ຈີນ ຊ່ວຍເຫລືອລ້າ ກໍ່ສ້າງສະຖາບັນເຕັກໂນໂລຊີການສື່ສານ ຂໍ້ມູນຂ່າວສານ ຂອງລາວ ມູນຄ່າການກໍ່ສ້າງທັງໝົດ 155 ຕື້ກວ່າກີບ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ຈີນ ຊ່ວຍເຫລືອລ້າ ກໍ່ສ້າງສະຖາບັນເຕັກໂນໂລຊີການສື່ສານ ຂໍ້ມູນຂ່າວສານ ຂອງລາວ ມູນຄ່າການກໍ່ສ້າງທັງໝົດ 155 ຕື້ກວ່າກີບ

ສະຖາບັນເຕັກໂນໂລຊີການສື່ສານຂໍ້ມູນຂ່າວສານ, ກະຊວງເຕັກໂນໂລຊີ ແລະ ການສື່ສານ ໄດ້ເຊັນສັນຍາຮັບເໝົາກໍ່ສ້າງ “ໂຄງການສະຖາບັນເຕັກໂນໂລຊີ ການສື່ສານຂໍ້ມູນຂ່າວສານຂອງ ສປປ ລາວ” ກັບກຸ່ມບໍລິສັດກໍ່ສ້າງທາງລົດໄຟ ແຫ່ງປະເທດຈີນ ຈໍາກັດ.

ລວມມູນຄ່າການກໍ່ສ້າງທັງໝົດ 155 ຕື້ກວ່າກີບ (ປະມານ 85,72 ລ້ານຢວນ) ເຊິ່ງໂຄງການດັ່ງກ່າວໄດ້ຮັບການຊ່ວຍເຫລືອລ້າ ຈາກລັດຖະບານແຫ່ງ ສປ ຈີນ.

ຮ່ວມລົງນາມຄັ້ງນີ້, ທ່ານ ປະດັບໄຊ ໄຊຍະໂຄດ ຮອງຫົວໜ້າສະຖາບັນເຕັກໂນໂລຊີ ແລະ ການສື່ສານຂໍ້ມູນຂ່າວສານ ແລະ ທ່ານ ນາງ ປາລິດາ (Li Yan) ຜູ້ຈັດການ ຝ່າຍຂາຍ ກຸ່ມບໍລິສັດ ກໍ່ສ້າງທາງລົດໄຟ ແຫ່ງປະເທດຈີນ ຈຳກັດ,

ໂດຍມີ ທ່ານ ສັນຕິສຸກ ສິມມາລາວົງ ຮອງລັດຖະມົນຕີ ກະຊວງເຕັກໂນໂລຊີ ແລະ ການສື່ສານ, ທ່ານ ຈ້າວ ເວີນຢູ (Zhao Wenyu) ທີ່ປຶກສາເສດຖະກິດການຄ້າ ສະຖານທູດຈີນປະຈໍາລາວ ພ້ອມດ້ວຍພະນັກງານທີ່ກ່ຽວຂ້ອງທັງສອງຝ່າຍ ເຂົ້າຮ່ວມເປັນສັກຂີພິຍານ.

ທ່ານ ປະດັບໄຊ ໄຊຍະໂຄດ ໄດ້ໃຫ້ຮູ້ວ່າ: ໂຄງການກໍ່ສ້າງສະຖາບັນເຕັກໂນໂລຊີການສື່ສານ ຂໍ້ມູນຂ່າວສານ ແມ່ນໂຄງການອອກແບບກໍ່ສ້າງ ສູນຝຶກອົບຮົມດ້ານໄອຊີທີ ເປັນອາຄານ 5 ຊັ້ນ ຈໍານວນ 1 ຫລັງ ໂດຍມີ: ເນື້ອທີ່ທັງໝົດ 5.524,56 ຕາແມັດ, ເຊິ່ງປະກອບດ້ວຍ:

  • ຫ້ອງຮຽນທຳມະດາ,
  • ຫ້ອງຮຽນທັນສະໄໝ,
  • ຫ້ອງທົດລອງ,
  • ຫ້ອງການ,
  • ຫ້ອງສະໝຸດ
  • ຫ້ອງປະຊຸມໃຫຍ່.

ພາຍໃນອາຄານປະກອບດ້ວຍອຸປະກອນການຮຽນ-ການສອນທີ່ຈຳເປັນ, ອຸປະກອນຫ້ອງທົດລອງ ແລະ ສິ່ງອຳນວຍຄວາມສະດວກຕ່າງໆ ພາຍ ຫລັງໂຄງການລິເລີ່ມການກໍ່ສ້າງຄູ-ອາຈານ ແລະ ນັກສຶກສາຈໍານວນໜຶ່ງ ຈະໄດ້ຮັບການຝຶກອົບຮົມ ແລະ ສອບເສັງວັດລະດັບ ເພື່ອກຽມພ້ອມຮອງຮັບໃນການເປີດສູນດັ່ງກ່າວ.

ໂຄງການດັ່ງກ່າວ, ເປັນໂຄງການທຳອິດທີ່ໄດ້ດຳເນີນການ ແລະ ຄຸ້ມຄອງໃນຮູບແບບຝ່າຍລາວຈັດຕັ້ງປະຕິບັດເອງ ໂດຍຜ່ານຮູບແບບການປະມູນ ເພື່ອຄັດເລືອກເອົາບໍລິ ສັດທີ່ຈະມາຮັບຜິດຊອບອອກແບບ-ກໍ່ສ້າງ, ຜ່ານການຄັດເລືອກບໍລິສັດ ທີ່ມີຄວາມພ້ອມທາງດ້ານເຕັກນິກ ແລະ ຖືກຕ້ອງຕາມເງື່ອນໄຂທີ່ກຳນົດໄວ້.

ໂດຍໄດ້ເລືອກເອົາກຸ່ມບໍລິສັດ ກໍ່ສ້າງທາງລົດໄຟ ແຫ່ງປະເທດຈີນຈໍາກັດ (China Railway Construction Group Co., Ltd) ເປັນຜູ້ຊະນະການປະມູນ ຄາດວ່າຈະເລີ່ມກໍ່ສ້າງໃນທ້າຍເດືອນມີນາ 2022 ແລະ ຈະໃຫ້ສຳເລັດພ້ອມສົ່ງມອບໂຄງການ ໃນທ້າຍເດືອນພະຈິກ 2023.

ຂ່າວ-ພາບ: ກະຊວງ ເຕັກໂນໂລຊີ ແລະ ການສື່ສານ

Related Posts

Leave a Reply

Your email address will not be published. Required fields are marked *