ສາທາເຕືອນ ໂອໄມຄຣອນ ລະບາດໜັກ ຂໍໃຫ້ທຸກຄົນມີສະຕິປ້ອງກັນຕົນເອງໃຫ້ຫລາຍຂຶ້ນ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ສາທາເຕືອນ ໂອໄມຄຣອນ ລະບາດໜັກ ຂໍໃຫ້ທຸກຄົນມີສະຕິປ້ອງກັນຕົນເອງໃຫ້ຫລາຍຂຶ້ນ

ຂປລ. ໃນວັນທີ 25 ມີນາ 2022 ຢູ່ກະຊວງສາທາລະນະສຸກ, ທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ໄດ້ຖະແຫລງຂ່າວ ກ່ຽວກັບສະພາບການລະບາດຂອງພະຍາດໂຄວິດ-19

ຢູ່ ສປປ ລາວ ວ່າ: ຢູ່ ສປປ ລາວ, ສະພາບການລະບາດຂອງພະຍາດໂຄວິດ-19 ສືບຕໍ່ເພີ່ມຂຶ້ນໃນແຕ່ລະວັນ ເຊິ່ງເຫັນໄດ້ວ່າ ໄລຍະນີ້ ທີ່ມີການລະບາດຂອງສາຍພັນໂອໄມຄຣອນ ອັດຕາການຕິດເຊື້ອແມ່ນເພີ່ມຂຶ້ນຢ່າງໄວວາ ເຮັດໃຫ້ສະຖິຕິ ຕົວເລກລາຍງານຜູ້ຕິດເຊື້ອໃນ ສປປ ລາວ

ເພີ່ມຂຶ້ນສູງກວ່າໝູ່ທຽບໃສ່ໄລຍະຜ່ານມາ, ການຕິດເຊື້ອເພີ່ມຂຶ້ນຫລາຍ ກໍສ່ຽງທີ່ຈະມີຄົນເຈັບໜັກ ຫລື ເສຍຊີວິດເພີ່ມຂຶ້ນ ເຊັ່ນດຽວກັນ ເປັນຕົ້ນ ແມ່ນການຕິດເຊື້ອໃນຜູ້ສູງອາຍຸ, ຜູ້ທີ່ມີພະຍາດປະຈຳຕົວ ແລະ ມີພູມຄຸ້ມກັນບົກຜ່ອງ.

ສະນັ້ນ, ທ່ານຈຶ່ງຂໍຮຽກຮ້ອງມາຍັງພໍ່ແມ່ປະຊາຊົນ ກໍຄື ທຸກພາກສ່ວນໃນສັງຄົມ ຈົ່ງມີສະຕິໃນການປ້ອງກັນຕົນເອງຢ່າງເຄັ່ງຄັດ ເພື່ອຕົວເອງ ແລະ ຄົນອ້ອມຂ້າງ ປອດໄພຈາກພະຍາດໂຄວິດ-19.

ສະເພາະ ວັນທີ 24 ມີນາ ທີ່ຜ່ານມາ, ໄດ້ນຳເອົາເຊື້ອມາກວດວິເຄາະທັງໝົດ 5.277 ຕົວຢ່າງ ໃນຂອບເຂດທົ່ວປະເທດ ແລະ ພົບເຊື້ອ ທັງໝົດ 2.212 ຄົນ (ຕິດເຊື້ອພາຍໃນ 2.193 ຄົນ ແລະ ນໍາເຂົ້າ 19 ຄົນ(ນະຄອນຫລວງວຽງຈັນ 9 ຄົນ, ຈຳປາສັກ 4 ຄົນ, ສະຫວັນນະເຂດ 3 ຄົນ ແລະ ຄຳມ່ວນ 3 ຄົນ).

ສຳລັບລາຍລະອຽດຂອງການຕິດເຊື້ອພາຍໃນໃໝ່ມີຄື: ນະຄອນຫລວງວຽງຈັນ 1.022 ຄົນ, ຄຳມ່ວນ 155 ຄົນ, ໄຊຍະບູລີ 151 ຄົນ, ສະຫວັນນະເຂດ 144 ຄົນ, ສາລະວັນ 138 ຄົນ, ຊຽງຂວາງ 91 ຄົນ, ແຂວງວຽງຈັນ 83 ຄົນ, ອຸດົມໄຊ 76 ຄົນ,

ບໍລິຄຳໄຊ 50 ຄົນ, ຫລວງພະບາງ 43 ຄົນ, ອັດຕະປື 43 ຄົນ, ບໍ່ແກ້ວ 40 ຄົນ, ຫລວງນ້ຳທາ 38 ຄົນ, ຈຳປາສັກ 37 ຄົນ, ຫົວພັນ 30 ຄົນ, ເຊກອງ 24 ຄົນ, ຜົ້ງສາລີ 15 ຄົນ ແລະ ແຂວງ ໄຊສົມບູນ 13 ຄົນ.

ຮອດປັດຈຸບັນ, ຢູ່ ສປປ ລາວ ມີຜູ້ຕິດເຊື້ອທັງໝົດ 164.078 ຄົນ, ອອກໂຮງໝໍວານນີ້ 171 ຄົນ, ກຳລັງປິ່ນປົວ 4.830 ຄົນ ແລະ ເສຍຊີວິດທັງໝົດ 654 ຄົນ (ເສຍຊີວິດໃໝ່ 2 ຄົນ ຈາກ ແຂວງຊຽງຂວາງ ແລະ ສະຫວັນນະເຂດ).

ຂ່າວ: ສຸກສະຫວັດ ສົມສະໜິດ

Related Posts

Leave a Reply

Your email address will not be published. Required fields are marked *