ໂຕໂຢຕ້າ ປະກາດເກັບລົດໄຟຟ້າຄືນຈາກບັນຫາລໍ້ລົດຜິດປົກກະຕິ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ໂຕໂຢຕ້າ ປະກາດເກັບລົດໄຟຟ້າຄືນຈາກບັນຫາລໍ້ລົດຜິດປົກກະຕິ

.ຕາມ​ຂ່າວ​ຈາກ ວັນ​ທີ24​ ມິຖຸນາ​ນີ້, ບໍລິສັດ ​ໂຕ​ໂຢຕ້າ ສຳນັກງານ​ໃຫຍ່​ ໃນ​ຍີ່ປຸ່ນ ປະກາດ ​ເກັບ​ລົດ​​ ໄຟຟ້າ​(EV) ລຸ້ນທຳ​ອິດ ​ຂອງ​ບໍລິສັດ​ ທີ່​ຫາ​ກໍ່​ ເປີດ​ໂຕ​ພຽງ 2​ເດືອນ ​ຈຳນວນ 2.700ຄັນ ເນື່ອງ​ຈາກ ພົບ​ບັນຫາ​ ກ່ຽວ​ກັບ ​ຊີ້ນ​ສ່ວນ​ ລໍ້​ລົດ ຜິດ​ປົກກະຕິ.

ບໍລິສັດ ຜູ້​ຜະລິດ ​ລົດ​ໃຫຍ່​ ທີ່​ສຸດ​ ໃນ​ໂລກ ​ເມື່ອ​ວັດ​ຈາກ​ ຍອດ​ຂາຍ ​ໄດ້​ສົ່ງ​ຄຳ​ຮ້ອງ ​ຂໍ​​ເກັບ​ຄືນ​ລົດ EV ​ເອສຢູວີ ລຸ່ນbZ4X ​ໄປ​ຍັງ ​ກະຊວງ ​ຄົມມະ ນາຄົມ​ ຂົນ​ຂອງ​ ຍີ່ປຸ່ນ.

ກ່ອນ​ໜ້າ​ນີ້ ບໍລິສັດ ​ໄດ້​ກຳນົດ​ ໄວ້​ວ່າ ລົດ​ລຸ່ນນີ້ ຈຳນວນ 2.200 ຄັນ ຈາກ​ຈຳນວນ​ ທັງ​ໝົດ 2.700ຄັນ ຈະ​ສົ່ງ​ໄປ​ຍັງ ​ຕະຫລາດ​ ເອີ​ຣົບ ສ່ວນ​ຕະຫລາດ ​ໃນ ສ.ອາ​ເມ​ລິ​ກາ ກຳນົດ​ໄວ້ຈຳນວນ 260ຄັນ.

ຂະນະ​ທີ່ ກາ​ນາ​ດາ ຈະ​ໄດ້10​ຄັນ ສ່ວນ​ຍີ່ປຸ່ນ ​ໄດ້​ໂຄ​ຕາ ຈຳນວນ 110​ຄັນ.ສຳລັບ ໜ່ວຍ​ງານ​ ຄວບ​ຄຸມ ​ຄວາມ​ປອດ​ໄພ​ລົດ​ ຂອງ​ຍີ່ປຸ່ນ ​ເປີດ​ເຜີຍ​ວ່າ: ການ​ຫັກ​ລ້ຽວ ​ແລະ ​ເບຣ​ກ ຢ່າງ​ກະທັນຫັນ ອາດ​ເຮັດ​ໃຫ້​ ລໍ້ລົດ ອອກ​ຈາກ​ ໂຕ​ລົດ​ໄດ້​ງ່າຍ ສ່ຽງ​ເກີດ ​ອຸບັດ​ເຫດ​ໄດ້,ດັ່ງນັ້ນ ຈຶ່ງ​ຕ້ອງ​ປັບປຸງ ​ແກ້​ໄຂ​ລະບົບ​ ດັ່ງກ່າວ ​ໃຫ້​ດີ​ຂຶ້ນ./.

(ພາກ​ຂ່າວ: ຕ່າງປະ​ເທດ)

ຮຽບຮຽງ​ຂ່າວ​ໂດຍ: ສະ​ໄຫວ ລາດ​ປາກ​ດີ

Related Posts

Leave a Reply

Your email address will not be published.