ສະຫະລັດຮ່າງກົດໝາຍ ຫ້າມ Apple ແລະ Google ຮອງຮັບແອັບທີ່ເປີດໃຫ້ຊຳລະເງິນດ້ວຍຢວນດິຈິຕອນ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ສະຫະລັດຮ່າງກົດໝາາຍ ຫ້າມ Apple ແລະ Google ຮອງຮັບແອັບທີ່ເປີດໃຫ້ຊຳລະເງິນດ້ວຍຢວນດິຈິຕອນ

ຢວນດິຈິຕອນ ເປັນໂຄງການສະກຸນເງີນດິຈິຕອນທີ່ອອກໂດຍທະນາຄານກາງຈີນ ແລະເລີ່ມມີການທົດລອງໃຊ້ຕັ້ງແຕ່ປາຍປີ 2019 ຈົນເຖິງປະຈຸບັນ ໄດ້ມີການຂະຫຍາຍຂອບເຂດການໃຊ້ງານໃນຫຼາຍເມືອງຫຼາຍຂຶ້ນ .

ລວມເຖິງມີການອອກແອັບພລິເຄຊັນ e-CNY ໃຫ້ຜູ້ໃຊ້ງານຊາວຈີນ ສາມາດດາວໂຫຼດແລະທົດລອງໃຊ້ງານໄດ້ ແລະເມື່ອບໍ່ດົນມານີ້ WeChat ແອັບພລິເຄຊັນຮັບສົ່ງຂໍ້ຄວາມ ແລະຊຳລະເງິນຂອງ Tencent ປະກາດວ່າ ຈະເລີ່ມຮອງຮັບເງີນຢວນດິຈິຕອນ .

ລວມເຖິງ Alipay ແອບຊຳລະເງິນຂອງ Ant Group ໃນເຄືອ Alibaba ກໍຍອມຮັບເງິນຢວນດິຈິຕອນເຊັ່ນກັນ . ເຊິ່ງທັງ 2 ແອັບພລິເຄຊັນນັ້ນ ມີຢູ່ທັງເທິງ App Store ແລະ Google Play Store .

ລ່າສຸດ! ສະມາຊິກວຸດທິສະພາຂອງພັກຣີພັບລິກັນ ເຊັ່ນ Tom Cotton, Marco Rubio ແລະ Mike Braun ໄດ້ຮ່ວມກັນຮ່າງກົດຫມາຍໃໝ່ ທີ່ຫ້າມ App Store ຂອງ Apple ແລະ Google Play Store ຂອງ Google ລວມເຖິງ App Store ອື່ນໆທີ່ມີໃນສະຫະລັດຯ ຮອງຮັບແອັບພລິເຄຊັນທີ່ເປີດໃຫ້ຊຳລະເງີນດ້ວຍຢວນດິຈິຕອນ .

ຫລືອະທິບາຍງ່າຍໆວ່າ ຫ້າມ Apple, Google ແລະອື່ນໆຮອງຮັບ WeChat, Alipay ແລະແອັບອື່ນໆ ທີ່ຈະຮອງຮັບຢວນດິຈິຕອນໃນອະນາຄົດນັ້ນເອງ .

ທາງ Tom Cotton ລະບຸວ່າ ຢວນດິຈິຕອນ ໄດ້ຮັບການອອກແບບໃຫ້ສາມາດເບິ່ງການເຮັດທຸລະກຳທັງໝົດເທິງເຄືອຂ່າຍໄດ້ແບບຣຽວທາມ ເຊິ່ງຈະມີຜົນຕໍ່ຄວາມເປັນສ່ວນຕົວ ແລະຄວາມປອດໄພຕໍ່ຊາວອາເມຣິກັນ ທີ່ຮ່ວມໃຊ້ງານຢວນດິຈິຕອນ .

ເຊັ່ນດຽວກັບ Center for a New American Security ຫນ່ວຍງານຂອງສະຫະລັດຯ ທີ່ລາຍງານວ່າ ຢວນດິຈິຕອນ ຈະເປັນປະໂຫຍດຕໍ່ລັດຖະບານຈີນໃນການສອດແນມ ແລະແຊກແຊງຊີວິດຂອງຊາວຈີນ ເນື່ອງຈາກຂໍ້ມູນຜູ້ໃຊ້ແລະຂໍ້ມູນການເຮັດທຸລະກຳຕ່າງໆ ຈະຖືກຈັດເກັບໄວ້ທັງໝົດ .

ຢ່າງໃດກໍດີ ທັງ Apple, Google, Ant Group ແລະ Tencent ບໍ່ໄດ້ອອກມາສະແດງຄວາມຄິດເຫັນຕໍ່ເລື່ອງນີ້ ສ່ວນທາງສະຖານເອກອັກຄະລາຊະທູດຈີນໃນກຸງວໍຊິງຕັນ ໄດ້ລະບຸວ່າ ຮ່າງກົດຫມາຍນີ້ເປັນອີກໜຶ່ງຕົວຢ່າງທີ່ສະຫະລັດຯ ຂົ່ມເຫັງບໍລິສັດຕ່າງຊາດຢ່າງໄຮ້ຄວາມປານີ .

ທັງນີ້ ກົດຫມາຍດັ່ງກ່າວຍັງເປັນພຽງຮ່າງທີ່ຕ້ອງມີການດຳເນີນເລື່ອງຕໍ່ໄປໃນລັດຖະສະພາ . ເຊິ່ງກໍບໍ່ແນ່ນອນວ່າຈະຜ່ານອອກມາເປັນກົດຫມາຍ ທີ່ມີຜົນບັງຄັບໃຊ້ແທ້ຫລືບໍ່? .

ແນວໃດກໍດີ ທັງພັກຣີພັບລິກັນ ແລະເດໂມແຄຣັດ ແມ່ນມັກຈະມີຄວາມຄິດເຫັນແລະແນວທາງຕ່າງກັນ ແຕ່ເລື່ອງທີ່ທັງ 2 ພັກເຫັນກົງກັນ ກໍຄືການກີດກັ້ນຈີນ..

Cr. ນັກທຸລະກິດ​

Related Posts

Leave a Reply

Your email address will not be published. Required fields are marked *