ແຈ້ງການອອກແລ້ວ ໃຫ້ຢຸດຕິການ ສົ່ງອອກຖ່ານດຳ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ແຈ້ງການອອກແລ້ວ ໃຫ້ຢຸດຕິການ ສົ່ງອອກຖ່ານດຳ

ໃນວັນທີ 17 ມັງກອນ 2022, ກະຊວງກະສິກຳ ແລະ ປ່າໄມ້ ໄດ້ອອກແຈ້ງການເຖິງບັນດາຫົວໜ້າພະແນກກະສິກໍາ ແລະ ປ່າໄມ້ ແຂວງ ແລະ ນະຄອນຫລວງວຽງຈັນ ກ່ຽວກັບໃຫ້ຢຸດຕິການອອກອະນຸຍາດເຄື່ອນຍ້າຍຖ່ານດໍາ ເພື່ອສົ່ງອອກຕ່າງປະເທດ ເນື່ອງຈາກມີການສວຍໂອກາດ ເກັບຊື້ຖ່ານ ດໍາທີ່ຜະລິດຈາກໄມ້ທຳມະຊາດ ແລະ ຈາກເຕົາເຜົາຖ່ານ ທີ່ບໍ່ໄດ້ຮັບອະນຸຍາດສ້າງຕັ້ງ ປະປົນໄປນຳເປັນຈຳນວນຫລວງຫລາຍ.

ກະຊວງກະສິກໍາ ແລະ ປ່າໄມ້ ໃຫ້ຮູ້ວ່າ: ໃນໄລຍະຜ່ານມາ, ຜ່ານການກວດກາຕົວຈິງ ເຫັນວ່າມີການສວຍໂອກາດ ເກັບຊື້ຖ່ານດໍາ ທີ່ຜະລິດຈາກໄມ້ທຳມະຊາດ, ຈາກເຕົາເຜົາຖ່ານ ທີ່ບໍ່ໄດ້ຮັບອະນຸຍາດສ້າງຕັ້ງ ປະປົນໄປນຳ ເປັນຈຳນວນຫລວງຫລາຍ ເຊິ່ງເປັນການທໍາລາຍປ່າໄມ້ທໍາມະຊາດຢ່າງໜັກໜ່ວງ.

ເພື່ອເປັນການແກ້ໄຂປະກົດການຫຍໍ້ທໍ້ດັ່ງກ່າວ, ກະຊວງກະສິກໍາ ແລະ ປ່າໄມ້ ຈຶ່ງແຈ້ງມາຍັງທ່ານປະຕິບັດດັ່ງນີ້: ໃຫ້ຢຸດຕິການອອກອະນຸຍາດ ເຄື່ອນຍ້າຍຖ່ານດໍາ ເພື່ອສົ່ງອອກໄປຕ່າງປະເທດ ຢ່າງເດັດຂາດ; ໃຫ້ດໍາເນີນການກວດກາ ແລະ ຂຶ້ນບັນຊີ ໂຮງງານຜະລິດຖ່ານ, ເຕົາເຜົາຖ່ານ ໃນຂອບເຂດແຂວງຂອງຕົນ.

ຖ້າມີການອະນຸຍາດສ້າງຕັ້ງ ແລະ ດຳເນີນກິດຈະການ ແຕ່ບໍ່ມີແຫລ່ງທີ່ມາຂອງວັດຖຸດິບທີ່ຈະແຈ້ງ ແລະ ຖືກຕ້ອງຕາມລະບຽບກົດໝາຍ ແມ່ນໃຫ້ໂຈະການຜະລິດ. ສໍາລັບໂຮງງານຜະລິດຖ່ານ, ເຕົາເຜົາຖ່ານ ທີ່ບໍ່ໄດ້ຮັບອະນຸຍາດສ້າງຕັ້ງ ແລະ ດໍາເນີນກິດຈະການ ແມ່ນໃຫ້ຍຸບເລີກ ພ້ອມທັງດໍາເນີນຄະດີຕາມກົດໝາຍ;

ສຳລັບຖ່ານຂາວ ທີ່ຜະລິດຈາກໄມ້ຕິ້ວ, ຖ່ານອັດແທ່ງ ຫລື ອັດເມັດຈາກຂີ້ເລື່ອຍ ແມ່ນສາມາດສົ່ງອອກໄດ້ ໂດຍປະຕິບັດໃຫ້ສອດຄ່ອງກັບຂໍ້ຕົກລົງ ສະບັບເລກທີ 0851/ອຄ, ລົງວັນທີ 14 ກັນຍາ 2021 (ມາດຕາ 1 ເອກະສານຊ້ອນທ້າຍ II, ຂໍ້ທີ 2.1 ແລະ 2.2) ບົນພື້ນຖານວັດຖຸດິບ (ໄມ້) ທີ່ນຳມາຜະລິດຖ່ານ ຕ້ອງໄດ້ຮັບອະນຸຍາດຕົວເລກແຜນການຂຸດຄົ້ນຈາກລັດຖະບານ.

ພ້ອມດຽວກັນນັ້ນ, ຜູ້ປະກອບການ ຫລື ບໍລິສັດທີ່ດຳເນີນທຸລະກິດຜະລິດ ແລະ ສົ່ງອອກຖ່ານຂາວ ຕ້ອງໄດ້ຮັບອະນຸ ຍາດສ້າງຕັ້ງ, ຈົດທະບຽນຖືກຕ້ອງຕາມລະບຽບກົດໝາຍ ແລະ ຕ້ອງມີແຜນຊຸກຍູ້ ແລະ

ສົ່ງເສີມການປູກໄມ້ຕິ້ວເພື່ອສະໜອງໃຫ້ແກ່ການຜະລິດຂອງຕົນຢ່າງຕໍ່ເນື່ອງ ລວມທັງມີການຄຸ້ມຄອງແຫລ່ງວັດຖຸດິບ ແລະ ການຄຸ້ມຄອງການສົ່ງອອກ ເພື່ອຫລີກລ້ຽງບໍ່ໃຫ້ມີການສວຍໂອກາດ ດໍາເນີນວຽກງານດັ່ງກ່າວ ທີ່ບໍ່ສອດ ຄ່ອງກັບລະບຽບກົດໝາຍທີ່ໄດ້ກໍານົດໄວ້. ມອບໃຫ້ກົມກວດກາປ່າໄມ້ ແລະ ກົມປ່າໄມ້ ສົມທົບກັບພາກ ສ່ວນທີ່ກ່ຽວຂ້ອງ ລົງຊຸກຍູ້, ຕິດຕາມ ການຈັດຕັ້ງປະຕິບັດແຈ້ງການສະບັບນີ້ ຢ່າງເຂັ້ມງວດ.

ຈາກ: ຂປລ

Related Posts

Leave a Reply

Your email address will not be published.