ປູຕິນ ເຕືອນ ປະເທດທີ່ກໍານົດເຂດຫ້າມບິນໃນຍູເຄຣນ ຖືເປັນ “ການມີສ່ວນຮ່ວມໃນຄວາມຂັດເເຍງທາງທະຫານ”

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


🛑_ ປູຕິນ ເຕືອນ ປະເທດທີ່ກໍານົດເຂດຫ້າມບິນໃນຍູເຄຣນ ຖືເປັນ “ການມີສ່ວນຮ່ວມໃນຄວາມຂັດເເຍງທາງທະຫານ”

ປະທານປະເທດ ປູຕີນ ຂອງລັດເຊຍ ເຕືອນວ່າເຂົາຈະພິຈາລະນາປະເທດຕ່າງໆ ທີ່ກໍານົດການບິນໃນ ຍູເຄຣນວ່າເປັນການເຂົ້າຮ່ວມເຫດການຂັດເເຍ້ງໃນວິກິດ ຍູເຄຣນ-ລັດເຊຍ

“ເຮົາພິຈາລະນາທັນທີ່ວ່າພວກເຂົາເປັນຜູ້ມີສ່ວນຮ່ວມໃນຄວາມຂັດເເຍງທາງທະຫານ ເເລະ ບໍ່ສໍາຄັນວ່າປະເທດເຫຼົ່ານັ້ນຈະເປັນສາມະຊິກອົງການໃດກໍຕາມ” ປູຕິນ ໄດ້ກ່າວ ໃນການປະຊຸມກັບລູກເຮືອຂອງສາຍການບິນເເຫ່ງຊາດຂອງລັດເຊຍ ໃນວັນທີ 5 ມີນາ 22 ທີ່ຜ່ານມາ

ເເລະ ທ່ານ ປູຕິນ ກໍໄດ້ກ່າວເສີມອີກວ່າ “ມັນເປັນໄປບໍ່ໄດ້ທີ່ຈະກໍານົດເຂດຫ້າມບິນໃນເຂດຂອງ ຍູເຄຣນ ມັນເປັນໄປໄດ້ສະເພາະຈາກດິນເເດນຂອງປະເທດເພື່ອນບ້ານຂອງບາງປະເທດເທົ່ານັ້ນເເຕ່ການເຄື່ອນໄຫວໃດກໍຄາມໃນທິດທາງນີ້ ຈະຖືກພິຈາລະນາໂດຍເຮົາຈະຖືວ່າເປັນການເຂົ້າຄວາມໃນຄວາມຂັດເເຍງທາງທະຫານ”

ເຂົາຍັງເຕືອນອີກດ້ວຍວ່າ ການກໍາໜົດເຂດຫ້າມບິນ ຈະເກີດຜົນຮ້າຍເເຮງຕາມມາ ບໍ່ພຽງເເຕ່ປະເທດໃນ ເອີຣົບ ເທົ່ານັ້ນ ເເຕ່ຍັງລວມໄປເຖິງທົ່ວໂລກອີກດ້ວຍ.

ກ່ອນໜ້ານີ້ ປະທານປະເທດ ໂວໂລດິມາຣ໌ ເຊເລນສ໌ກີ (Volodymyr Zelensky) ຂອງ ຍູເຄຣນ ໄດ້ຮ້ອງຂໍໃຫ້ອົງການສົນທິສັນຍາ ແອດແລນຕິກເໜືອ (NATO) ເເລະ ຊາດຕະເວັນຕົກກໍານົດເຂດຫ້າມບິນໃນເຂດນ່ານຟ້າເໜືອຂອງ ຍູເຄຣນ.

ເເຕ່ ເຢນສ໌ ສະໂຕຣເທັນເບີກຄ໌ (Jens Stoltenberg) ເລຂາທິການ NATO ຢືນຢັນເມື່ອວັນທີ 4 ມີນາ 2022 ທີ່ຜ່ານມາວ່າເຂດຫ້າມບິນບໍ່ເເມ່ນຕົວເລືອກທີ່ NATO ກໍາລົງພິຈາລະນາຢູ່.

ເຊັ່ນດຽວກັນກັບ ເເອ່ນໂທນີ່ (Antony Blinken) ລັດຖະມົນຕີການຕ່າງປະເທດຂອງ ສະຫະລັດອາເມຣິກາ ທີ່ກ່່າວໃນວັນດຽວກັນວ່າ ການຈັດຕັ້ງເຂດຫ້າມບິນໃນຍູເຄຣນໂດຍສະຫະລັດ ເເລະ ພັນທະມິດ NATO ນັ້ນອາດນໍາໄປສູ່ ສົງຄາມເເບບເຕັ່ມຮູບເເບບ ເເລະ ທ່ານ Antony Blinken ໄດ້ກ່າວເສີມອີກວ່າ ສະຫະລັດຈະເຮັດວຽກກັບພັນທະມິດເພື່ອຊ່ວຍໃຫ້ຍູເຄຣນສາມາດປ້ອງກັນຕົນເອງຈາກການຖືກລັດເຊຍຮຸກຮານ.

ທັ້ງນີ້ໃນບໍລິບົດທາງການທະຫານນັ້ນ ເຂດຫ້າມບິນຖືກອອກເເບບມາເພື່ອທີ່ຈະຫຍຸດເຄື່ອງບິນ ບິນເຂົ້ານ່ານຟ້າເຂດຫ່ວງຫ້າມ ເຊິ່ງປົກກະຕິຈະມີຈຸດປະສົງເພື່ອປ້ອງກັນການໂຈມຕີ ຫຼື ການເເຊກຊ້ອນ ເຊິ່ງຈະຕ້ອງບັງຄັບໃຊ້ດ້ວຍວິທີການທະຫານເທົ່ານັ້ນ.

ເຊິ່ງຫາກ NATO ກໍານົດເຂດຫ້າມບິນໃນນ່ານຟ້າຂອງ ຍູເຄຣນ ນັ້ນຈະໝາຍຄວາມວ່າກອງກໍາລັງ NATO ຈະເຂົ້າສູ້ຮົບໂດຍກົງກັບເຄື່ອງບິນລັດເຊຍທີ່ກວດພົບໃນເຂດນ່ານຟ້ານັ້ນ ເເລະ ສາມາດຍິງໃສ່ໄດ້ຫາກຈໍາເປັນ.

ທີ່ມາຂໍ້ມູນ:
1.THE STANDARD

Related Posts

Leave a Reply

Your email address will not be published. Required fields are marked *