ທຳລາຍ ຈານດາວທຽມທີ່ລັກລອບນຳເຂົ້າຫຼາຍກ່ວາ 6.000 ກ່ວາລາຍການມູນຄ່າຫຼາຍເກີຶອບ 300 ລ້ານກີບ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


🔥🔥ພະແນກອຸດສາຫະກຳ ແລະ ການຄ້ານະຄອນຫຼວງ (ອຄ.ນວ) ໄດ້ຈັດພິທີທໍາລາຍ ອຸປະກອນຮັບສັນຍານ, ຈານດາວທຽວ ທີ່ນໍາເຂົ້າບໍ່ຖືກລະບຽບກົດໝາຍ ຈໍານວນ 4 ໝວດໃຫຍ່ ຫຼາຍກວ່າ 6.000 ລາຍການ ມູນຄ່າ ເກືອບ 300 ລ້ານກີບ.

ພິທີທໍາລາຍ ມີຂຶ້ນວັນທີ 10 ມີນາ 2022 ທີ່ສະໜາມບຳບັດຂີ້ເຫຍື້ອຫຼັກ 32 ບ້ານນາຜາສຸກ ເມືອງ ໄຊທານີ ນະຄອນຫຼວງວຽງຈັນ ໂດຍມີການນໍາພະແນກອຸດສາຫະກຳ ແລະ ການຄ້ານະຄອນຫຼວງ ພ້ອມພາກສ່ວນກ່ຽວຂ້ອງເຂົ້າຮ່ວມ.

ການທຳລາຍສິນຄ້າດາວທຽມຈຳນວນດັ່ງກ່າວສືບເນື່ອງມາຈາກພະແນກອຸດສາຫະກຳ ແລະ ການຄ້ານະຄອນຫຼວງ ສົມທົບກັບຕໍາຫຼວດປ້ອງກັນເສດຖະກິດນະຄອນຫຼວງວຽງຈັນ ແລະ ບໍລິດາວທຽມລາວ ເອເຊຍປາຊີຟີກ ຈໍາກັດ

ລົງກວດກາສິນຄ້າປະເພດຈານດາວທຽມ ແລະ ເຄື່ອງຮັບສັນຍານໂທລະພາບທີ່ນໍາເຂົ້າ ແລະ ຈໍາໜ່າຍບໍ່ຖືກຕ້ອງຕາມກົດໝາຍ ຕາມເປົ້າໝາຍຢູ່ສາງ ບ້ານ ໂພນຄໍາ, ເມືອງ ສີໂຄດຕະບອງ,ນະຄອນຫຼວງວຽງຈັນ.

ການກວດກາຄັ້ງນີ້ ສາມາດພົບເຫັນສິນຄ້າທີ່ລະເມີດ ຕໍ່ແຈ້ງການສະບັບເລກທີ 1989/ຫສນຍ.ກຄສ ລົງວັນທີ 14 ທັນວາ 2017 ເຊິ່ງເປັນການນໍາເຂົ້າ ແລະ ຈໍາໜ່າຍໂດຍບໍ່ໄດ້ຮັບອະນຸຍາດຈາກຂະແໜງການກ່ຽວຂ້ອງ, ສິນຄ້າບໍ່ໄດ້ເສຍພາສີ, ບໍ່ໄດ້ມາດຕະຖານ ເຊິ່ງສິນຄ້າດັ່ງກ່າວມີມູນຄ່າທັງໝົດ 292,2 ລ້ານກີບ ມີລາຍລະອຽດດັ່ງນີ້: ເຄື່ອງຮັບສັນຍານ ຈໍານວນ 879 ເຄື່ອງ, ຫົວດູດສັນຍານ ຈໍານວນ 320 ເຄື່ອງ, ລີໂມດ 5 ພັນອັນ, ຂາຕັ້ງຈານ 8 ຂາ.

ຫຼັງຈາກນັ້ນ ພະແນກອຸດສາຫະກຳ ແລະ ການຄ້ານະຄອນຫຼວງ ໄດ້ອອກຂໍ້ຕົກລົງວ່າດ້ວຍການຮີບ ແລະ ທໍາລາຍສິນຄ້ານອກລະບົບສະບັບເລກທີ 0333/ອຄ.ນວ.ຄພນ ລົງວັນທີ 25 ກຸມພາ 2022 ພ້ອມທັງຈັດພິທີທໍາລາຍ ຢູ່ສະຖານີບຳບັດຂີ້ເຫຍື້ອ ຫຼັກ 32 ບ້ານ ນາຜາສຸກ ເມືອງ ໄຊທານີ ນະຄອນຫຼວງວຽງຈັນ

ໃນພິທີທຳລາຍສິນຄ້າ ທ່ານ ນັນຕາ ສານຸວົງ ຮອງຫົວໜ້າພະແນກອຸດສາຫະກຳ ແລະ ການຄ້ານະຄອນຫຼວງ ໄດ້ຮຽກຮ້ອງຜູ້ໃຫ້ປະກອບການຫັນມາເຂົ້າສູ່ລະບຽບ ກົດໝາຍເພື່ອບໍ່ໃຫ້ເສຍເງິນ ໃນການນໍາເຂົ້າ ແລະ ຈໍາໜ່າຍສິນຄ້າຜິດລະບຽບ, ພ້ອມນັ້ນ ໃນການດໍາເນີນທຸລະກິດຕ້ອງມີໃບອະນຸຍາດ,

ການນໍາສິນຄ້າຈໍາໜ່າຍຕ້ອງໄດ້ຮັບອະນຸຍາດຈາກພາກສ່ວນກ່ຽວຂ້ອງ, ຜູ້ຊົມໃຊ້ ກໍໃຫ້ເລືອກຊື້ສິນຄ້າທີ່ດີມີຄຸນນະພາບ, ສ່ວນແຜນການຕໍ່ໜ້າພະແນກອຸດສາຫະກຳ ແລະ ການຄ້າ ນະຄອນຫຼວງຈະໄດ້ສືບຕໍ່ສົມທົບກັບທຸກຂະແໜງການ ລົງກວດກາຕິດຕາມການນໍາເຂົ້າ ແລະ ຈໍາໜ່າຍສິນຄ້າປະເພດຈານດາວທຽມ ແລະ ເຄື່ອງຮັບສັນຍານໂທລະພາບທີ່ນໍາເຂົ້າ ແລະ ຈໍາໜ່າຍບໍ່ຖືກຕ້ອງຕາມລະບຽບ.

ທ່ານ ທອງດໍາ ຄໍາພາພັນ ຮອງພະແນກ ໂທລະພາບ ບໍລິສັດ ດາວທຽມລາວເອເຊຍ ປາຊີຟີກ ຈໍາກັດ ຕາງໜ້າບໍລິສັດກ່າວວ່າ: ປັດຈຸບັນ ລູກຄ້າທີ່ໃຊ້ ບໍລິການຂອງລາວແຊັດ ມີ 2 ແສນກວ່າ ຢູເຊີ້,

ເຊິ່ງຂໍເຊີນ ຊວນພໍ່ແມ່ປະຊາຊົນລາວເຮົາ ເຊິ່ງປັດຈຸບັນມີກ່ອງຮັບສັນຍານຖືກຕ້ອງຕາມລະບຽບກົດໝາຍ ນັ້ນກໍ່ຄື ກ່ອງຮັບສັນຍານດາວທຽມໂທລະພາບ ລາວແຊັດ ເປັນການສົ່ງເສີມຜະລິດຕະພັນລາວໃຫ້ມີຄວາມເຂັ້ມແຂງ.

ທີ່ມາຂໍ້ມູນ ເເລະ ຮູບພາບ: ຂ່າວເສດຖະກິດ-ການຄ້າ Lao Economic Dail

Related Posts

Leave a Reply

Your email address will not be published. Required fields are marked *