ຄາດ ເສດຖະກິດໂລກຂະຫຍາຍຕົວຊ້າລົງສູ່ລະດັບ 2,6%

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ຄາດ ເສດຖະກິດໂລກຂະຫຍາຍຕົວຊ້າລົງສູ່ລະດັບ 2,6%

ກອງປະຊຸມສະຫະປະຊາຊາດ ວ່າດ້ວຍການຄ້າ ແລະ ການພັດທະນາ ( UNCTAD) ໄດ້ປັບຫຼຸດຄາດການຂະຫຍາຍຕົວເສດຖະກິດໂລກ ລົງສູ່ລະດັບ 2,6% ໃນປີນີ້ ຈາກ 3,6% ທີ່ຄາດການໄວ້

ເນື່ອງຈາກຄວາມຂັດແຍ່ງລະຫວ່າງ ຣັດເຊຍ – ອູແກຣນ ບວກກັບຫຼາຍປະເທດໄດ້ປັບປ່ຽນນະໂຍບາຍດ້ານເສດຖະກິດ ເພື່ອໃຫ້ແທດເໝາະກັບສະພາບການຕົວຈິງ.

UNCTAD ລະບຸວ່າ: ເສດຖະກິດຣັດເຊຍ ຈະຫົດຕົວໃນປີນີ້, ຂະນະທີ່ເສດຖະກິດຂອງເອີຣົບບາງປະເທດ ຕະຫຼອດຮອດອາຊີກາງ, ອາຊີໃຕ້ ແລະ ອາຊີຕາເວັນອອກສ່ຽງໃຕ້ ຈະຂະຫຍາຍຕົວຊ້າລົງ.

ຄວາມຂັດແຍ່ງລະຫວ່າງ ຣັດເຊຍ – ອູແກຣນ ໄດ້ເຮັດໃຫ້ບັນດາປະເທດທີ່ພັດທະນາແລ້ວຄວບຄຸມນະໂຍບາຍການເງິນຕໍ່ໄປ ເຊິ່ງຄ້າຍໆກັບໄລຍະທ້າຍປີ 2021 ຜ່ານມາ ທີ່ຫຼາຍປະເທດຕ້ອງດຳເນີນນະໂຍບາຍດັ່ງກ່າວ ເພື່ອຄວບຄຸມອັດຕາເງິນເຟີ້ ແລະ ຄາດວ່າຈະມີການປັບຫຼຸດຄ່າໃຊ້ຈ່າຍຂອງງົບປະມານທີ່ໄດ້ອະນຸມັດໄປແລ້ວ.

ນອກຈາກນີ້, ຍັງມີປັດໄຈຕ່າງໆ ເຊັ່ນ: ອຸປະສົງທີ່ອ່ອນແອລົງ, ໃນຂະນະທີ່ໄລຍະເກີດການແຜ່ລະບາດຂອງພະຍາດໂຄວິດ – 19 ໄດ້ເຮັດໃຫ້ໜີ້ສິນຂອງປະເທດຕ່າງໆທົ່ວໂລກເພີ່ມຂຶ້ນ ເຊິ່ງຈະສົ່ງຜົນກະທົບຕໍ່ນະໂຍບາຍດ້ານການເງິນ ເຮັດໃຫ້ປະເທດກຳລັງພັດທະນາເຂົ້າສູ່ເສດຖະກິດທົດຖອຍ, ການພັດທະນາຢຸດສະຫງັກ.

ນອກຈາກນີ້, ຜົນກະທົບທີ່ເກີດຈາກຄວາມຂັດແຍ່ງລະຫວ່າງ ຣັດເຊຍ – ອູແກຣນ ຍິ່ງຊ້ຳຕື່ມໃຫ້ເສດຖະກິດໂລກຊະລໍຕົວລົງຢ່າງຕໍ່ເນື່ອງ ເຮັດໃຫ້ການຟື້ນຕົວຈາກໂຄວິດຍາກຂຶ້ນອີກລະດັບໜຶ່ງ.

Related Posts

Leave a Reply

Your email address will not be published. Required fields are marked *