ຫລວງພະບາງ ແຈ້ງປິດຊົ່ວຄາວ ສະຖານທີ່ບັນເທີງ-ຮ້ານຄາລະໂອເກະ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ຫລວງພະບາງ ແຈ້ງປິດຊົ່ວຄາວ ສະຖານທີ່ບັນເທີງ-ຮ້ານຄາລະໂອເກະ

ຮ້ານກິນດື່ມທີ່ມີການບໍລິການສິ່ງມືນເມົາ ແຕ່ ວັນທີ 4 ເມສາເປັນຕົ້ນໄປ

ຂປລ. ຄະນະສະເພາະກິດເພື່ອປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດໂຄວິດ-19 ແຂວງຫລວງພະບາງ ອອກແຈ້ງການເພີ່ມຕື່ມ ໃນໄລຍະຕັ້ງແຕ່ ວັນທີ 4 ເມສາ 2022 ເປັນຕົ້ນໄປ

ໃຫ້ປິດ (ຊົ່ວຄາວ) ສະຖານທີ່ບັນເທີງ, ຮ້ານຄະລະໂອເກະ, ຮ້ານກິນດື່ມທີ່ມີການບໍລິການສິ່ງມືນເມົາ (ທາດເຫລົ້າ), ຖ້າພາກສ່ວນໃດຫາກມີການຝ່າຝືນ ຈະໄດ້ປະຕິບັດຕາມລະບຽບຕາມລະບຽບກົດໝາຍ.

ພ້ອມກັນນີ້, ການສະເຫລີມສະຫລອງບຸນປີໃໝ່ ແມ່ນໃຫ້ອີງໃສ່ສະພາບການລະບາດ ຂອງພະຍາດໃນແຕ່ລະບ່ອນ ແລະ ໃຫ້ແຕ່ລະພາກສ່ວນປະເມີນສະພາບ ແລະ ການກະກຽມຮັບມືຕໍ່ການລະບາດທີ່ຈະເກີດຂຶ້ນ, ສິ່ງສຳຄັນໃນການສະເຫລີມສະຫລອງບຸນປີໃໝ່ ລາວ ພສ 2565, ຄສ 2022 ແມ່ນໃຫ້ປະຕິບັດຕາມມາດຕະການຂອງຄະນະສະເພາະກິດວາງອອກຢ່າງເຄັ່ງຄັດ,

ສືບຕໍ່ຄຸ້ມຄອງກໍລະນີ ແລະ ແກ້ໄຂສະພາບການລະບາດຂອງພະຍາດ, ມາດຕະການ, ສືບສວນ-ສອບສວນ, ເກັບຕົວຢ່າງກວດກາຫາເຊື້ອໃຫ້ໄວໃນເມືອງທີ່ມີການລະບາດໃນຊຸມຊົນ, ເຝົ້າລະວັງຄຸມເຂັ້ມມາດຕະການປ້ອງກັນການຕິດເຊື້ອ ເປັນຕົ້ນ ເພີ່ມທະວີຄວາມເອົາໃຈໃສ່ຂອງຄະນະສະເພາະກິດແຕ່ລະຂັ້ນ, ອຳນາດການປົກຄອງຂັ້ນຕ່າງໆ ເອົາໃຈໃສ່ໂຄສະນາປຸກລະດົມໃຫ້ທົ່ວສັງຄົມ

ເປັນເຈົ້າການໃນການປ້ອງກັນຕົນເອງ ໂດຍສະເພາະການປະຕິບັດມາດຕະການປ້ອງກັນການຕິດເຊື້ອເຊັ່ນ: ການໃສ່ຜ້າອັດປາກ-ດັງ, ໝັ່ນລ້າງມືໃສ່ສະບູ ຫລື ເຈວລ້າງມືຂ້າເຊື້ອເປັນປະຈຳ, ຫລີກລ້ຽງການເດີນທາງໄປຍັງເຂດທີ່ມີຄວາມສ່ຽງ ຫລື ແອອັດ, ຮັກສາໄລຍະຫ່າງທາງສັງຄົມຢ່າງເຂັ້ມງວດ

ຫ່າງກັນ 2 ແມັດ, ສຳລັບສຳນັກງານ-ອົງການຂອງລັດ, ຫ້າງຮ້ານເອກະຊົນຕ່າງໆ ແມ່ນໃຫ້ເອົາໃຈໃສ່ເປັນເຈົ້າການເຮັດອານາໄມຂ້າເຊື້ອ ຕາມຫລັກການດ້ວຍຕົນເອງ, ສ່ວນທີມງານຂອງແຂວງ, ເມືອງ, ນະຄອນ ພວກເຮົາ ແມ່ນຈະເລັ່ງໃສ່ອານາໄມສະຖານທີ່, ທີ່ມີຄວາມສ່ຽງສູງເທົ່ານັ້ນ.

ການຫລິ້ນບຸນປີໃໝ່ຕ້ອງປະຢັດມັດທະຍັດ, ມີຄວາມສະຫົງບ ປອດໄພ ແລະ ເປັນລະບຽບຮຽບຮ້ອຍ, ສະຫລອງຕາມຮີດຄອງປະເພນີດັ້ງເດີມທີ່ເຄີຍປະຕິບັດຜ່ານມາ ຂອງປູ່ຍ່າຕາຍາຍເຊັ່ນ: ການສັກກະລະບູຊາ, ສົງນ້ຳພະ ແລະ ບາສີສູ່ຂວັນພາຍໃນຄອບຄົວ, ບໍ່ ຊຸມແຊວແອອັດ ເຮັດໃຫ້ເກີດມີການແພ່ລະບາດເປັນວົງກວ້າງ ແລະ ປະຕິບັດຕາມາດຕະ ການຂອງຄະນະສະເພາະກິດຢ່າງເຂັ້ມງວດ;

ຫ້າມຢູ່ຕາມແຕ່ລະຄອບຄົວ, ບ້ານ, ເມືອງ, ນະຄອນ, ສຳນັກງານອົງການຕ່າງໆຈັດກິດຈະກຳຕ່າງໆ ທີ່ມີຄົນເຕົ້າໂຮມຊຸມນຸມຢ່າງຫລວງຫລາຍ ເຊັ່ນ: ງານອວຍພອນ, ງານລ້ຽງ, ງານພົບປະສ້າງສັນ, ງານດອງ, ງານບຸນ ແລະ ເຮືອນດີ; ເອົາໃຈໃສ່ເພີ່ມອັດຕາສັກຢາວັກຊິນປ້ອງກັນພະຍາດໃຫ້ສູງ ແມ່ນມາດຕະການໜຶ່ງທີ່ສາມາດປ້ອງກັນການລະບາດພະຍາດໃນຊຸມຊົນ ແລະ ແມ່ນມາດຕະການການປ້ອງກັນຍາວນານ;

ສ່ວນບ້ານ ຢູ່ໃນນະຄອນ ແລະ ເມືອງທີ່ຕິດພັນກັບການທ່ອງທ່ຽວ ແມ່ນສາມາດສັກຄົບໄດ້ 95% ຂຶ້ນໄປ, ພະນັກງານທີ່ເຮັດວຽກບໍລິການຢູ່ຕາມສະຖານທີ່ທ່ອງທ່ຽວ ເຊັ່ນ: ໂຮງແຮມ, ບ້ານພັກ, ລົດບໍລິການ, ເຮືອ, ຮ້ານອາຫານ ຕ້ອງໄດ້ສັກວັກຊິນປ້ອງກັນ ໂຄວິດ-19 ຄົບ.

ພ້ອມກັນນີ້, ໃຫ້ພໍ່ແມ່ປະຊາຊົນບັນດາເຜົ່າ, ພະນັກງານ, ທະຫານ, ຕຳຫລວດ, ບັນ ດາທະນາຄານຕ່າງໆ, ນັກຮຽນ, ນັກສຶກສາ, ບັນດາພະແນກການ, ຫ້ອງການໃຫ້ເອົາໃຈ ໃສ່ຈັດເລັ່ງໃຫ້ພະນັກງານຂອງຕົນເອງທີ່ຍັງບໍ່ທັນໄດ້ ສັກຢາຄົບ 2 ເຂັ້ມ ຫລື ຄົບໂດສ ແລະ ເຂັ້ມກະຕຸ້ນ 3-4 ເຂັມ ແມ່ນໃຫ້ໄປສັກຕາມຈຸດທີ່ກຳນົດໄວ້ໃຫ້ຄົບ; ສຳລັບນັກທ່ອງທ່ຽວທີ່ເຂົ້າມາຜ່ານດ່ານສາກົນສະໜາມບິນຫລວງພະບາງ ແມ່ນຈະມີການກວດກາ, ຄຸ້ມຄອງມີລົດຮັບ-ສົ່ງ ຈາກສະໜາມບິນຫາສະຖານທີ່ພັກເຊົາ,

ຫລັງຈາກນັ້ນທີມງານແພດຈະໄດ້ລົງເກັບຕົວຢ່າງຢູ່ກັບໂຮງແຮມ (ບ່ອນທີ່ເຂົາເຈົ້າພັກເຊົາ) ແລະ ສົ່ງມາກວດດ້ວຍເຄື່ອງ RT-PCR ແລະ ລໍຖ້າຜົນກວດພາຍໃນ 24-48 ຊົ່ວໂມງ, ຖ້າເປັນຜົນລົບ (Negative) ກໍຈະອະນຸຍາດອອກໄປທ່ອງທ່ຽວຕາມເຂດສີຂຽວ, ແຕ່ຖ້າເປັນຜົນບວກ (Prositive) ກໍຈະໄດ້ແຍກໄປຈຳກັດບໍລິເວນເປັນເວລາ 10 ວັນ ທີ່ທາງຄະນະສະເພາະກິດໄດ້ກະກຽມໄວ້ ຕາມຄວາມເໝາະສົມ.

….

Related Posts

Leave a Reply

Your email address will not be published. Required fields are marked *