ຣັສເຊຍຢ້ຳອີກຄັ້ງ ຈະໃຊ້ອາວຸດນິວເຄຼຍ ໃນຢູເຄຣນ ຫາກຜະເຊີນກັບ “ໄພຄຸກຄາມ”

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ຣັສເຊຍຢ້ຳອີກຄັ້ງ ຈະໃຊ້ອາວຸດນິວເຄຼຍ ໃນຢູເຄຣນ ຫາກຜະເຊີນກັບ “ໄພຄຸກຄາມ”

ໂຄສົກລັດຖະບານຣັສເຊຍລະບຸເຖິງຈຸດຢືນການໃຊ້ອາວຸດນິວເຄຼຍຂອງຣັສເຊຍ ຕໍ່ເມື່ອຜະເຊີນກັບໄພຄຸກຄາມ “ທີ່ມີຢູ່ຈິງ” ເທົ່ານັ້ນ ເພນຕາກ໊ອນ ຫລື ກະຊວງກະລາໂຫມສະຫະລັດອາເມຣິກາ ລະບຸວ່າຄວາມເຫັນຂອງໂຄສົກຣັສເຊຍ ເປັນອັນຕະລາຍສຸດໆ.

ດະມິທຣີ ເພສຄອຟ ໂຄສົກລັດຖະບານຣັສເຊຍ ໃຫ້ສຳພາດພິເສດ CNN ເມື່ອວານນີ້ (22 ມີນາ 2022) ລະບຸວ່າ ຣັສເຊຍຈະຕັດສິນໃຈໃຊ້ອາວຸດນິວເຄຼຍໃນບໍລິບົດຂອງຄວາມຂັດແຍ່ງກັບຢູເຄຣນ

ກໍ່ຕໍ່ເມື່ອຜະເຊີນກັບໄພຄຸກຄາມຄວາມຫມັ້ນຄົງ “ທີ່ມີຢູ່ຈິງ” ເທົ່ານັ້ນ ໂດຍຈະເປັນໄປຕາມແນວຄິດດ້ານຄວາມຫມັ້ນຄົງຂອງຣັສເຊຍ ທີ່ໄດ້ລະບຸເຫດຜົນທຸກຢ່າງສຳລັບການຕັດສິນໃຈໃຊ້ອາວຸດນິວເຄຼຍ.

ແນວຄິດດັ່ງກ່າວເປັນທີ່ເປີດເຜີຍຕໍ່ສາທາລະນະສາມາດຫາອ່ານໄດ້ ແລະ ຫາກເກີດໄພຄຸກຄາມທີ່ມີຢູ່ຈິງຕໍ່ຄວາມຫມັ້ນຄົງຂອງຣັສເຊຍ ອາວຸດນິວເຄຼຍກໍ່ຈະຖືກນຳອອກມາໃຊ້ຕາມແນວຄິດດັ່ງກ່າວ.

ເມື່ອວັນທີ 28 ກຸພາ 2022 ທີ່ຜ່ານມາ ຫຼື 4 ວັນຫລັງຈາກຣັສເຊຍ ເປີດສາກບຸກຖະຫລົ່ມຢູເຄຣນ ປະທານາທິບໍດີ ວະລາດິເມ່ຍ ປູຕິນ ຂອງຣັສເຊຍ ໄດ້ສັ່ງໃຫ້ກອງກຳລັງນິວເຄຼຍທາງຍຸດທະສາດຂອງຣັເຊຍ ກຽມພ້ອມຂັ້ນສູງສຸດນັບເປັນຄວາມເຄື່ອນໄຫວທີ່ສ້າງຄວາມຕົກໃຈໄປທົ່ວໂລກ.

ທັງນີ້ ຣັສເຊຍເປັນປະເທດທີ່ມີຄັງຫົວຮົບນິວເຄຼຍຫລາຍທີ່ສຸດໃນໂລກ.

ຣັສເຊຍຍັງເຕືອນ ສະຫະລັດອາເມຣິກາ ແລະ ອົງການນາໂຕ້ດ້ວຍວ່າ ຫາກມອບເຮືອບີນຂັບໄລ່ໃຫ້ແກ່ຢູເຄຣນ ຣັສເຊຍຈະຖືວ່າເປັນການຂະຫຍາຍ ແລະ ຍົກລະດັບຄວາມຂັດແຍ່ງໃນຢູເຄຣນ ແລະ ອາດຈະເຮັດໃຫ້ຣັສເຊຍຕ້ອງຜະເຊີນຫນ້າໂດຍກົງກັບປະເທດຊາດຕາເວັນຕົກທີ່ເປັນມະຫາອຳນາດນິວເຄຼຍ.

ທາງດ້ານ ຈອນ ເຄບີ້ ໂຄສົກ ເພນດາກ໊ອນ ຫລື ກະຊວງກະລາໂຫມສະຫະລັດອາເມຣິກາ ກ່າວວ່າຫລັງ ເພສຄອຟ ໃຫ້ສຳພາດດັ່ງກ່າວວ່າຄວາມເຫັນຂອງໂຄສົກລັດຖະບານຣັສເຊຍກ່ຽວກັບຈຸດຢືນການໃຊ້ອາວຸດນິວເຄຼຍດັ່ງກ່າວນັ້ນ ເປັນຄວາມເຫັນທີ່ອັນຕະລາຍສຸດໆ ແລະ ບໍ່ແມ່ນວິໄສທີ່ມະຫາອຳນາດນິວເຄຼຍທີ່ມີຄວາມຮັບຜິດຊອບ ບໍ່ຄວນໃຫ້ຄວາມເຫັນເຊັ່ນນັ້ນ.

ແຕ່ຢ່າງໃດກໍ່ຕາມ ເຄີບີ້ ຢ້ຳອີກຄັ້ງວ່າ ສະຫະລັດອາມຣິກາ ຍັງບໍ່ເຫັນຜົນຄວາມຈຳເປັນໃດໆ ທີ່ຈະຕ້ອງປ່ຽນແປງຈຸດຢືນດ້ານການປ້ອງກັນທາງຍຸດສາດຂອງສະຫະລັດອາເມຣິກາ ແລະ ອາເມຣິກາ ຍັງຈັບຕາການເຄື່ອນໄຫວ ຂອງຣັສເຊຍໃນເລື່ອງນີ້ຢູ່ຕະຫລອດ.

ກ່ອນຫນ້ານີ້ ເຈົ້າຫນ້າທີ່ດ້ານກະລາໂຫມ ໃນອີກຫລາຍປະເທດຕາເວັນຕົກ ເຄີຍລະບຸຫລັງປະທານາທິບໍດີປູຕິນສັ່ງກຽມພ້ອມກອງກຳລັງນິວເຄຼຍເມື່ອເດືອນ ກຸມພາ 2022 ວ່າ ຍັງບໍ່ເຫັນສັນຍານການເຄື່ອນໄຫວທີ່ສຳຄັນໃດໆ ຂອງກອງກຳລັງນິວເຄຼຍຣັສເຊຍຫລັງຄຳສັ່ງຂອງປູຕິນດັ່ງກ່າວທີ່ລວມເຖິງເຮືອບີນຖິ້ມລະເບີດຂີປະນາວຸດ ແລະ ເຮືອດຳນ້ຳທີ່ຕິດຫົວຮົບນິວເຄຼຍໄດ້.

ເພສຄອຟ ໂຄສົກລັດຖະບານຣັສເຊຍຍັງກ່າວໃນການສຳພາດຕໍ່ໄປວ່າ ຣັສເຊຍ ບໍ່ໄດ້ມີຄວາມຕັ້ງໃຈທີ່ຈະຍຶດຄອງປະເທດຢູ່ເຄຣນແຕ່ຢ່າງໃດ

ເປົ້າຫມາຍຂອງຣັສເຊຍຄື ທຳລາຍສັກກະຍະພາບທາງທະຫານຂອງຢູເຄຣນ ແລະ ຢືນຢັນວ່າ ຣັສເຊຍບໍ່ໄດ້ໃຊ້ກຳລັງໂຈມຕີພົນລະເຮືອນຢູເຄຣນ ແຕ່ໂຈມຕີສະເພາະເປົ້າຫມາຍທາງການທະຫານໃນດິນແດນຢູເຄຣນ.

ຂໍ້ມູນຈາກ: TNNWorld

ໄລ່ຕາມກະແສຂ່າວ

Related Posts

Leave a Reply

Your email address will not be published. Required fields are marked *