ບຸນນ້ຳມັນ”

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ໃນຕົ້ນອາທິດທີ່ຜ່ານມາບັນຫາທີ່ພົ້ນເດັານທີ່ສຸດກໍຄືມີ ປປຊ ຈຳນວນຫຼາຍອັ່ງອໍກັນໄປຕື່ມນ້ຳມັນຈົນມີຄຳສັບໃໝ່ເກີດຂຶ້ນວ່າ: “ບຸນນ້ຳມັນ”.

🚩”ບຸນນ້ຳມັນ”ເກີດຂຶ້ນໄດ້ແນວໃດ?

1. ຂາດເງິນຕາຕ່າງປະເທດໝູນວຽນຢູ່ໃນລະບົບການເງິນ, ເຮັດໃຫ້ເງິນກີບອ່ອນຄ່າ, ບໍລິສັດຜູ້ນຳເຂົ້ານ້ຳມັນຈຳຕ້ອງນຳເຂົ້າໜ້ອຍລົງ.

2. ບັນຫາຂອງສົງຄາມເຮັດໃຫ້ລາຄານ້ຳມັນຕະຫຼາດໂລກຖີບຕົວສູງຂຶ້ນ .

🚩”ບຸນນ້ຳມັນ”ພາໃຫ້ເກີດບັນຫາໃດແດ່ຕາມມາ?

1. ປຊຊ ຕ້ອງໄດ້ລຽນຄິວເຂົ້າຊື້ນ້ຳມັນຈຳນວນຫຼາຍເຮັດໃຫ້ການຈາລະຈອນແອອັດ.

2. ການກັກຕຸນນ້ຳມັນຂອງຄົນຈຳນວນ ໜຶ່ງ ແລ້ວນຳມາຮ່າຍໃສ່ຕຸກຂາຍໃນລາຄາທີ່ສູງຂຶ້ນ.

3. ເກີດມີໂຈນລັກນ້ຳມັນເກີດຂຶ້ນ.

4. ເກີດການສວາຍໃຊ້ໂອກາດທີ່ ປປຊ ເດືອດຮ້ອນເພີ່ມຍອດຂາຍໃຫ້ແກ່ທຸລະກິດຕົນເອງ.

🚩 ເມື່ອເກີດ “ບຸນນ້ຳມັນ”ຂຶ້ນມາແລ້ວ ທາງລັດຖະບານເພິ່ນເຮັດຫຍັງແດ່?

1. ຫຼຸດຜ່ອນອາກອນຊົມໃຊ້ນ້ຳມັນເຊື້ອໄຟລົງເປັນເວລາ 03 ເດືອນ ຈຶ່ງເຮັດໃຫ້ນ້ຳມັນມີລາຄາຫຼຸດລົງ. ຕົວຢ່າງ: ນ້ຳມັນແອັດຊັງທຳມະດາຈາກລິດລະ 18.060 ມາເປັນ 17.300.

2. ເພິ່ນໄດ້ເອີ້ນບັນດາທະນາຄານໃຫ່ຍໃນປະເທດເພື່ອມາຫາວິທີທາງແກ້ໄຂບັນຫາຂາດແຄນເງິນຕາຕ່າງປະເທດ ແລະ ບັນຫາເງິນເຝີ້ພາຍໃນປະເທດ.

3. ໃນທ້າຍເດືອນພຶດສະພານີ້ ຈະສາມາດກັ່ນນ້ຳມັນກາຊວນອອກມາໃຊ້ເອງໄດ້ ຈຳນວນ 10 ລ້ານລິດ/ເດືອນ ຂອງບໍລິສັດຍອດງື່ມພາວເວີ້.

4. ລັດວິສາຫະກິດນ້ຳມັນເຊື້ອໄຟລາວໄດ້ສະເໜີຂໍຢືມນ້ຳມັນສຸກເສີນຈາກກົມເຊື້ອໄຟ, ກະຊວງປ້ອງກັນຄວາມສະຫງົບຈຳນວນ 1.000.000 ລິດ ເພື່ອແກ້ໄຂບັນຫາສະເພາະໜ້າໃນຕອນນີ້.

5. ເພິ່ນໄດ້ສະເໜີຂໍຊື້ນ້ຳມັນເຊື້ອໄຟລາຄາຍ່ອມເຍົາຈາກ ຣັດເຊຍ, ນີ້ເປັນການແກ້ບັນຫາໃນໄລຍະຍາວພວກເຮົາອາດຈະໄດ້ໃຊ້ນ້ຳມັນໃນລາຄາທີ່ຖືກລົງປະມານ 10.000/ ລິດ ກໍເປັນໄດ້. ແຕ່ມັນກໍຍັງມີຫຼາຍຂະບວນການພໍສົມຄວນກວ່າຈະຮອດເວລານັ້ນກໍຕ້ອງໄດ້ໃຊ້ເວລາ.

🚩 ປຊຊ ຄົນທຳມະດາແນວເຮົາເດຕ້ອງປັບຕົວແນວໃດ??

ຕອບງ່າຍໆເລີຍກໍຄືໃຊ້ຊີວິດປົກກະຕິ, ຊື້ເທົ່າທີ່ຕ້ອງການ, ໃຊ້ເທົ່າທີ່ມີ, ນຳໃຊ້ກົນລະຍຸດປະຢັດ ໃຊ້ຈ່າຍແຕ່ແນວຈຳເປັນ, ຢ່າແຕກຕື່ນ, ຢ່າກັກຕຸນ ມັນຈະເຮັດໃຫ້ຂາດສົມດູນທາງການຕະຫຼາດ

ສະຫຼຸບ: ບັນຫາການຂາດແຄນນ້ຳມັນນີ້ມັນກໍມີຈິງແຕ່ເປັນພຽງໄລຍະເວລາສັ້ນໆເທົ່ານັ້ນ, ແຕ່ວ່າມັນເປັນຈິດຕະສາດເຮັດໃຫ້ຜູ້ຄົນແຕກຕື່ນພາກັນກັກຕຸນເງິນຕາ, ນ້ຳມັນ, ເຮັດໃຫ້ຂາດແຄນຕະຫຼາດ ແລະ ສົ່ງຜົນໃຫ້ລາຄາກໍສູງໄປນຳ.

ຊົມຄຼິບ

Related Posts

Leave a Reply

Your email address will not be published. Required fields are marked *