ສປຊ ເຕືອນ ໂລກຮ້ອນສາຍເກີນແກ້ ເຫຼືອພຽງໂອກາດຫຼຸດຄວາມຮຸນແຮງລົງ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ສປຊ ເຕືອນ ໂລກຮ້ອນສາຍເກີນແກ້ ເຫຼືອພຽງໂອກາດຫຼຸດຄວາມຮຸນແຮງລົງ

ສຳນັກຂ່າວ BBC ລາຍງານວ່າ ອົງການສະຫະປະຊາຊາດ (ສປຊ) ໄດ້ອອກມາເຕືອນປະຊາຄົມໂລກກ່ຽວກັບການປ່ຽນແປງດິນຟ້າອາກາດ ຫຼື ພາວະໂລກຮ້ອນວ່າ ການປ່ຽນແປງຫຼາຍຢ່າງນັ້ນ ສາຍເກີນໄປທີ່ຈະແກ້ໄຂໃຫ້ກັບສູ່ສະພາບປົກກະຕິແລ້ວ ແຕ່ຍັງພໍມີເວລາ ໃຫ້ມະນຸດຊາດປັບປ່ຽນພຶດຕິກຳ ເພື່ອຫຼຸດຄວາມຮຸນແຮງລົງໄດ້.

ຄະນະກຳມະການ ວ່າດ້ວຍການປ່ຽນແປງດິນຟ້າອາກາດ (IPCC) ໄດ້ເປີດເຜີຍບົດລາຍງານກ່ຽວກັບການປ່ຽນແປງດິນຟ້າອາກາດໂລກສະບັບຫຼ້າສຸດລະບຸວ່າ: ມະນຸດຊາດຖືກຍູ້ດັນຕ້ອງປັບໂຕຂະໜາດໃຫຍ່ ໂດຍກຸ່ມທີ່ມີຄວາມສ່ຽງສູງນັ້ນ ກວມເອົາ 40% ຂອງໂລກ.

ແນວໃດກໍຕາມ ນັກວິທະຍາສາດປະເມີນວ່າ ຫາກປະຊາຄົມໂລກຮ່ວມແຮງຮ່ວມໃຈກັນ ບໍ່ໃຫ້ຄ່າສະເລ່ຍຂອງອຸນຫະພູມໂລກເພີ່ມຂຶ້ນເກີນ 1,5 ອົງສາ ກໍສາມາດຫຼຸດຄວາມສູນເສຍລົງໄດ້.

ສາດສະດາຈານ ດຣ. ເດບຣາ ໂຣເບີດ ໜຶ່ງໃນທີມງານ ສຶກສາຄັ້ງນີ້ ເປີດເຜີຍວ່າ: ພາວະໂລກຮ້ອນຈະເຮັດໃຫ້ຜູ້ຄົນສູນເສຍພູມລຳເນົາຂອງຕົນ ຫຼື ແມ່ນແຕ່ບ່ອນທີ່ກຳລັງເຮັດວຽກ ແລະ ໃຊ້ຊີວິດຢູ່ ຕະຫຼອດຮອດສະພາບແວດລ້ອມ, ລະບົບນິເວດ ແລະ ສັດປະເພດຕ່າງໆ ອາດຈະສູນຫາຍໄປ.

ພ້ອມເຕືອນວ່າ ຊ່ວງເວລາຕໍ່ຈາກນີ້ໄປ ຈະຕ້ອງລົງມືແກ້ໄຂ ຫາກມະນຸດຊາດຍັງຕ້ອງການຮັກສາລະບົບນິເວດໄວ້.

ບົດລາຍງານດັ່ງກ່າວ ຍັງລະບຸວ່າ: ການປ່ຽນແປງດິນຟ້າອາກາດ ໄດ້ສົ່ງຜົນກະທົບຢ່າງໜັກຕໍ່ມະນຸດຊາດ ເຊັ່ນ: ກໍ່ໃຫ້ເກີດຝົນຕົກໜັກມີນ້ຳຖ້ວມຊຸແຮງ, ໄພແຫ້ງແລ້ງ ແລະ ຄື້ນຄວາມຮ້ອນ ມີຄວາມຮຸນແຮງຫຼາຍກວ່າທີ່ນັກວິທະຍາສາດຄາດການໄວ້

ໂດຍມີຫຼາຍພື້ນທີ່ເກີດການປ່ຽນແປງເກີນກວ່າຄວາມສາມາດຂອງມະນຸດຈະປັບຕົວໄດ້. ພ້ອມເຕືອນວ່າ ປັດຈຸບັນມີຄວາມຮຸນແຮງຢູ່ແລ້ວ ແຕ່ໃນອະນາຄົດຈະເພີ່ມຄວາມຮຸນແຮງຂຶ້ນ ຫຼື ບໍ່ ຂຶ້ນກັບມະນຸດເປັນຜູ້ກຳນົດ.

ບົດລາຍງານຍັງລະບຸວ່າ: ຈາກຜົນການສຶກສາພົບວ່າ ໃນຊ່ວງປີ 2010-2020 ມີຜູເສຍຊີວິດຈາກນ້ຳຖ້ວມ, ໄພແຫ້ງແລ້ງ ແລະ ພາຍຸ ເພີ່ມຂຶ້ນ 15 ເທົ່າ ເຊິ່ງສ່ວນໃຫຍ່ຢູ່ທະວີບອາຟຣິກກາ, ອາຊີໃຕ້, ອາເມຣິກາກາງ ແລະ ອາເມຣິກາລາຕິນ.

Related Posts

Leave a Reply

Your email address will not be published. Required fields are marked *