ທູດຣັດເຊຍ ປະຈໍາລາວ​ຖະແຫຼງ​ ກຸ່ມຊາດນິຍົມຢູເຄຣນກໍາລັງນໍາໃຊ້ການກະຕຸ້ນ, ການເຜີຍແຜ່ຂ່າວທີ່ບໍ່ມີມູນຄວາມຈິງ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ທູດຣັດເຊຍ ປະຈໍາລາວ​ຖະແຫຼງ​ ກຸ່ມຊາດນິຍົມຢູເຄຣນກໍາລັງນໍາໃຊ້ການກະຕຸ້ນ, ການເຜີຍແຜ່ຂ່າວທີ່ບໍ່ມີມູນຄວາມຈິງ

ວັນທີ 11 ເມສາ 2022 ນີ້, ທ່ານ ດານິລ ອາ ໂວໂດປີອານອບ ເລຂານຸການຕີ ປະຈຳສະຖານທູດ ສ ຣັດເຊຍ ປະຈຳ ສປປ ລາວ ໄດ້ຖະແຫຼງກ່ຽວກັບສະພາບການໃນປະເທດຢູເຄຣນ ເຊິ່ງປັດຈຸດບັນກໍາລັງປະກອບອາວຸດຂອງຣັດເຊຍ ໄດ້ສືບຕໍ່ດໍາເນີນການເຄື່ອນໄຫວພິເສດທາງການທະຫານຢູ່ຢູເຄຣນ,

ກອງທັບຣັດເຊຍ ກໍາລັງເຮັດທຸກສິ່ງທຸກຢ່າງເພື່ອຫຼີກເວັ້ນບໍ່ໃຫ້ພົນລະເຮືອນເສຍຊີວິດ ໂດຍຈະບໍ່ໄດ້ໂຈມຕີເປົ້າໝາຍທີ່ເປັນພົນລະເຮືອນ ຄະນະດຽວກັນຍັງເປີດແລວທາງດ້ານມະນຸດສະທໍາປະຈໍາວັນ ເພື່ອໃຫ້ປະຊາຊົນສາມາດອອກຈາກພື້ນທີ່ອັນຕະລາຍ.

ທ່ານ ດານິລ ອາ ໂວໂດປີອານອບ ໄດ້ໃຫ້ຮູ້ອີກວ່າ: ປັດຈຸບັນ ກຸ່ມຊາດນິຍົມຢູເຄຣນ ກໍາລັງນໍາໃຊ້ການກະຕຸ້ນ, ການເຜີຍແຜ່ຂ່າວທີ່ບໍ່ມີມູນຄວາມຈິງ ເປັນເຄື່ອງມືເພື່ອກ່າວຫາຣັດເຊຍ ໃນການກໍ່ອາຊະຍາກຳສົງຄາມ, ພວກເຂົາສືບຕໍ່ກະທໍາຜິດຕໍ່ທັງພົນລະເມືອງຂອງຕົນເອງ ແລະ ສະເລີຍເສິກ ໂດຍແຜ່ຂ່າວປອມທີ່ໂຫດຮ້າຍ ວ່າເປັນການກະທໍາຂອງຣັດເຊຍ.

ຢ່າງໃດກໍຕາມ, ນັບຕັ້ງແຕ່ການເຄື່ອນໄຫວພິເສດທາງການທະຫານ ມີຜູ້ອົບພະ ຍົບໄປຍັງຣັດເຊຍ 620 ພັນກວ່າຄົນ, ໃນນັ້ນມີເດັກນ້ອຍ 122 ພັນກວ່າຄົນ. ໃນຈຳນວນຜູ້ອົບພະຍົບນັ້ນ ມີພົນລະເມືອງຕ່າງປະເທດ 9.274 ຄົນທີ່ມາຈາກ 45 ປະເທດ, ນັບແຕ່ວັນທີ 2 ມີນານີ້, ສະຫະພັນຣັດເຊຍ ໄດ້ສົ່ງສິນຄ້າມະນຸດສະທໍາຫຼາຍກວ່າ 8,5 ພັນໂຕນ ໄປຍັງອູແກຣນ ແລະ ໄດ້ດໍາເນີນການດ້ານມະນຸດສະທໍາຢ່າງໜ້ອຍ 757 ຄັ້ງ.

ການເຄື່ອນໄຫວພິເສດທາງການທະຫານຂອງ ຣັດເຊຍ ພວມດໍາເນີນຢູ່ຢູເຄຣນ ບໍ່ພຽງແຕ່ເພື່ອຢຸດຕິການປະທະກັນທີ່ແກ່ຍາວຢູ່ ດອນບັດ(Donbass) ເທົ່ານັ້ນ, ຫາກຍັງເພື່ອຮັບປະກັນວ່າ ບັນດາກຸ່ມ ນາຊີໃໝ່ ຈະບໍ່ສາມາດມີອິດທິພົນຕໍ່ຂະບວນການຕັດສິນໃຈໃນປະເທດ.

ພວກເຮົາສັງເກດວ່າວຽກງານ ຕົ້ນຕໍຂອງການເຄື່ອນໄຫວພິເສດຈະສໍາເລັດ, ພ້ອມກັນນັ້ນ, ຣັດເຊຍ ຈະສືບຕໍ່ເຮັດຈົນສຸດຄວາມສາມາດ ເພື່ອກອບກູ້ຊີວິດຂອງພົນລະເຮືອນ.

ຂ່າວຈາກ: Laonew

Related Posts

Leave a Reply

Your email address will not be published. Required fields are marked *