ລັດຖະບານກຳປູເຈຍ ມອບລົດຂົນສົ່ງວັກຊິນ ໃຫ້ ສປປ ລາວ ນໍາໃຊ້ເຂົ້າໃນວຽກປ້ອງກັນ ແລະ ຕ້ານພະຍາດໂຄວິດ-19

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ລັດຖະບານກຳປູເຈຍ ມອບລົດຂົນສົ່ງວັກຊິນ ໃຫ້ ສປປ ລາວ ນໍາໃຊ້ເຂົ້າໃນວຽກປ້ອງກັນ ແລະ ຕ້ານພະຍາດໂຄວິດ-19

ຂປລ. ໃນຕອນເຊົ້າວັນທີ 12 ມີນາ 2022 ນີ້, ຢູ່ດ່ານສາກົນ ໜອງນົກຂຽນ-ຕຣາປຽງກຣຽນ ໄດ້ມີພິທີມອບ-ຮັບ ລົດຂົນສົ່ງວັກຊິນ ຈໍານວນ 10 ຄັນ

ຈາກລັດຖະ ບານ ແລະ ປະຊາຊົນ ແຫ່ງ ຣາຊະອານາຈັກກໍາປູເຈຍ ໃຫ້ແກ່ລັດຖະບານ ແລະ ປະ ຊາຊົນ ແຫ່ງ ສປປ ລາວ, ເຊິ່ງເປັນຈໍານວນທີ່ເພີ່ມຕື່ມ ຈາກທີ່ໄດ້ມອບໃຫ້ແກ່ ສປປ ລາວ ແລ້ວ ຈໍານວນ 3 ຄັນ ລວມເປັນ 13 ຄັນ

ເຊິ່ງການຊ່ວຍເຫລືອດັ່ງກ່າວ ເປັນການຜັນຂະຫຍາຍຜົນການຢ້ຽມຢາມ ຣາຊະອານາຈັກ ກໍາປູເຈຍ ຢ່າງເປັນທາງການ ຂອງ ທ່ານ ພັນຄໍາ ວິພາວັນ ນາຍົກລັດຖະມົນຕີ ແຫ່ງ ສປປ ລາວ ໃນທ້າຍປີ 2021 ຜ່ານມາ.

ໃນພິທີຄັ້ງນີ້, ຕາງໜ້າໃຫ້ແກ່ລັດຖະບານ ແຫ່ງ ຣາຊະອານາຈັກກໍາປູເຈຍ ກ່າວມອບໂດຍ ທ່ານ ດຣ. ນາງ ອໍ ວັນດີນ ຮອງລັດຖະມົນຕີກະຊວງສາທາລະນະສຸກ, ປະທານຄະນະສະເພາະກິດເພື່ອປ້ອງກັນ ແລະ ຄວບຄຸມ ພະຍາດໂຄວິດ-19 ແຫ່ງ ຣາຊະອານາຈັກ ກໍາປູເຈຍ ແລະ ຕາງໜ້າໃຫ້ແກ່ລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກ່າວຮັບໂດຍ

ທ່ານ ດຣ. ບຸນແຝງ ພູມມະໄລສິດ ລັດຖະມົນຕີ ກະຊວງສາທາລະນະສຸກ, ຮອງຫົວໜ້າຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ໂດຍມີ ທ່ານ ສະຫວາຍສົມອຽງ ເຈົ້າແຂວງຊຽງແຕງ, ທ່ານ ວິໄລວົງ ບຸດດາຄຳ ເຈົ້າແຂວງໆຈຳປາສັກ, ມີພະນັກງານຈາກພາກສ່ວນກ່ຽວຂ້ອງຂອງສອງປະເທດ ເຂົ້າຮ່ວມ.

ລັດຖະບານ ແຫ່ງ ສປປ ລາວ ໄດ້ຕີລາຄາສູງ ແລະ ໃຫ້ຄວາມສໍາຄັນຕໍ່ການຊ່ວຍເຫລືອໃນຄັ້ງນີ້ ກໍຄື ຄັ້ງຜ່ານມາ, ພ້ອມທັງໄດ້ສະແດງຄວາມຂອບໃຈຢ່າງຈິງໃຈ ແລະ ສະແດງຄວາມຮູ້ບຸນຄຸນເປັນຢ່າງສູງ ໄປຍັງລັດຖະບານ ແລະ ປະຊາຊົນ ກໍາປູເຈຍ ເຊິ່ງຍາມໃດກໍມີຄວາມເປັນຫ່ວງເປັນໃຍ ແລະ ບິແບ່ງການຊ່ວຍເຫລືອມາໃຫ້ປະຊາຊົນລາວ

ໃນຍາມທີ່ຫຍຸ້ງຍາກ, ເຖິງແມ່ນວ່າ ກໍາປູເຈຍ ເອງ ກໍຍັງປະເຊີນໜ້າກັບການແພ່ລະບາດຂອງພະຍາດໂຄວິດ-19 ເຊັ່ນດຽວກັນ ເຊິ່ງເປັນການສ່ອງແສງໃຫ້ເຫັນເຖິງສາຍພົວພັນມິດຕະພາບ, ຄວາມສາມັກຄີທີ່ເປັນມູນເຊື້ອອັນດີງາມມາແຕ່ບູຮານນະການ ແລະ ການຮ່ວມມືຖານບ້ານໃກ້ເຮືອນຄຽງທີ່ດີ ກໍຄື ການເປັນຄູ່ຮ່ວມມືຍຸດທະສາດຮອບດ້ານ ແລະ ໝັ້ນຄົງຍາວນານ ລະຫວ່າງ ສອງປະເທດ ລາວ ແລະ ກຳປູ ເຈຍ

ທີ່ນັບມື້ນັບໄດ້ຮັບການສົ່ງເສີມ ແລະ ຮັດແໜ້ນໃຫ້ເຂົ້າສູ່ລວງເລິກ ແລະ ແຕກດອກອອກຜົນ ໃນປະຈຸບັນ, ລັດຖະບານ ແຫ່ງ ສປປ ລາວ ຈະນໍາເອົາເຄື່ອງຊ່ວຍເຫລືອດັ່ງກ່າວ ໄປນຳໃຊ້ໃຫ້ເກີດປະໂຫຍດສູງສຸດ ໃນການປ້ອງກັນ ແລະ ຄວບຄຸມການແພ່ລະບາດຂອງພະຍາດ ໂຄວິດ-19 ພາຍໃນປະເທດ ໃຫ້ມີຜົນສໍາເລັດຢ່າງຈົບງາມ.

ມາເຖິງປັດຈຸບັນ, ລັດຖະບານ ກໍາປູເຈຍ ໄດ້ໃຫ້ການຊ່ວຍເຫລືອ ສປປ ລາວ ໃນການຕ້ານ ແລະ ສະກັດກັ້ນ ພະຍາດໂຄວິດ-19 ເປັນເທື່ອທີ 4, ເທື່ອທໍາອິດ ໃນວັນທີ 16 ພະຈິກ 2020 ໄດ້ມອບອຸປະກອນການແພດ ແລະ ຜ້າອັດປາກ ຈໍານວນ 2.000.000 ອັນ, ເທື່ອທີສອງ ໃນວັນທີ 28 ກັນຍາ 2021

ມອບວັກຊິນ ຊີໂນແວັກ ຈໍານວນ 200.000 ໂດສ ແລະ ໃນວັນທີ 30 ພະຈິກ 2021 ໂອກາດທີ່ທ່ານ ນາຍົກລັດຖະມົນຕີ ພັນຄໍາ ວິພາວັນ ຢ້ຽມຢາມ ຣາຊະອານາຈັກ ກໍາປູເຈຍ ຢ່າງເປັນທາງການ ນາຍົກລັດຖະມົນຕີ ເຕໂຈ ຮຸນແຊນ ໄດ້ຕາງໜ້າລັດຖະບານ ມອບເງິນຊ່ວຍເຫລືອ ຈໍານວນ 13 ລ້ານໂດລ

ສະຫະລັດ, ວັກຊິນ 500.000 ໂດສ ແລະ ລົດຂົນສົ່ງວັກຊິນ 13 ຄັນ (ວັກຊິນ 500.000 ໂດສ ແລະ ລົດ 3 ຄັນ ໄດ້ສົ່ງມອບ ໃນວັນທີ 3 ທັນວາ 2021, ລົດອີກ 10 ຄັນ ໄດ້ມອບໃນວັນທີ 12 ມີນາ 2022 ນີ້).

Related Posts

Leave a Reply

Your email address will not be published. Required fields are marked *