ລາງວັນນຳຈັບ: 20.000.000ກີບ (ຊາວລ້ານກີບ) ‼️

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


‼️ ລາງວັນນຳຈັບ: 20.000.000ກີບ (ຊາວລ້ານກີບ) ‼️

ແຈ້ງການຈາກທາງ ຮ້ານຄຳມາໄລ

ເລື່ອງ: ຂໍເຕືອນໄພພໍ່ແມ່ພີ່ນ້ອງກ່ຽວກັບການຮັບເງິນໂອນ ແລະເລົ່າລາຍລະອຽດເຫດການມິດສາຊີບ ໃຊ້ກົນລວງວ່າໂອນເງິນເຂົ້າບັນຊີໃນແອັບທະນາຄານແລ້ວເອົາຄຳຂອງຮ້ານໄປ ທັງນີ້ເພື່ອເປັນປະໂຍດສູງສຸດແລະກໍລະນີສຶກສາໃຫ້ກັບທຸກຄົນໃນສັງຄົມ

📌ພາບລວມເຫດການ:

  1. ຄົນຮ້າຍເຂົ້າມາທຳທ່າຊື້ຄຳ
  2. ຄົນຮ້າຍໂອນເງິນເຂົ້າບັນຊີຮ້ານ
  3. ຮ້ານກວດແອັບທະນາຄານວ່າໄດ້ຮັບຍອດແລ້ວຈື່ງມອບຄຳໃຫ້ໄປ
  4. ເງິນຖືກຕັດອອກຈາກບັນຊີຮ້ານໄປເອງ ໂດຍບໍ່ຮູ້ເມື່ອ

🔺ເຫດການຢ່າງລະອຽດ:

ວັນພຸດ ທີ15 ເດືອນ6 ເວລາ11:45 ທີ່ຜ່ານມາ ໄດ້ມີມິດສາຊີບ ເປັນຜູ້ຊາຍຮ່າງສູງ ສັນຊາດໄທ (ພາຍຫຼັງຮູ້ຊື່ແທ້ວ່າ: นายธารา เจริญนาคา ອາຍຸ: 62ປີ) ມາຫຼອກຊື້ສາຍຄໍ10ບາດ ຈຳນວນ2ເສັ້ນ ລວມນຳ້ໜັກ20ບາດ

ເປັນມູນຄ່າຫຼາຍກວ່າ6ແສນບາດ ໂດຍໃຊ້ກົນລວງວ່າຈະຊຳລະດ້ວຍການ “ໂອນເງິນ” ເຂົ້າບັນຊີທະນາຄານຂອງຮ້ານ ຫຼັງຈາກຜູ້ກ່ຽວແຈ້ງວ່າໂອນແລ້ວ ທາງຮ້ານກໍ່ໄດ້ກວດສອບຜ່ານແອັບທະນາຄານແລະ ເຫັນວ່າໄດ້ຮັບຍອດເງິນດັງກ່າວຕາມທີ່ຕົກລົງໄວ້ (ມີແຈ້ງເຕືອນໃນແອັບວ່າຍອດເງິນເຂົ້າ ແລະຍອດດັງກ່າວກໍ່ໄດ້ບວກລວມເຂົ້າໃນຍອດຄົງເຫຼືອປັດຈຸບັນຮຽບຮ້ອຍ) ທາງຮ້ານເຫັນດັງນັ້ນຈຶ່ງໄດ້ສົ່ງມອບສິນຄ້າໃຫ້ກັບຜູ້ກ່ຽວ

ພາຍຫຼັງ ທາງຮ້ານມາພົບວ່າ ຍອດເງິນດັງກ່າວໄດ້ອອກຈາກບັນຊີຂອງທາງຮ້ານໄປເອງ ທັງໆທີ່ທາງຮ້ານບໍ່ໄດ້ມີການໂອນອອກ ຈຶ່ງໄດ້ກວດສອບໄປທາງທະນາຄານແລະໄດ້ຂໍ້ມູນວ່າ ຍອດເງິນທີ່ຊາຍຜູ້ນີ້ອ້າງວ່າໂອນເຂົ້າມານັ້ນ ແມ່ນມາຈາກການທີ່ມີຊາຍອີກຄົນນຳແຊັກມາຝາກເຂົ້າບັນຊີຂອງທາງຮ້ານທີ່ທະນາຄານ ເຮັດໃຫ້ຍອດເງິນນັ້ນບວກລວມເຂົ້າໃນບັນຊີແລະສະແດງຂຶ້ນໃນແອັບທະນະຄານທັນທີວ່າເງິນເຂົ້າ

ແຕ່ພາຍຫຼັງເນື່ອງຈາກບັນຊີຕົ້ນທາງຂອງແຊັກບໍ່ມີເງິນພຽງພໍ ເຮັດໃຫ້ຍອດເງິນທີ່ເຂົ້າມາແລ້ວຕອນຕົ້ນໃນບັນຊີຂອງທາງຮ້ານ ຖືກລົບອອກໄປຄືນ (ພ້ອມທັງຫັກເງິນຄ່າທຳນຽມຈາກບັນຊີຂອງທາງຮ້ານອີກຈຳນວນ600ປາຍບາດ)

🚫ສິ່ງທີ່ຫຼາຍຄົນອາດເຂົ້າໃຈຜິດ:

ທາງຮ້ານບໍ່ໄດ້ມີການ “ຮັບແຊັກ” ຈາກຜູ້ຮ້າຍ
ແຕ່ຄວາມຈິງແມ່ນຜູ້ຮ້າຍໄດ້ຕັວະວ່າຈະໂອນເງິນຈ່າຍ ເຊິ່ງທາງຮ້ານກໍ່ໄດ້ກວດສອບວ່າໄດ້ຮັບຍອດເງິນແລ້ວຮຽບຮ້ອຍຜ່ານແອັບທະນາຄານຈັ່ງມອບຄຳໃຫ້ໄປ ແຕ່ພາຍຫຼັງຍອດເງິນດັງກ່າວຖືກດຶງຫາຍອອກໄປຈາກບັນຊີໂດຍທາງຮ້ານບໍ່ຮູ້ເມື່ອ

💢ມິດສາຊີບກຸ່ມນີ້ກຳລັງລະບາດໄປຫຼາຍແຂວງ:

ຫຼັງຈາກຂ່າວນີ້ຖືກແຊອອກໄປໃນສື່ໂຊຊ້ຽວ ທາງຮ້ານກໍ່ໄດ້ຮັບແຈ້ງວ່າ ມີກໍລະນີທີ່ຄືກັນເກີດຂຶ້ນໃນ ວັນທີ8 ເດືອນ6 ທີ່ນະຄອນຫຼວງວຽງຈັນ ແລະໄດ້ຮັບການຢືນຢັນວ່າເປັນກຸ່ມມິດສາຊີບກຸ່ມດຽວກັນນີ້ທີ່ກໍ່ເຫດ ຈາກຮູບການດັງກ່າວ ມີຄວາມເປັນໄປໄດ້ທີ່ກຸ່ມຄົນຮ້າຍກຳລັງວາງແຜນຕະເວນໄປຫຼອກຕົ້ມຕຸ໋ນຄົນບ້ານເຮົາ ໃນເມືອງແລະແຂວງອື່ນໆ ຕໍ່ໆໄປ

‼️ເຕືອນໄພພໍ່ແມ່ພີ່ນ້ອງທຸກຄົນ:
ເຫດການແບບນີ້ບໍ່ແມ່ນເກີດຂຶ້ນໄດ້ແຕ່ກັບຮ້ານຄຳທໍ່ນັ້ນ ແຕ່ມັນໃກ້ໂຕເຮົາຫຼາຍແລະເກີດຂຶ້ນໄດ້ກັບທຸກຄົນໃນສັງຄົມບໍ່ວ່າທ່ານຈະປະກອບອາຊີບໃດກໍ່ຕາມ ທາງຮ້ານຢາກໃຫ້ປະສົບການໃນຄັ້ງນີ້ຂອງເຮົາເປັນກໍລະນີສຶກສາ

ໃຫ້ແມ່ຄ້າພໍ່ຄ້າຊາວຂາຍທຸກຄົນໄດ້ຮູ້ເທົ່າທັນກົນລວງ ມີສະຕິ ແລະບໍ່ຕົກເປັນເຍື່ອຂອງກຸ່ມຄົນບໍ່ດີເຫຼົ່ານີ້ອີກ (ທາງຮ້ານກຳລັງສືບຕໍ່ເຮັດການຄົ້ນຄວ້າກ່ຽວກັນການປ້ອງກັນ ແລະການກວດສອບຍອດເງິນໂອນຂອງທະນາຄານ ຖ້າໄດ້ຂໍ້ມູນພຽງພໍຈະມາແຊເພື່ອເປັນປະໂຍດໃຫ້ທຸກຄົນຕໍ່ໄປ)

🔸ສະຖານະການປັດຈຸບັນ:

ຮອດຕອນນີ້ ຍັງບໍ່ສາມາດຈັບໂຕຜູ້ກະທຳຜິດໄດ້ ຫາກທ່ານໃດພົບເຫັນຫຼືມີເບາະແສ ຂໍຄວາມຊ່ວຍເຫຼືອລົບກວນຕິດຕໍ່ເຂົ້າມາທາງເພຈຮ້ານຄຳມາໄລ ສາຂານະຄອນໄກສອນ ແຂວງສະຫວັນນະເຂດ
ຫຼື WhatsApp☎️: 5555-3001 / 9638-5177

ຫາກທ່ານໃດສາມາດໃຫ້ເບາະແສທີ່ເຮັດໃຫ້ສາມາດຈັບຜູ້ຮ້າຍໄດ້ ທາງຮ້ານຈະຂໍສະແດງຄວາມຂອບໃຈມອບລາງວັນເປັນເງິນຈຳນວນ: 20.000.000ກີບ (ຊາວລ້ານກີບ)

ສຸດທ້າຍນີ້ ຮ້ານຄຳມາໄລແລະທີມງານທຸກຄົນ ຂໍຂອບໃຈສື່ມວນຊົນທັງຝັ່ງລາວແລະໄທ ເພຈໃນໂຊຊ້ຽວຕ່າງໆ ແລະພໍ່ແມ່ພີ່ນ້ອງທຸກໆຄົນ ທີ່ຊ່ວຍເຫຼືອກະຈ່າຍຂ່າວນີ້ອອກໄປ ອັນເປັນປະສົບການຄວາມຮູ້ທີ່ຈະເປັນປະໂຍດໃຫ້ແກ່ໝົດທຸກຄົນໃນສັງຄົມ

ຂໍ້ມູນຜູ້ຮ້າຍ (ຊາຍໃນພາບ)

ຊື່ປັດຈຸບັນ: นายธารา เจริญนาคา (ທາລາ ຈະເລີນນາຄາ)

ຈາກຂໍ້ມູນຜູ້ຮ້າຍປ່ຽນຊື່ມາແລ້ວ5ຄັ້ງ

ເກີດ: 04/01/ພສ2503, ອາຍຸ: 62ປີ, ສັນຊາດ: ໄທ, ເລກບັດປະຊາຊົນໄທ: 373-0101-433-989

Related Posts

Leave a Reply

Your email address will not be published. Required fields are marked *