ຜູ້ໂດຍສານນຳໃຊ້ລົດໄຟໃນໄລຍະປີໃໝ່ບັນລຸຕົວເລກສູງສຸດ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ຜູ້ໂດຍສານນຳໃຊ້ລົດໄຟໃນໄລຍະປີໃໝ່ບັນລຸຕົວເລກສູງສຸດ

ໃນ​ວັນ​ທີ 13 ​ເມສາ​ 2022 ແມ່ນວັນທີ່ປະຊາຊົນລາວເລີ່ມສະຫຼອງປີໃໝ່ລາວ, ລົດໄຟທຳມະດາ, ຄວາມໄວ 120 ກິໂລແມັດ/ຊົ່ວໂມງ ກໍໄດ້ເປີດນຳໃຊ້ຢ່າງເປັນທາງການ, ພ້ອມດຽວກັນນັ້ນກໍໄດ້ເພີ່ມຖ້ຽວລົດໄຟ EMU ລະຫວ່າງນະຄອນຫຼວງວຽງຈັນ ຫາ ຫຼວງພະບາງ 2 ຂະບວນ ແລະ ລົດໄຟ EMU ທີ່ແລ່ນລະຫວ່າງວຽງຈັນ ຫາ ເມືອງໄຊ 2 ຂະບວນ.

ມາ​ຮອດ​ປະຈຸ​ບັນ, ລົດໄຟລາວ-ຈີນໄດ້ບັນລຸການແລ່ນລົດໄຟ EMU 4 ຖ້ຽວໄປກັບ ແລະ ລົດໄຟທຳມະດາ 1 ຖ້ຽວໄປກັບຕໍ່ມື້. ນີ້​ເປັນ​ຂີດ​ໝາຍໃໝ່ຂອງລົດໄຟລາວ-ຈີນໃນການກ້າວເຂົ້າສູ່ໄລຍະຂອງ​ການ​ດຳເນີນດຳເນີນທຸລະກິດໃນຫຼາຍຮູບແບບ,ເພື່ອ ຮອງຮັບຜູ້​ໂດຍສານ​ໄດ້​ເພີ່ມຂຶ້ນ, ​

ຈາກຄວາມຕ້ອງການໃນການຂົນສົ່ງໂດຍສານ ແລະ ສິນຄ້າ, ບໍລິສັດລົດໄຟລາວ-ຈີນ ສົມທົບກັບອົງການປ້ອງກັນ ແລະ ຄວບຄຸມການລະບາດໂຄວິດ-19, ໄດ້ຕົກລົງປັບຖ້ຽວຂະບວນລົດໄຟຈາກນະຄອນຫຼວງວຽງຈັນ-ຫຼວງພະບາງຈາກ 3 ມື້ຕໍ່ອາທິດໃຫ້ແລ່ນທຸກມື້.

ບໍລິສັດລົດໄຟລາວ-ຈີນໃຫ້ຮູ້ຕື່ມອີກວ່າ:​ ມາ​ຮອດ​ວັນ​ທີ 10 ​ເມສາ​ນີ້, ໄດ້ມີການໃຫ້ບໍລິການລົດໄຟ EMU ແລ້ວ 468 ​ຖ້ຽວ, ຂົນສົ່ງ​ຜູ້​ໂດຍສານ 244.400 ຄົນ, ຈໍານວນການຂົນສົ່ງຜູ້ໂດຍສານສູງສຸດຕໍ່ມື້ແມ່ນ 3.160 ຄົນແລະລົດ​ໄຟ​ຂົນ​ສົ່ງ​ສິນຄ້າ​ຂ້າມ​​ແດນບັນລຸ589 ​ຂະບວນ, ​ສົ່ງ​ສິນຄ້າ​ໄດ້ 365.400 ​ໂຕນ,

ນັບຕັ້ງແຕ່ເປີດນຳໃຊລົດໄຟເປັນຕົ້ນມາໄດ້ມີການຂົນສົ່ງສິນຄ້າປະເພດຕ່າງໆເຊັ່ນ: ຢາງພາລາ, ຝຸ່ນຊີວະພາບ, ເຄື່ອງໃຊ້ໃນຊີວິດປະຈຳວັນໄປຈົນເຖິງເຄື່ອງເອເລັກໂທຣນິກ, ໄຟຟ້າ, ເຄື່ອງມືການສື່ສານ, ລົດຍົນ, ແຜ່ນແພ, ຜັກ, ດອກໄມ້ ແລະ ອື່ນໆລວມກວ່າ 100​ ຊະນິດ.

Related Posts

Leave a Reply

Your email address will not be published. Required fields are marked *