ໜັກໜ່ວງ! ເມືອງຄົງເຊໂດນ ແຂວງສາລະວັນ ຖືກຜົນກະທົບຈາກພາຍຸ 113 ຄອບຄົວ.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ການ​ນຳກະຊວງ ຮສສ ເຄື່ອນໄຫວເຮັດວຽກຢູ່ເມືອງຄົງເຊໂດນ

ຫວ່າງບໍ່ດົນມານີ້ ທີ່ຫ້ອງວ່າການປົກຄອງເມືອງຄົງເຊໂດນ ແຂວງສາລະວັນ, ການ​ນຳ ກະ​ຊວງແຮງງານ ແລະ ສະຫວັດດີການສັງຄົມ (ຮ​ສ​ສ) ຊຶ່ງທ່ານ ພົງໄຊສັກ ອິນຖະລາດ ຮອງລັດຖະມົນຕີກະຊວງ ຮ​ສ​ສ ພ້ອມ​ຄະ​ນະ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ເມືອງຄົງເຊໂດນ

ໂດຍການຕ້ອນຮັບຂອງ ທ່ານ ແຫວນເພັດ ລັດດາວົງ ຫົວໜ້າຄະນະຈັດຕັ້ງແຂວງສາລະວັນ, ທ່ານ ຄໍາເຜືອ ຄູນນິດໃສ ຮອງເຈົ້າເມືອງຄົງເຊໂດນ ຜູ້ຊີ້ນໍາຂົງເຂດວຽກງານວັດທະນະທຳ-ສັງຄົມ ທັງແມ່ນຄະນະປະທານຕ້ານໄພພິບັດຂັ້ນເມືອງ, ມີບັນດາທ່ານພະແນກການທີ່ກ່ຽວຂ້ອງຂັ້ນແຂວງ ແລະ ເມືອງເຂົ້າຮ່ວມ.

ການເຄື່ອນໄຫວຢ້ຽມຢາມຄັ້ງນີ້, ໄດ້ຮັບຟັງການລາຍງານໂດຍຫຍໍ້ກ່ຽວກັບຜົນເສຍຫາຍຈາກລົມພາຍຸພັດ ໃນວັນທີ 29 ເມສາ 2022, ບ້ານທີ່ໄດ້ຖືກຜົນກະທົບຈາກລົມພາຍຸພັດມີ 17 ບ້ານ, 1 ສໍານັກງານ ມີ 113 ຫຼັງຄາເຮືອນ, ມີຈໍານວນຄອບຄົວທັງໝົດ 113 ຄອບຄົວ, ມີຈໍານວນພົນ 632 ຄົນ ຍິງ 298 ຄົນ, ເສຍຫາຍໜັກມີ 2 ບ້ານ, ມີ 1 ໂຮງຮຽນ.

ໃນນີ້, ມີບ້ານບຶງກາງ, ບ້ານໜອງເກາະຊອງ ແລະ ໂຮງຮຽນບ້ານກຸດມີໄຊ ຊຶ່ງລວມມູນຄ່າເສຍຫາຍທັງໝົດ 153 ລ້ານກ່ວາກີບ.

ຈາກນັ້ນ, ທ່ານຮອງລັດຖະມົນຕີ ກໍໄດ້ມີຄຳເຫັນໂອ້ລົມຕໍ່ພະນັກງານການນໍາຂັ້ນເມືອງ ຈົ່ງໄດ້ເອົາໃຈໃສ່ລົງຕິດຕາມຢ່າງໃກ້ຊິດ ໃຫ້ການຊ່ວຍເຫຼືອໃຫ້ແກ່ຄອບຄົວຜູ້ທີ່ຖືກຜົນກະທົບຈາກລົມພາຍຸພັດ ຢ່າງທັນການ ແລະ ອີກຢ່າງໜຶ່ງກໍເປັນການສ້າງຂວັນກຳລັງໃຈໃຫ້ກັບພໍ່ແມ່ປະຊາຊົນໄດ້ມີກຳລັງໃຈສູ້ຕໍ່ໄປ, ພ້ອມທັງຮ່ວມແຮງຮ່ວມໃຈໃຫ້​ການຊ່ວຍເຫຼືອຊຶ່ງກັນ ແລະ ກັນ.

ຈາກນັ້ນ, ທ່ານຮອງລັດຖະມົນຕີກະຊວງ ຮ​ສ​ສ ກໍໄດ້ມອບສັງກະສີ 300 ແຜ່ນ ແລະ ເຫຼັກຕະປູ 50 ກັບ ລວມມູນຄ່າ 11 ລ້ານກວ່າກີບ ມອບໃຫ້ການນຳຂັ້ນເມືອງ ເພື່ອນຳໄປແຈກຢາຍໃຫ້ພໍ່ແມ່ປະຊາຊົນຜູ້ທີ່ຖືກຜົນກະທົບຈາກລົມພາຍຸພັດ ໃນໄລຍະເບື້ອງຕົ້ນ.

(ຂ່າວ-ພາບ: ສາ​ລະ​ວັນ)

Related Posts

Leave a Reply

Your email address will not be published. Required fields are marked *