ຜູ້ອຳນວຍການ ຟູດແພນດ້າ ປະກາດເພີ່ມລາຍໄດ້ໃຫ້ກັບໄຣເດີ້ ສູງເຖີງ 30%

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ຜູ້ອຳນວຍການ ຟູດແພນດ້າ ປະກາດເພີ່ມລາຍໄດ້ໃຫ້ກັບໄຣເດີ້ ສູງເຖີງ 30%

ທີ່ຜ່ານມາເຊື່ອວ່າຫຼາຍຄົນອຸກໃຈເລື່ອງລາຄານໍ້າມັນຂຶ້ນຢ່າງຕໍ່ເນື່ອງ ເຊັ່ນດຽວກັນກັບ ລາຄາຂອງເຄື່ອງອຸປະໂພກ-ບໍລິໂພກໃນທ້ອງຕະຫລາດ ກໍ່ໄດ້ເພີ່ມຂຶ້ນເຊັ່ນດຽວກັນ. ດ້ວຍສະຖານະການດັ່ງກ່າວ ເຮັດໃຫ້ຫຼາຍພາກສ່ວນໄດ້ຮັບຜົນກະທົບ ເຊັ່ນດຽວກັນ ພະນັກງານ ໄຣເດີ້ຂອງຟູດແພນດ້າ ທີ່ຕ້ອງໃຊ້ພາຫະນະໃນການສົ່ງອາຫານ ແລະ ສິນຄ້າ ຈາກຮ້ານອາຫານ ໃຫ້ ກັບລູກຄ້າ.

ດ້ວຍເຫດນັ້ນ, ວັນທີ 11 ມີນາ ບໍລິສັດ ຟູດແພນດ້າ ໄດ້ປະກາດເພີ່ມລາຍໄດ້ໃຫ້ກັບໄຣເດີ້ ສູງສຸດ 30% ທົ່ວປະເທດ ເພື່ອຮັບມືກັບການເພີ່ມຂຶ້ນຂອງລາຄານໍ້າມັນ ແລະ ສິນຄ້າຕ່າງໆ.

ທ່ານນາງ ທັນຍາລັດ ຈະເລີນສຸກ, ຜູ້ອຳນວຍການ ບໍລິສັດ ເດລີເວີຣີ ຮີໂຣ່ ລາວ ຈຳກັດຜູ້ດຽວ ໄດ້ໃຫ້ຄຳສຳພາດແກ່ນັກຂ່າວວ່າ: “ ພວກເຮົາໄດ້ມີການຕິດຕາມການປ່ຽນແປງຂອງສະພາບເສດຖະກິດ ແລະ ຮັບຟັງຄວາມຄິດເຫັນຈາກອ້າຍນ້ອງໄຣເດີ້ ຢ່າງໃກ້ຊິດ.

ໃນມື້ນີ້, ຄິດວ່າທຸກຄົນກະເຫັນນຳກັນແລ້ວວ່າ ລາຄານໍ້າມັນ ມີການເພີ່ມຂຶ້ນ ຢ່າງຕໍ່ເນື່ອງ ແລະ ດ້ວຍວິໄສທັດຂອງທຸລະກິດຂອງພວກເຮົາຄືການອຳນວຍຄວາມສະດວກສົ່ງອາຫານ&ເຄື່ອງໃຊ້ໃຫ້ກັບ ລູກຄ້າ ແລະ ໄຣເດີ້ເອງເປັນສ່ວນໜຶ່ງທີ່ສຳຄັນໃນການສົ່ງຕໍ່ອາຫານໃຫ້ກັບລູກຄ້າ.

ສະນັ້ນ, ບໍລິສັດຟູດແພນດ້າໄດ້ພິຈາລະນາ ແລະ ຕັດສິນໃຈເພີ່ມລາຍໄດ້ໃຫ້ກັບໄຣເດີ້ ສູງສຸດ 30% ເພື່ອຮັບມືກັບສະພາບເສດຖະກິດປະຈຸບັນການເພີ່ມລາຍໄດ້ໃຫ້ແກ່ໄຣເດີ້ໃນຄັ້ງນີ້ ແມ່ນຈະເລີ່ມຢູ່ນະຄອນຫລວງວຽງຈັນກ່ອນແລະ ສຳລັບໄຣເດີ້ຢູ່ແຂວງອື່ນໆແມ່ນຈະໄດ້ຮັບການປ່ຽນແປງໄວໆນີ້.”

ທ່ານ ທັນຍາລັດ ຍັງໄດ້ກ່າວຕື່ມວ່າ “ ທີ່ຜ່ານມາ ຟູດແພນດ້າ ບໍ່ເຄີຍເມີນເສີຍຕໍ່ກັບຄຳຄິດເຫັນຂອງໄຣເດີ້, ຄູ່ຮ່ວມທຸລະກິດ(ຮ້ານອາຫານ & ຮ້ານຄ້າ) ແລະ ລູກຄ້າ.

ທີມງານພວກເຮົາເຮັດວຽກໜັກຢ່າງເຕັມທີ່ ແລະ ພັດທະນາລະບົບຢ່າງຕໍ່ເນື່ອງ ເພື່ອມອບປະສົບການທີ່ດີໃຫ້ກັບທຸກຝ່າຍ ແລະ ທີ່ສຳຄັນ ພວກເຮົາພະຍາຍາມສ້າງໂອກາດທາງດ້ານອາຊີບໃຫ້ກັບລາວທຸກຄົນໄດ້ເຂົ້າເຖີງງ່າຍທີ່ສຸດ ຜ່ານລະບົບທີ່ຮັດກຸມ ແລະ ຄ່າແຮງງານທີ່ສົມເຫດສົມຜົນໃນຂະແໜງ e-commerce ‘’.

ຖືໄດ້ວ່າ ເປັນບໍລິສັດໜຶ່ງທີ່ເລັງເຫັນຄວາມສຳຄັນເຖີງຄວາມຫຍຸ້ງຍາກຂອງການເຮັດວຽກຂອງໄຣເດີ້ ແລະ ໄດ້ນຳໄປປັບປຸງແກ້ໄຂໃຫ້ແທດເໝາະກັບສະພາບເສດຖະກິດ.

ສຳລັບຄົນທີ່ຕ້ອງການສະໝັກເປັນພະນັກງານໄຣເດີ້ຂອງຟູດແພນດ້າ ສາມາດຕິດຕໍ່ສອບຖາມ 020 76348395 ຫຼື ລົງທະບຽນໄດ້ຕາມລິ້ງນີ້ https://rider.foodpanda.la/

Related Posts

Leave a Reply

Your email address will not be published. Required fields are marked *