ການແຈ້ງຜົນກວດ ໂຄວິດ-19 ປອມ ມີຄວາມຜິດ ທາງກົດໝາຍ ໃນຂໍ້ຫາ ເຈດຕະນາຫລອກລວງຜູ້ອື່ນ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ການແຈ້ງຜົນກວດ ໂຄວິດ-19 ປອມ ມີຄວາມຜິດ ທາງກົດໝາຍ ໃນຂໍ້ຫາ ເຈດຕະນາຫລອກລວງຜູ້ອື່ນ

ຂປລ. ປັດຈຸບັນ, ຫລາຍອົງການທັງພາກລັດ ແລະ ເອກະຊົນ ກັງວົນເລື່ອງການແພ່ລະບາດຂອງພະຍາດ ໂຄວິດ-19 ໂດຍສະເພາະແມ່ນສາຍພັນ ໂອໄມຄຣອນ ທີ່ມີການ ລະບາດໄວກວ່າສາຍພັນອື່ນ

ເຊິ່ງກ່າຍເປັນຊ່ອງວ່າງໃຫ້ກຸ່ມຄົນທີ່ມີແນວຄິດບໍ່ດີຈຳນວນໜຶ່ງ ສວຍໂອກາດສົ່ງຜົນກວດ ໂຄວິດປອມ ເພື່ອສວຍໂອກາດຢາກພັກວຽກ ແລະ ໄດ້ເງິນປະກັນ ໂດຍບໍ່ຄຳນຶງເຖິງຜົນກະທົບກັບຜູ້ປ່ວຍໂຄວິດ ຕົວຈິງ ເຊິ່ງການກະທຳດັ່ງກ່າວແມ່ນ ມີຄວາມຜິດທາງກົດໝາຍ

ໃນຂໍ້ຫາ ເຈດຕະນາຫລອກລວງຜູ້ອື່ນ ໂດຍສະແດງຂໍ້ມູນທາງ ດິຈິຕອນ ທີ່ບໍ່ມີມູນຄວາມຈິງ, ລວມເຖິງຜົນໃນທາງປະຕິບັດອື່ນໆ ເຊັ່ນ: ການຖືກໄລ່ອອກ, ການບໍ່ຈ່າຍຄ່າແຮງງານ ໄປຈົນເຖິງການຂຶ້ນບັນຊີດຳ ໃນກຸ່ມທຸລະກິດປະກັນໄພ ແລະ ປະກັນສຸຂະພາບ.

ປັດຈຸບັນ, ສປປ ລາວ ກໍາລັງປະເຊີນກັບການລະບາດສາຍພັນ ໂອໄມຄຣອນ ເຮັດໃຫ້ຍອດຜູ້ຕິດເຊື້ອໃໝ່ລາຍວັນສະເລ່ຍສູງເຖິງ 2.000 ກວ່າຄົນ ນັບວ່າເປັນຕົວເລກທີ່ສູງຫລາຍນັບຕັ້ງແຕ່ມີການລະບາດໂຄວິດ-19

ເປັນຕົ້ນມາ, ຂະນະດຽວກັນ ກໍມີຄົນຈຳນວນໜຶ່ງສວຍໃຊ້ໂອກາດນີ້ ຕົວະຜົນກວດໂຄວິດ ຂອງຕົນເພື່ອທີ່ຈະໄດ້ພັກວຽກຍາວ ຫລື ຫວັງເອົາເງິນຊ່ວຍເຫລືອ ແລະ ເງິນປະກັນ.

ຈາກຜົນກະທົບດັ່ງກ່າວ, ເຮັດໃຫ້ຜູ້ຕິດເຊື້ອຕົວຈິງ ຕ້ອງຮັບພາລະເພີ່ມ ທັງການຍືນຢັນການກວດຊ້ຳຫລາຍຄັ້ງ ແລະ ການຖືກກວດສອບຄວາມຈິງຫລາຍຄັ້ງໂດຍບໍ່ຈຳເປັນ, ລວມເຖິງໄດ້ຮັບເງິນປະກັນຊັກຊ້າ ເນື່ອງຈາກ ບໍລິສັດທີ່ຮັບປະກັນ ຕ້ອງໃຊ້ເປັນຂໍ້ອ້າງ ເພື່ອກວດສອບຫລັກຖານທີ່ໃຊ້ດົນຂຶ້ນກວ່າເກົ່າ.

ສໍາລັບ ການປອມແປງຜົນກວດ ໂຄວິດ ໃນປັດຈຸບັນ ເກີດຂຶ້ນໄດ້ທັງສອງແບບ ຄື ການປອມຜົນກວດຈາກຊຸດກວດແບບໄວ (ATK) ແລະ ປອມຜົນກວດຈາກໂຮງໝໍ (RT-PCR) ເຊິ່ງທັງສອງແບບ ມີວິທີການທີ່ແຕກຕ່າງກັນໄປ ເຊິ່ງເຫດການດັ່ງກ່າວແມ່ນກົງກັບ ພຶດຕິກໍາທີ່ເປັນອາຊະຍາກຳທາງລະບົບຄອມພິວເຕີ ຕາມກົດໝາຍວ່າດ້ວຍ ການຕ້ານ ແລະ ສະກັດກັ້ນ ອາຊະຍາກຳທາງລະບົບຄອມພິວເຕີ ແລະ ຜູ້ທີ່ລະເມີດກົດໝາຍ.

ສຳລັບ ການປອມແປງຂໍ້ມູນທາງຄອມພິວເຕີ ຈະຖືກລົງໂທດຕັດອິດສະລະພາບແຕ່ ໜຶ່ງປີ ຫາ ຫ້າປີ ແລະ ຈະຖືກປັບໃໝແຕ່ 5.000.000 ກີບ ຫາ 30.000.000 ກີບ ແລະ ການດຳເນີນກິດຈະການ ກ່ຽວກັບເຄື່ອງມືອາຊະຍາກທາງລະບົບຄອມພິວເຕີ

ຈະຖືກຕັດອິດສະລະພາບແຕ່ ສາມປີ ຫາ ຫ້າປີ ແລະ ຈະຖືກປັບໃໝແຕ່ 10. 000. 000 ກີບ ຫາ 50.000.000 ກີບ.

ຂ່າວ: ສູກສະຫວັດ ສົມສະໜິດ

ຂໍ້ມູນ: InsideLao

Related Posts

Leave a Reply

Your email address will not be published. Required fields are marked *