ແຊ໌ຣໄວ້..!! ຂັ້ນຕອນການເດີນທາງເຂົ້າ-ອອກ ສປປ ລາວ ໃນໄລຍະນີ້

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ສັງຄົມໄດ້ຖາມເຂົ້າມາທາງສາຍດ່ວນ ກ່ຽວກັບຂັ້ນຕອນການເດີນທາງເຂົ້າ-ອອກ ສປປ ລາວ ໃນໄລຍະນີ້

ທ່ານ ດຣ. ນາງ ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຊີ້ແຈງໃນວັນທີ 1 ມີນານີ້ວ່າ:

ຕໍ່ບັນຫານີ້ ແມ່ນໃຫ້ປະຕິບັດຕາມແຈ້ງການຂອງ ຫສນຍ ສະບັບເລກທີ 130/ຫສນຍ ລົງວັນທີ 3 ກຸມພາ 2022 ເປັນ ຕົ້ນ ຜູ້ຈະເດີນທາງເຂົ້າມາ:

ຕ້ອງມີໃບຢັ້ງຢືນກວດຫາເຊື້ອພະຍາດໂຄວິດ-19 ໃນ 48 ຊົ່ວໂມງກ່ອນເດີນທາງຮອດ ສປປ ລາວ,

ຕ້ອງມີບັດສັກວັກຊິນຄົບໂດສ,

ມີໃບຢັ້ງຢືນການຈອງສະຖານທີ່ຈໍາກັດບໍລິເວນທີ່ຄະນະສະເພາະກິດ ກໍານົດໄວ້ໃນໄລຍະລໍຖ້າຜົນກວດ,

ສໍາລັບພົນລະເມືອງລາວ:

  • ໃຫ້ລົງທະບຽນຢູ່ສະຖານທູດ ຫລື ສະຖານກົງສູນ ໃຫ່ຍແຫ່ງ ສປປ ລາວ ໃນປະເທດທີ່ຕົນເອງອາໄສຢູ່,
  • ຕ້ອງເຮັດຫນັງສືສະເຫນີຂໍເຂົ້າປະເທດເຖິງ ຄະນະສະເພາະກິດກະຊວງການຕ່າງປະເທດ (ກົມກົງສູນ ຢູ່ ສປປ ລາວ) ລ່ວງຫນ້າຢ່າງຫນ້ອຍ 7 ວັນລັດຖະການກ່ອນມື້ຈະເດີນທາງເຂົ້າ ສປປ ລາວ,

ສໍາລັບຄົນຕ່າງປະເທດ ທີ່ຍັງບໍ່ທັນມີວີຊ່າເຂົ້າສປປ ລາວ:

  1. ພາຍຫລັງໄດ້ຮັບອະນຸຍາດ ປະເພດວີຊ່າຈາກກົມກົງສູນກະຊວງການຕ່າງປະເທດຈຶ່ງສາມາດຍື່ນຂໍວີຊ່າທີ່ສະຖານເອກອັກຄະລັດຖະທູດ ຫລື ສະຖານກົງສູນໃຫຍ່ແຫ່ງສປປ ລາວ ຢູ່ປະເທດຕົ້ນທາງ,

2. ຕ້ອງມີປະກັນໄພ ໂຄວິດ-19 ຫລື ມາຊື້ຢູ່ປາຍທາງ ພາຍຫລັງເດີນທາງມາຮອດ ສປປ ລາວ

ສ່ວນຜູ້ຈະເດີນທາງອອກຈາກ ສປປ ລາວ:

– ຕ້ອງມີໃບກວດຫາເຊື້ອພະຍາດໂຄວິດ-19 ດ້ວຍ RT-PCR (ພາຍໃນ 48 ຊົ່ວໂມງກ່ອນເດີນທາງ) ໂດຍທ່ານສາມາດໄປກວດໄດ້ຢູ່ສູນວິເຄາະ ແລະ ລະບາດວິທະຍາ ຫລັກ 3 ເມືອງສີສັດຕະນາກ ນະຄອນຫລວງວຽງຈັນ ທຸກວັນຈັນ-ອາທິດ,

– ພົນລະເມືອງລາວ ແລະ ຄົນຕ່າງປະເທດທີ່ມີຈຸດປະສົງ ຢາກເດີນທາງອອກ ສປປ ລາວ ຕ້ອງໄດ້ສະເຫນີຜ່ານສະຖານທູດຂອງປະເທດປາຍທາງຢູ່ ສປປ ລາວ,

-ຕ້ອງໄດ້ປະຕິບັດຕາມລະບຽບກົດຫມາຍ ແລະ ມາດຕະການຂອງປະເທດປາຍ ທາງ ເຊິ່ງສາມາດເບິ່ງລາຍລະອຽດ ເວັບ ໄຊທາງການຂອງກະຊວງການຕ່າງປະເທດ ທີ່ມີທັງສະບັບພາສາລາວ ແລະ ພາສາອັງກິດ.

ຂໍ້ມູນ ລາວພັດທະນ

Related Posts

Leave a Reply

Your email address will not be published.