Sponsor by sokxay plus
ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%
ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ
ນຳ້ຕົກຕາດກວາງຊີ ຫຼັງເປີດທ່ອງທ່ຽວສີຂຽວ ເດືອນດຽວ ຍອດເຂົ້າຊົມສູງເຖິງ 22,852 ຄົນ
ໃນວັນທີ 5 ກຸມພາ 2022 ທ່ານ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສະພາແຫ່ງຊາດລາວ ພ້ອມດ້ວຍສະມາຊິກສະພາແຫ່ງຊາດ (ສສຊ), ທ່ານ ວົງສະຫວັນ ເທບພະຈັນ ຮອງເລຂາພັກແຂວງ ປະທານສະພາປະຊາຊົນແຂວງຫຼວງພະບາງ ພ້ອມດ້ວຍສະມາຊິກສະພາແຂວງ ໄດ້ເດີນທາງໄປຢ້ຽມຊົມ ແຫຼ່ງທ່ອງທ່ຽວທໍາມະຊາດ ຕາດກວາງຊີ ແຂວງຫຼວງພະບາງ.
ແຂວງຫຼວງພະບາງ ໄດ້ຖືກບັນຈຸເຂົ້າໃນແຜນເຂດທ່ອງທ່ຽວສີຂຽວ ເພື່ອການທ່ອງທ່ຽວທີ່ປອດໄພ ຈາກພະຍາດໂຄວິດ-19 ໃນ ສ ປ ປ ລາວ (Green Travel Zone) 1 ໃນ 3 ເຂດ ຂອງໄລຍະທໍາອິດ ແລະໄດ້ເປັນເອກະພາບກຳນົດເອົາເຂດການທ່ອງທ່ຽວສີຂຽວຂອງແຂວງ ຕາມເງື່ອນໄຂທີ່ກຳນົດໄວ້ໃນແຜນ ຄື: ນະຄອນ ຫຼວງພະບາງ, ເມືອງຈອມເພັດ, ເມືອງປາກອູ ແລະ ເມືອງງອຍ.
ແຫຼ່ງທ່ອງທ່ຽວນຳ້ຕົກຕາງກວາງຊີ ໄດ້ຮັບການພັດທະນາ, ປັບປຸງດີຂຶ້ນເປັນຕົ້ນແມ່ນ: ເສັ້ນທາງຍ່າງ, ຫ້ອງນຳ້ສາທາລະນະ ໄດ້ຮັບການສ້າງຂື້ນ ມີທັງໝົດ 3 ຈຸດ ໂດຍແມ່ນທືນຂອງໂຄງການພັດທະນາໂຄງລ່າງພື້ນຖານ ເພື່ອສົ່ງເສີມການທ່ອງທ່ຽວ; ນອກນັ້ນ, ຍັງມີປ້າຍຊີ້ບອກ, ຕູບນັ່ງຜັກຜ່ອນ, ຂົວ, ຊານແລ້ງ, ຮາວກັນຕົກ ແລະອື່ນໆ.
ໃນເດືອນມັງກອນ ຜ່ານມາ ມີປະມານ 22,852 ຄົນ, ໃນນີ້ ນັກທ່ອງທ່ຽວສາກົນ 21,558 ຄົນ.
ນອກຈາກ, ທ່ານ ໄຊສົມພອນ ພົມວິຫານ ພ້ອມດ້ວຍຄະນະ ແລະ ການນໍາຂອງແຂວງຫຼວງພະບາງ ໄດ້ມາທ່ຽວຊົມ ແຫຼ່ງທ່ອງທ່ຽວຕາດກວາງຊີແລ້ວ ກໍໄດ້ໄປທ່ຽວຊົມ ແຫຼ່ງທ່ອງທ່ຽວຕາດຮ້ອຍຄົວ ເມືອງຈອມເພັດ ຕື່ມອີກ.
ຂ່າວ: ເພັດສາຄອນ ສິມມະວົງ
