ສາວກັ້ນຕົດບໍ່ກ້າປ່ອຍຕໍ່ໜ້າແຟນສຸດທ້າຍຫາມສົ່ງໂຮງໝໍ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ສາວກັ້ນຕົດບໍ່ກ້າປ່ອຍຕໍ່ໜ້າແຟນສຸດທ້າຍຫາມສົ່ງໂຮງໝໍ

ນັກຮ້ອງສາວ “ກັ້ນຕົດ”ຢ້ານແຟນໜຸ່ມຮູ້ວ່າຕົດ ສຸດທ້າຍຖືກຫາມສົ່ງໂຮງໝໍເພາະ“ກັ້ນຕົດດົນ”

ຫາກຈະເວົ້າເຖິງເລື່ອງຕົດ ເມື່ອຫຼາຍຄົນໄດ້ຍິນຄຳນີ້ແລ້ວ ເຊື່ອວ່າຕ້ອງຈິນຕະນາການເຖິງສຽງທີ່ດັງ ແລະ ກິ່ນທີ່ບໍ່ໜ້າພໍໃຈຢ່າງແນ່ນອນ ແລະ ການທີ່ເຮົາຈະປ່ອຍລົມໃຫ້ຄົນອື່ນໄດ້ເຫັນຫຼືໄດ້ຍິນມັນກໍເປັນເລື່ອງທີ່ບໍ່ສົມຄວນຢ່າງຍິ່ງ

ຈຶ່ງເຮັດໃຫ້ຫຼາຍຄົນເລືອກທີ່ຈະກັ້ນມັນເອົາໄວ້ແລ້ວໄປເລືອກປ່ອຍອອກໃນສະຖານທີ່ອື່ນທີ່ບໍ່ມີຄົນ. ແຕ່ວ່າການກັ້ນຕົດນັ້ນມັນສົ່ງຜົນບໍ່ດີຢ່າງແນ່ນອນ ເພາະມັນສາມາດເຮັດໃຫ້ເກີດອັນຕະລາຍກັບຮ່າງກາຍໄດ້.

ຄ້າຍຄືກັນກັບກໍລະນີຂອງນັກຮ້ອງສາວຊາວບຣາຊິລຄົນນີ້ທີ່ລາວຖືກຫາມສົ່ງໂຮງໝໍ ຫຼັງຈາກທີ່ລາວກັ້ນຕົດເປັນເວລາດົນ ຍ້ອນບໍ່ຢາກປ່ອຍມັນອອກມາຕໍ່ໜ້າແຟນໜຸ່ມຂອງລາວ.

ເລື່ອງລາວນີ້ເປັນຂອງນັກຮ້ອງສາວຊາວບຣາຊິລ ທີ່ມີຊື່ວ່າViviane de Queiroz Pereiraຫຼື ເປັນທີ່ຮູ້ຈັກກັນດີໃນຊື່Pocahໂດຍ Pereira ເລົ່າວ່າ ໃນຕອນເຊົ້າຂອງມື້ໜຶ່ງ ລາວໄດ້ເກີດອາການເຈັບທ້ອງຢ່າງຮຸນແຮງ ແລະ ຖືກຫາມສົ່ງໂຮງໝໍໃນເວລາຕໍ່ມາ.

ຕໍ່ມາເມື່ອຮອດໂຮງໝໍ Pereira ກໍໄດ້ເຂົ້າຮັບການກວດຮ່າງກາຍ ແລະ ທ່ານໝໍໄດ້ບອກວ່າ ສາເຫດທີ່ Pereira ມີອາການເຈັບທ້ອງຢ່າງຮຸນແຮງແບບນັ້ນ ເພາະເກີດຈາກການສະສົມຂອງແກສໃນທາງເດີນອາຫານ ແລະ

ເມື່ອທ່ານໝໍສືບຄົ້ນປະຫວັດການກິນ, ການຢູ່ ຫຼື ກິດຈະກຳຕ່າງໆ ທີ່ Pereira ໄດ້ເຄີຍເຮັດມາກ່ອນໜ້ານີ້ ເພື່ອທີ່ຈະຫາສາເຫດຂອງອາການເຈັບທ້ອງ ສຸດທ້າຍ Pereira ກໍຍອມບອກກັບທ່ານໝໍດ້ວຍທ່າທາງທີ່ອາຍໆວ່າ “ຂ້ອຍກັ້ນຕົດ” ເພາະບໍ່ກ້າຕົດຕໍ່ໜ້າແຟນ.

ນັບວ່າເປັນໂຊກດີຂອງ Pereira ທີ່ທ່ານໝໍສາມາດຊ່ວຍບັນເທົາອາການເຈັບທ້ອງໄດ້ທັນ ດ້ວຍວິທີທາງການແພດ ແລະ ການນຳໃຊ້ຢາເພື່ອປິ່ນປົວ.

ຫຼັງຈາກນັ້ນທ່ານໝໍກໍໄດ້ອະທິບາຍເພີ່ມຕື່ມວ່າ ເມື່ອແກສເມຕານ (Methane) ບໍ່ເຄື່ອນຜ່ານລຳໄສ້ຕາມປົກກະຕິ ຈະເກີດການສະສົມຂອງແກສ ສົ່ງຜົນໃຫ້ມີອາການເຈັບປວດທ້ອງຢ່າງຮຸນແຮງ ຫຼື ຮູ້ສຶກບໍ່ສະບາຍທ້ອງ.

ຫຼັງຈາກຜ່ານປະສົບການສຸດທໍລະມານນີ້ມາໄດ້ Pereira ກໍໄດ້ຝາກບອກເຖິງບັນດາສາວໆທີ່ມັກກັ້ນຕົດວ່າ: “ຢ່າອາຍເລີຍ ທີ່ຈະຕົດຕໍ່ໜ້າແຟນຂອງເຈົ້າ ເພາະມັນໜ້າອາຍກວ່າຖ້າຫາກເຈົ້າຖືກຫາມສົ່ງໂຮງໝໍ ໂດຍມີແຟນນັ່ງຢູ່ຂ້າງໆ ແລ້ວທ່ານໝໍຍ່າງມາບອກວ່າສາເຫດມາຈາກການກັ້ນຕົດ”

Related Posts

Leave a Reply

Your email address will not be published. Required fields are marked *