ທະຫານຣັດເຊຍສາລະພາບ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ທະຫານຣັດເຊຍສາລະພາບ ໄດ້ສັງຫານປະຊາຊົນຊາວຢູເຄຣນ

ທາ້ວ ວາດິມ ຊີຊີມາລິນ ທະຫານຣັດເຊຍ ອາຍຸ 21 ປີ ໄດ້ສາລະພາບຕໍ່ສານວ່າ ໄດ້ກະທຳຜິດແທ້, ໃນການພິຈາລະນາຄະດີອາຊະຍະກຳສົງຄາມຄັ້ງທຳອິດຂອງຢູເຄຣນ ໂດຍກ່ອນໜ້ານີ້ລາວໄດ້ຍິງຂ້າຜູ້ຊາຍສູງອາຍຸ 62ປີ ທັ້ງທີ່ລາວເປັນປະຊາຊົນທີ່ບັງເອີນຂີ່ລົດຖີບຜ່ານ.

ທາ້ວ ຊີຊີມາລິນ ເປັນຫົວໜ້າກອງທະຫານລົດຖັງໜ່ວຍໜຶ່ງ ໄດ້ຍິງສັງຫານທ້າວ ໂອເລັກຊານເດີ ເຊລິປອຟ ທີ່ບ້ານຊູປາຄິຟກາ ປະເທດຢູເຄຣນ

ໃນຊ່ວງທຳອິດຂອງການເລີ່ມເຮັດສົງຄາມ, ໂດຍໃນຂະນະນັ້ນລາວ ແລະ ໝູ່ອີກ 4 ຄົນ ກຳລັງຂັບລົດທີ່ລັກມາ ເພື່ອໜີຈາກການໂຈມຕີຂອງຂະບວນລົດຖັງຂອງພວກລາວ.

ແລ້ວລາວໄດ້ສາລະພາບວ່າ: “ເຂົາໄດ້ຮັບຄຳສັ່ງໃຫ້ສັງຫານປະຊາຊົນ ຈຶ່ງໄດ້ໃຊ້ປືນຍິງເຂົ້າທີ່ຫົວທ້າວ ເຊລິປອຟ ຈົນເສຍຊີວິດທັນທີ”.

ຂະນະທີ່ລາວເດີນທາງມາຫ້ອງພິຈາລະນາຄະດີໃນສານ ລາວໄດ້ຖືກໃສ່ກະແຈມື ແລະ ລ້ອມດ້ວຍເຈົ້າໜ້າທີ່ຮັກສາຄວາມປອດໄພຢ່າງແໜ້ນໜາ, ໃນຂະນະທີ່ ພັນລະຍາຂອງຜູ້ເສຍຊີວິດ ກໍໄດ້ເຂົ້າຮ່ວມຮັບຟັງການພິຈາລະນາຄະດີເຊັ່ນກັນ. ການພິຈາລະນາຄະດີໄດ້ຈົບຢ່າງໄວເນື່ອງຈາກຜູ້ກ່ຽວໄດ້ສາລະພາບ ແຕ່ກໍຍັງມີການ ສວບສວນອີກຕໍ່ໄປ.

ລັດຖະບານຣັດເຊຍໄດ້ຖະແຫຼງວ່າ ບໍ່ຮັບຮູ້ເຖິງການກະທຳຜິດຂອງທ້າວ ຊີຊີມາລິນ, ສ່ວນທາງຢູເຄຣນ ໄດ້ແຈ້ງວ່າ ໄດ້ກວດພົບການກໍ່ອາຊະຍະກຳສົງຄາມໂດຍທະຫານຣັດເຊຍຫຼາຍກວ່າ 10,000 ຄະດີແລ້ວ.

ຂ່າວຈາກ: ລາວໂພສ

Related Posts

Leave a Reply

Your email address will not be published. Required fields are marked *