ້ອຍກວ່າ ສາຍພັນເດວຕ້າກໍ່ຕາມ ແຕ່ກໍ່ຍັງມີຄວາມອັນຕະລາຍ ໂດຍສະເພາະ ຜູ້ທີ່ຍັງບໍ່ທັນໄດ້ສັກວັກຊີນ.
ດັ່ງນັ້ນ, ການສັກວັກຊີນ ກໍ່ຍັງແມ່ນມາດຕະການປ້ອງກັນທີ່ດີທີ່ສຸດ ເພື່ອຮັບມື ກັບການລະບາດຂອງໂອໄມຄຣອນ ອົງການອະນາໄມໂລກ ຈຶ່ງຮຽກຮ້ອງໃຫ້ ຫຼາຍປະເທດ ສຸມໃສ່ການສັກວັກຊີນໃຫ້ແກ່ປະຊາຊົນຂອງຕົນເອງ
ເພື່ອສ້າງພູມຄຸ້ມກັນໃຫ້ແກ່ບຸກຄົນ ແລະ ປະເທດຂອງຕົນ, ການປະຕິບັດທັງໝົດນີ້ ກໍ່ແມ່ນເພື່ອຫຼຸດຜ່ອນອັດຕາການເຈັບເປັນ, ການເສຍຊີວິດ ເມື່ອມີການຕິດເຊື້ອເກີດຂຶ້ນ ພ້ອມດຽວກັນນັ້ນ ກໍ່ຊ່ວຍຫຼຸດຜ່ອນຜົນທະທົບ ທາງດ້ານລະບົບສາທາລະນະສຸກຂອງປະເທດຕື່ມອີກ.
