ໄບເດັນ ປະກາດຢ່າງຊັດເຈນຈະບໍ່ມີການສົ່ງທະຫານເພື່ອໄປຊ່ວຍຢູເຄຣນ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ໄບເດັນ ປະກາດຢ່າງຊັດເຈນຈະບໍ່ມີການສົ່ງທະຫານເພື່ອໄປຊ່ວຍຢູເຄຣນ

ນັກການເມືອງຫົວອະນຸລັກນິຍົມ, ຫົວກ້າວໜ້າ ເປັນຫ່ວງ ກ່ຽວກັບ ການຂໍຄວາມຊ່ວຍເຫຼືອຂອງທ່ານ ໄບເດັນ ຕໍ່ ຢູເຄຣນ ປະທານາທິບໍດີ ສະຫະລັດ ທ່ານ ໂຈ ໄບເດັນ ໄດ້ຮັບການສະໜັບສະໜູນທີ່ແຂງແກ່ນຈາກສອງພັກການເມືອງ

ໃນສະພາສຳລັບການຮ້ອງຂໍການຊ່ວຍເຫຼືອ 33 ຕື້ໂດລາຄັ້ງຫຼ້າສຸດຂອງທ່ານສຳລັບ ຢູເຄຣນ, ນອກຈາກເງິນ 13.6 ຕື້ໂດລາໃນການຊ່ວຍເຫຼືອດ້ານເສດຖະກິດ, ມະນຸດສະທຳ ແລະ ທະຫານທີ່ໄດ້ສົ່ງໄປໃຫ້ແລ້ວຕົ້ນປີນີ້.

ໃນການຢ້ຽມຢາມ ຢູເຄຣນ ແລະ ໂປແລນ ເມື່ອບໍ່ດົນມານີ້, ປະທານສະພາຕ່ຳທ່ານນາງ ແນນຊີ ເພໂລຊີ ໄດ້ກ່າວວ່າລັດຖະສະພາໄດ້ເຮັດວຽກຢ່າງວ່ອງໄວເພື່ອຮັບຜ່ານການຮ້ອງຂໍຂອງທ່ານໄບເດັນ, ໂດຍເອີ້ນຂໍ້ສະເໜີການຊ່ວຍເຫຼືອດັ່ງກ່າວວ່າ “ເງິນຈຳນວນຫຼວງຫຼາຍ” ທີ່ບັນດາສະມາຊິກສະພາ “ພູມໃຈຫຼາຍ” ທີ່ຈະສະໜອງໃຫ້.

ແຕ່ມີນັກການເມືອງຈຳນວນນຶ່ງຈາກທັງສອງພັກ ຝ່າຍຂວາ ແລະ ຊ້າຍໄດ້ສະແດງຄວາມເປັນຫ່ວງ ກ່ຽວກັບ ການຂະຫຍາຍອຳນາດຂອງປະທານາທິບໍດີເພື່ອສະໜັບສະໜູນຄວາມຂັດແຍ້ງໃນຢູໂຣບ. ໃນຂະນະທີ່ທ່ານ ໄບເດັນ ໄດ້ໃຫ້ຄວາມກະຈ່າງແຈ້ງວ່າ ສະຫະລັດ ຈະບໍ່ມີວັນສົ່ງກອງກຳລັງພາກພື້ນດິນໄປຢູເຄຣນ ເພື່ອຕໍ່ຕ້ານ ຣັດເຊຍ ຢ່າງເປີດເຜີຍ,

ເຊິ່ງການຊ່ວຍເຫຼືອຂະໜາດໃຫຍ່ດັ່ງກ່າວໄດ້ນຳເອົາຄຳຖາມຕ່າງໆກັບຄືນມາ ກ່ຽວກັບ ອຳນາດດ້ານສົງຄາມຂອງປະທານາທິບໍດີ ແລະ ຂອບເຂດໃນການມີສ່ວນຮ່ວມຂອງ ອາເມຣິກາ ໃນຕ່າງປະເທດລຸນຫຼັງສົງຄາມສອງທົດສະວັດໃນ ອັຟການິສຖານ ແລະ ອີຣັກ.

ສະມາຊິກສະພາຕ່ຳສັງກັດພັກຣີພັບບລີກັນ 10 ຄົນຈາກ 206 ຄົນໄດ້ລົງຄະແນນສຽງຄັດຄ້ານຕໍ່ກົດໝາຍຢືມ ຫຼື ເຊົ່າ, ເຊິ່ງແມ່ນກົດໝາຍນິຕິບັນຍັດທີ່ໄດ້ຫຼຸດຜ່ອນຂໍ້ຫ້າມຕ່າງໆຕໍ່ຄວາມສາມາດຂອງທ່ານໄບເດັນ ທີ່ຈະສົ່ງອາວຸດຂອງສະຫະລັດ ໄປໃຫ້ຢູເຄຣນ. ບໍ່ມີສະມາຊິກພັກເດໂມແຄຣັດຄົນໃດລົງຄະແນນສຽງຄັດຄ້ານຕໍ່ຮ່າງກົດໝາຍນັ້ນ.

ສະມາຊິກສະພາຫົວອະນຸລັກນິຍົມ ທ່ານ ທອມມາສ ມາສຊີ (Thomas Massie) ໄດ້ອະທິບາຍການລົງຄະແນນສຽງຄັດຄ້ານຕໍ່ກົດໝາຍ ຢືມ ຫຼື ເຊົ່ານັ້ນ, ໂດຍເວົ້າວ່າພາສາຂອງກົດໝາຍນິຕິບັນຍັດດັ່ງກ່າວໄດ້ອະທິບາຍ ກ່ຽວກັບ ອາວຸດປ້ອງກັນຕ່າງໆຢ່າງກວ້າງຂວາງໂພດ.

ທ່ານໄດ້ຂຽນຂໍ້ຄວາມລົງທວິດເຕີວ່າ “ສະພາຫາກໍ່ອະນຸຍາດໃຫ້ທ່ານ ໄບເດັນ ສົ່ງອາວຸດສົງຄາມເກືອບຈະແມ່ນທຸກປະເພດ, ນອກຈາກອາວຸດນິວເຄລຍໄປໃຫ້ຢູເຄຣນ. ເປັນບ້າແລ້ວ!”

ພວກຜູ້ຄັດຄ້ານຕໍ່ກົດໝາຍຢືມຫຼືເຊົ່າຍັງໄດ້ສະແດງຄວາມເປັນຫ່ວງວ່າ ການຫຼັ່ງໄຫຼຂອງອາວຸດໄປຢູເຄຣນ ອາດເຮັດໃຫ້ຄັງອາວຸດຂອງສະຫະລັດຫຼຸດລົງ. ເຂົາເຈົ້າເວົ້າວ່າການຊ່ວຍເຫຼືອຂະໜາດໃຫຍ່ຕໍ່ຢູເຄຣນ ຄວນຖືກພິຈາລະນາຢ່າງລະມັດລະວັງກວ່ານີ້ ເມື່ອມັນມີບັນຫາພາຍໃນປະເທດ ກ່ຽວກັບ ຄ່າໃຊ້ຈ່າຍທີ່ສູງຂຶ້ນຍ້ອນອັດຕາເງິນເຟີ້.

ທີ່ມາ: Voa

Related Posts

Leave a Reply

Your email address will not be published. Required fields are marked *