IMF ຊີ້ ອາຊີອາດເປັນຕົ້ນເຫດເຮັດໃຫ້ ອັດຕາເງິນເຟີ້ເພີ່ມຂຶ້ນທົ່ວໂລກ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


IMF ຊີ້ ອາຊີອາດເປັນຕົ້ນເຫດເຮັດໃຫ້ ອັດຕາເງິນເຟີ້ເພີ່ມຂຶ້ນທົ່ວໂລກ

ສຳນັກຂ່າວບລູມເບີກ ລາຍງານວ່າ: ທ່ານ ຊາງຢອງ ຣີ ຜູ້ອຳນວຍການກອງທຶນການເງິນລະຫວ່າງປະເທດ ( IMF ) ປະຈຳພາກພື້ນອາຊີ – ປາຊີຟິກ ກ່າວວ່າ: ບັນດາປະເທດໃນອາຊີອາດເປັນຕົ້ນເຫດເຮັດໃຫ້ອັດຕາເງິນເຟີ້ແຜ່ລາມໄປທົ່ວໂລກ

ຈາກການທີ່ລາຄາຜູ້ບໍລິໂພກ ( CPI ) ປັບຕົວສູງຂຶ້ນໃນທິດທາງດຽວກັນກັບລາຄາພະລັງງານ ສົ່ງຜົນໃຫ້ເກີດແຮງກົດດັນອັດຕາເງິນເຟີ້ທົ່ວໂລກເພີ່ມຂຶ້ນ, ບັ່ນທອນການເຕີບໂຕທາງເສດຖະກິດໂລກ ເຖິງແມ່ນວ່າການແຜ່ລະບາດຂອງພະຍາດໂຄວິດ – 19 ຈະຜ່ອນຄາຍລົງກໍຕາມ.

ທ່ານ ຊາງຢອງ ຣີ ກ່າວວ່າ: ຫາກລາຄານ້ຳມັນຍັງສືບຕໍ່ເພີ່ມຂຶ້ນ ຈະເຮັດໃຫ້ຕົ້ນທຶນຂອງພາກການຜະລິດກໍເພີ່ມຂຶ້ນ ແລະ ທ້າຍທີ່ສຸດແລ້ວກໍຈະເຮັດໃຫ້ລາຄາສິນຄ້າປັບຂຶ້ນເປັນເງົາຕາມມາ ເມື່ອເຖິງຕອນນັ້ນຈະເຮັດໃຫ້ອັດຕາເງິນເຟີ້ແຜ່ກະຈາຍໄປທົ່ວໂລກ.

ຜູ້ອຳນວຍການ IMF ປະຈຳພາກພື້ນອາຊີ – ປາຊີຟິກ ກ່າວອີກວ່າ: ອັດຕາເງິນເຟີ້ເພີ່ມຂຶ້ນໄວກວ່າທີ່ຄາດການໄວ້ ເຊິ່ງ IMF ຄາດການວ່າອັດຕາເງິນເຟີ້ໃນອາຊີຈະເພີ່ມຂຶ້ນສູ່ລະດັບສູງສຸດໃນໄລຍະ 6 ເດືອນທ້າຍປີນີ້

ເຊິ່ງເປັນຜົນພວງມາຈາກຄວາມຂັດແຍ່ງລະຫວ່າງ ຣັດເຊຍ ແລະ ອູແກຣນ, ບວກກັບການທີ່ທະນາຄານກາງສະຫະລັດປັບນະໂຍບາຍການເງິນ ເຊິ່ງຈະສົ່ງຜົນໃຫ້ລາຄາອາຫານ ແລະ ພະລັງງານໃນອາຊີເພີ່ມຂຶ້ນ ແລະ ຈະສົ່ງຜົນກະທົບຕໍ່ລາຍຮັບ ໂດຍສະເພາະຜູ້ທີ່ມີລາຍຮັບຕ່ຳຍິ່ງຈະເດືອດຮ້ອນຂຶ້ນອີກ.

Related Posts

Leave a Reply

Your email address will not be published. Required fields are marked *